جنون نوح💓مكتملة💓

💓الجزء 128💓

جزء 128:

🎀عند الماس🎀
غير طلعات الفوق لبيتها جلسات على الفراش وهيا خدودها حمرين ومزنكين حشمات قدام امينة واسية وهيا هكاك حتى كاتشوف تليفونها كايصوني فيديها صوت تليفون قفزها شافت شكون كايصوني لقااتو نووح عضات شفيفتها حشمانة ماعرفة اش تقول وخصوصا هيا عارفة علاش كايصوني شجعات راسها وفتحات الخط
الماس: بصوت حنين والحشمة غا تقتلها ... الو
نوح: موقف اللوطو ديالو وكايشوف ف هيلي كوبتير لي قام بالكراء ديالها و لي غاايمشي فيها لكثامة كايشوف ف محمد لي نزل من طنوبيلتو وحتى هو كاايشوف ف نوح كايستناه ينزل والريح قريب يطيرو من الارض نفخو البرد اليوم مسكين بكثرة ماستنى ف نوح
نوح: داير تليفونو فودنيه... قلب الحليب
الماس: بزز كاتهضر هه...ن نعم
نوح: شنو كاديري
الماس: والو غا ف البيت
نوح: عقد حجبانو... مافطرتيش
الماس: لا فطرت
نوح: حك دقنو بصبعو الكبير وعااينيه مركزين ف محمد لي تجمد... صيفطت ليك شي حوايج واش وصلو
الماس: خدودها ولاو حمرين... اه
نوح: شنو اه
الماس: احم وصلو
نوح: عض شفايفو... المااس
المااس: قلبها كايضرب بزز قدرات تخرج اممم من فمها... اممم
نوح: تواحشتي الكوخ
الماس: فتحات عوينتها على جهد... بزاااف والله
نوح: حك على للحيتو وهو بااغي يوصل ليها كلامو غير بالفن و اشنو بااغي منها ... زين المرا ف العقل والقلب و الحشمة والكدوب على لله حراام عارفني علاش صيفطت ليك دوك الحوايج وعاارفة اش بااغي منك ولي نقول ليك ابنت الناس لمرا يشدوها ولادها وراجلها والخيمة يشدوها وتادها ورااجل ابنت الناس مااتشدو غا المرأة لي تشبعو ف فراشو وفكرشو هيا لي تشدو ف دارو وتضرب ليه وتادو والحديث قياس ...
الماس: قلبها كايضرب بالحشمة ماقدراتش تهضر وخصوصا عرفاتو اش باغي يوصل ليها

نوح: سمع حسها مقطوع عرفها حشمات كيف العادة حنحن وقال اخير كلام... اخير مرة نجبد معاك هااد الموضوع ابنت القلب انا عطيتك فكرة على اش باغي منك ودابا كولشي بيديك المهم نخاليك...
غير قال كلامو قطع عليها وشاف جهت محمد لي صاافي الريح شبعو تسرفيق خشا تليفونو فجيبو وعاوط طربوش على راسو وهز تيرموس ديال قهوتو فيديه وفتح مجر اللوطو جبد كاميرتو و شاف ف المسدس ديالو لي عااندو برخصة ياعني ماشي مهرب ولا شيحاجة هزو وخشااه مع صمطة ديال سروال وهز كاميرتو معااه غير خرج من اللوطو زااد غاادي جهت الهيلي كوبتير وماشافش فمحمد لي تجمد بالبرد زاد ركب فيها هو الاول وعاد طلع محمد لي كايحك يديه مع بعضياتهم شااف فنوح وقال...
محمد: ما قولتيش ليا اسي نوح إنا نوع من الخدمة لي عندنا ف كثامة
نوح: شااف فيه ... نوصلو ونعارفو... غير قال ليه كلامو ضار وشاف ف سائق الهيلي كوبتير... تحرك..
غير قال ليه كلامو ماعودهاش معااه وغير شوية قلع محلقين ف السماء..

الماس: لي غير قطع عليها نوح بقات ضور فعاينيها صاافي قالبها غاايسكت مسكينة من اشنو قال ليها صاافي وجهها حمرر عرفااتو ماغيرجعش فكلامو وهاد المرة بااغيها هيا لي تزعم وهيا لي دير ليه والمشكلة كاتقول مع راسها اش غااندير ليه وانا حتى داكشي ديالو ماكنحملوش و واخا نعست معااه شحال من مرة ماشفتوش كيفاش عااندو وماباغااش نشوفو اصلا بقات هكاك جالسة على سرير وهيا عقلها كايدي ويجيب وافكار كثيرة مشوشة ليها عقلها كاتحس بنوح زيرها من هااد الناحية و الواعرة هيا موجد لكولشي وضارب الحساب لكولشي ومصايفط ليها حتى الحوايج لي باغيها تلبسهم ليه ف الليلة لي بااغي ...