جنون نوح💓مكتملة💓

💓الجزء 120💓

جزء 120:

🎀 عند الماس🎀

غير دخلات للدوش و وقفات قدام المراية بقات كاتشوف ف أش لابسة بقاات شحال كااتشوف فراسها
الماس : حطات يديها على ديباردو لي لابسة بإستغراب... ااوااعدي كااحماقت انا ماشي كنت لابساه ف الحمر
...بقات كاتشوف ف الحوايج وكاتحاول تفكر اش كانت لابسة عليها عقلها بغاا يتشتت كاتقول كنت لابسه حمرر بقاات هكاك كاتفكر وتشوف اش لابسة عليها و واش هاادو هما لي كاانو عليها البارح قبل ماتنعس...
نفضات دوك الافكار من راسها وبدات تحيد فحوايجها وهيا عقلها كايرجع للبارح ملي جاا نوح وقال ليها داير ليك الدواء ليديك خدودها ولاو حمررين بالحشمة كاتقول فبالها ديما مفكرني مسكين ديما مسبقني انا على رااسو ولي كايعجبها فيه ملي كايتعصب ما كيبقاا عااقل على حد من غيرها هيا واخا يكون فدار ملي يتعصب يجرها معااه ويااخودها مايخاليهاش من ورااه ... الهبيلة كون كانت عارفة نوح اش دار ليها تبقا ترد حياتها كلها ههه
ماادات مااجابت ومافكراتش مزين وماحولتش تربط الاحداث ديال البارح مع دابا نفضات راسها ودارت اش قال ليها دوشات وتوضات لبسات بينوار وخرجات للدريسنك كاتجري تشوف اش تلبس خايفة يكون فالبيت ويشدها واخا دابا تتمنااه يشدها مايرجعش فكلامو حلف مايقرب ليها حتى تقرب هيا واخا ضهصيصة كايدير فيها لي عجبو وهيا نااعسة 😂😂
غير دخلات للدريسنك نشفات شعرها مزين ولحمها وحيدات البينوار و لبسات عليها شورط ف الابيض و ديباردور صماطي ف الابيض و بيجامة ف الازراق فلون عاينيها طويلة حتى التحت وفيها قلب ف الابيض ف صدرها ههه بحال قلبها وسخونة و لبسات شال ف الابيض لبسات بانطوفتها وخرجات للبيت ضورات عاينيها ف البيت حسوو ماكينش غاريحتو لي مالية المكان ...
مشات و صلات صلاتها ودعات الله كيف ديما يفكها على خير ويرحم ليها امها ويهاني جدتها فحياتها جديدة واكيد دعات مع نووح لي كل دعوة تدعيها لراسها تكون حتى هو ضمن هاد الدعوة...
غير صلات هزات تليفونها وهبطات التحت ديريكت للكوزينة...

🎀عند الحلاقم 🎀
من بعد مابدلو عليهم ولبسو حوايجهم هبطو التحت وجلسو حدا الطابلة كايستناو الفطور
امين: كايشوف ف بلال خاشي القب فراسو فمو مفروع و عااينيه ولات حمرة اماا جبهتووو هاديك علاام البرقوقة خرجات ليه فيها... والله ما كدبت منين قولت ليك للعبرة وليس للفرجة 😂😂
بلال: كان غايجاوبو وهو يشوف نوح لي واقف برا الجردة مع الكارد عطاهم بيديه يفطرو هو لي خرج ليهم الفطور و واقف معااهم وعااقد حجباانو ... يالله كايصح وجه واحد فينا حتى يكون خامجو تااني
امين: ههه غااوجهكم وجهي انا لا
عمران: نتاا كاايصليو من ورااك اتبي ياك راه غاا ماكيبغيش يحكر عليك غير حيت ماشي من دمناا
امين : دار راسو ماسمعوش وشااف ف بلال... وحق رب ياكنت حااس غاانصبح على شي بلان هاد صباح
بلال: إوى هانتا صباحتي عليه
امين: بطنز... فقت لقين راسي تاابع خرية مجموع عليها الذبان المهم هو فقت دابا
بلال: عارفو كايحشي ليه الهضرة مااعندو خاطر يجاوبو عاينيه ملسوقين غا فدروج كايستنها تهبط ولا غايشوفها ندم علاش دخل عندها ولا علاش مشاا عندها... بفففف
عمران: عارفو كايفكر فغفران شااف ف امين...شحال هادي كان الدري الى نحارف كايولي مدمن مخدرات دابا إلا نحارف كايولي لوبية
امين: شااف ف عمران وغمزو زعمة قول شيحاجة وخالينا نخرجو بلال من الهم وامين دغيا فهمو شااف ف بلال وقال بطنز... الى ماعمرك قلبتي على قلوتك ليسرية ومالقيتيهاش غير بلا ما دوي على الخلعة والله
عمران: قال ليه ضحك بلال صداق حتى هو نااض يضحك...ههههه ولد الطبحة نتاااا
بلال: ههههه نتاا موحالش حتى يكونو عدك القلاو* بعدا
امين: غمزو... تشوفهم
بلال: عارفك تحيد سروالك وتقول لياا هاك شوفهم حيت ماعندكش الوجه لي تحشم عليه
عمران: خصر ف امين صيفتو... هادا حتى البراءة ماكاتبانش على وجهو
امين : واش انا كنت مقطع جيب ديال الصورفيط باش نكفت على دريات فالقسم ونتا كاتهضرلي على البراءة اتبي
عمران: خرج عااينيه فيه... تااا واش من نيتك اتبي
بلال: حق رااب يااهديك سلخة هوو لي كان خااص يااكولها مااشي اناا