جنون نوح💓مكتملة💓

💓الجزء 95💓

جزء 95:

غفران : نترات ليه من يديه ومسحات دموعها وهزات راسها بواخا وهيا تقول ليه كلام لي هادي عاام غرسو ليها فقلبها ودابا باغة ترجع دقتها .. واخا إوى شوف ابلال نتا مزال صغير ومبرهش ماعرفش راسك اش كاتقول من الاحسان ليك تمشي للبيرو ديالك وتبع خدمتك اما الحب وداكشي مايصلاحش ليك كبر عقلك وما تبقاش برهوش وانا خااصني شي حد لي يكون كبير وشاارب عااقلو مثلا بحال خويا نووح اما نتا انا ماشي من سهمك ونتا ماشي من سهمي اكي
بلال: خرج عااينيه فيها بصدمة نفس الكلام لي كان قالو ليها هاادي عاام... غفران
غفران: عقدات فيه حواجبها ... فووت ساحتي وخاليني ختك
غير قالت ليه كلامها خرجات من داك البيت وطلعات كاتجري فدروج حتا وصلات لبيتها لي كاتنعس فيه هيا واميمة كان خااوي تلاحت على الفراش كااتبكي بسكات وهيا كاتفكر هاادي عااام اش وقع منين كانت جات فعطلة الصيف عند ماماها وبقاو هنا ف الفيلة كاانت معتبرها بحال ختو لا هوا ولا عمران يضحكو معها ويقشبو معها لدارجة منين يخرجو يخارجوها معاهم عاادي ولكن هيا كانت اغلاب الاوقات مع بلال حيت ضاحوكي كثر من عمران كايضحك معها بزاف ويقشب عليها وحتا هيا هكاك تعلقات فيه لدارجة تقول ليه ملي تجي من الخدمة جيب ليا معاك شكلاط ولا اي نوع من انواع الحلويات وحتا هوا ما يخسرش ليها الخاطر شخص مارح عتبرها بحال ختو كان إهتمامو بيها عاادي ولكن هيا لا بلى ماتحس جاتها مراهقتها عليه بلى ما تحس براسها تعلقات بيه تافكيرها كلو تعلق ف بلال وقلبها ولا فيه غا بلال كااتشوفو كيفاش كايهتم بيها ومايخسرش ليها وهيا تفهم غلاط بلى ما تحس فتحات قلبها ليه مخاليه يعبر بوابة قلبها ويتربع عليه ماهيا مراهقة جاتها المراهقة عليه وبغااتو..

حتا لواحد النهار لي شافتو مع واحد البنت كان جا لدار من ورا شيحاجة وجابها معه مخاليها ف الوطو ديالو ومع هيا كانت ف جردة شاافت هااديك البنت منين كانو ف اللوطو كيفاش قرب لهاديك البنت وبااسها من فمها وماابعدش طول معها ف القبلة غفران لي كانت شافت كولشي على عاينيها وبغاات تمووت ب البكاء قلبها تعلق بيه بلى ماتحس ومنين شاافتو مع هاديك نااضت فيها العاافية ديال الغيرة بقات حاضياهم حتا تحاركو وهيا جلسات فهاديك الجردة مابغاتش تدخل لداخل كاتبكي وتشهق وهيا كاتقول هو ديالي وكايبغيني كيف كانبغيه وغاايجي ونقول ليه كولشي بلي انا كانبغيه وما نخاليهش ليها وفعلا بقات كاتستنها تما حتا طاح ضلام وهيا تشوفو داخل بطنوبيلتو مشات جهتو كاتجري وهيا كاتبكي غير وقفات حداه وهوا نزل كايهضر فتليفون وطايح بتعناب فتليفون وغير شافها قدامو وهيا كاتبكي قطع وشااف فيها بإستغراب وسولها
بلال: غفران م مالكي

غفران: شافت فيه وهيا قالبها غاايسكت ب البكاء وخصوصا سمعات الكلمة الاخيرة لي قال فتليفون قبل مايقطع ولي هيا نتي زين ديالي شعلات فيها العاافية وقالت وهيا كاتغاااوت... هئ ش شكون هاديك ابلال لي بوستيهاا
بلال: خرج عااينيه فيها وحشم ماكانش باغيها تشوفو خاف تقولها توصل لنوح ولا تقولها ل امينة ... غفران تبقاا بينتنا هااديك غا واحد سلكوطة كااندوز معها الوقت ماتقولي لحد بلي جبت معايا شي واحدة لدار عاافك اختي
غفران: مااحساش براسها اش كااتقول... علاش تجيبها ابلال علاش واش ماا عجبتكش انا لي كاانتقطع عليك هئ
بلال: عقد حجبانو فيها بإستغراب... اش كاتقولي نتيا
غفران: قربات ليه وهيا عااينيها حامرين ب الدموع ومع طالقة شعرها مزالة ما كتلبسش الزيف هاابط ليها شعرها على ضهارها لحد كتفها ورطب كايديه الريح ويجيبو ... هئ وانا ابلال وانا لي كانبغيك كثر من راسي هئ
بلال: صدمااتو رجع اللور بخطواتو... ش شنو
عفران: شافت فيه بعيون دامعين وهيا كاتهضر بعافوية وكاتقول اش فقلبها... هئ شحال وانا كانستناك تشوفني شحال كانبغيك ولكن نتا لا ما مسوقش ليا هئ واخا انا عارفك كاتبغيني غ غير خاايف تقولها ليا ومانبغيش
بلال: هز يديه مواقفها على الكلام... بلاتي بلاتي واش داوية من نيتك ولا هدا شي بلانك دايرينو نتي وعمران
غفران: هزات راسها بلا ... هئ لا واش كاتبان فيا الحالة ديال شي واحدة غا دير ليك مقلب راه داوية بصح هئ
بلال: بقاا شحال كايشوف فيها وكايعاود كلامها فعااقلو وهو يهز يديه مسح على رااسو حتا بغاا يقطع زغب شعرو... غفرااان ختي مااتقوليش ليا كلامك بصح
غفران: هاديك ختي ضربتها فقلبها واقفة على ناار باغة تعرف حقيقة ماشعرو من جهتها وهوا مزال كايقول ليها ختي... ب بلال هئ ما مكنضحكش معااك كانبغيك والله
بلال: شاااف فيها شحال بااينة فيها ماكتضحكش شااف هكا وهكدا ماكين حد وهوا يشدها من يديها وخدها لهاديك الجليسة لي كاينة فجردة وجلسها وكلس وشااف فيها وقال... غفران ماكضحكيش ياك
غفران: هزات راسها بلا وهيا كاتبكي...
بلال: مسح على للحيتو وهو كاايهزهز فرجليه وشااف فيها ... نتي راكي بحال ختي اغفران
غفران: طلعات عاااينيها فيه باكين... ب بلال و ولكن
بلال: هز يديه مواقفها... م ماعرفتش واش دايرة ليا شي مقلب ولا كاتهضري من نيتك ولكن لي غا نقول ليك بلي نتي راكي ختي لا اقل ولا اكثر
غفران: ولات كاتترعد مااكانتش متوقعة تسمع منو هاادشي غمضات عااينيها وقالت وهيا كاتبكي ... هئ و هئ لكن انا كنبغيك
بلال: شاف فيها بجدية.. شوف اغفران نتي مزالة صغيرة ومبرهشة ماعرفاش راسك اش كاتقولي من الاحسان ليك تمشي لبيتك وتراجعي كتوباتك اما الحب وداكشي مايصلاحش ليك نتي مزالة صغيرة عليه كبري عقلك وما تبقايش برهوشة وانا اغفران الى بغيت نبغي خااصني شي واحدة لي تكون كبير وشااربة عااقلها مثلا بحال هاديك لي شفتي معايا ف اللوطو اما نتي انا ماشي من سهمك ونتي ماشي من سهمي اكي
غفران: بقات غااكتشوف فيه وهيا دموع محجرين فعااينيها مزادت معه حتا كلمة نااضت وااقفة وزادة داخلة للفيلة ومخاليها كاينادي عليها ترجع وهيا دخلات كااتجري ودموعها كايجريو على خدها ندماات حتاا بغاات تعض لسانها على خفة رجليها ولسنها ندمات علاش هضرات معااه ولا عترفات ليه كلامو تغرس ليها فقلبها بحال السيف فتاة مراهقة كا تستنى الحب من عند شخص لي فقط عطها إهتمام بحال اختو فقط وخصوصا اسية عزيزة عليهم بحال شي واحدة من العائلة واكيد غا يعاملو بنتها مزين ولكن اش دنبو هوا الى فهمات غلاط....
غفران من دااك العاام لي وقعات ليها هاديك الواقيعة معه مابقات كيف كانت معاه تقلبات 190درجة وكأنه مجرد شخص فقط ولكن غير معه هوا اما عمران لا حاولات تتعايش مع الامر وتنساا شيحاجة سميتها بلال ولكن مانساتوش ولكن حاولات تركز فقرايتها وعداة انشطة شحال من مرة لقاتهم الضروف من ورا داك نهار لي هوا كايحاول يتصرف معها عاادي وهيا لا كتتهرب منو وحتا والا هضرو ماكين غا البارود بينتهم كيف دابا .... بقات فبيتها كاتبكي وهيا كاتفكر ف الماضي و واش قال ليها مابغاتش تتنسا ليها دلات راسها وسطمات على كرامتها على قبلو و واش لقات الرفض ودابا جااي كايقول ليها بغيتك اكيد ما غتيقش بكلامو وماغتسمحوش ..