جنون نوح💓مكتملة💓

💓الجزء 147💓

جزء 147:

الماس: قلبها ضرب بجهد وخصوصا جاها بحالة كايتهرب من سؤالها حيت واخا قال ليها داك نهار مابقاش كايجيني كااع ماصدقاتو ودابا بحالة كايأكد ليها كلامها... ن نووح
نوح: حيد راسو من على فخيدتها ونااض واقف غير نااض شدها من يديها ونيضها بسرعة جهتو حتى جابها مخشية فيه وداك الغطى لي كان عليها طااح ف الارض شااف فيها وهابط عااينيه على جسدها وعلى داك شميز كيفاش جاها عليها منو للحمها وخصوصا لون الاحمر كايجي معها قتااال عض شفايفو وخلاها هكاك واقفة وتوجه يلبس سبرديلتو لي غير لبسها رجع عندها وهوووووپااا هزها بين يديه وزاد غاادي راجعين بحالهم للكوخ ومخاليها بدون جااوب لسؤالها
الماس: غادين و كاتشوف ف داكشي لي بقاا محطوط تما... اواااعدي انووح وهادشي
نوح: هابط عاينيه ليها...رااجع ليهم...
هيا تعلقات فيه ومخشية فيه بحال الكمشة اما هو مرة عااينيه ف طريق مرة ف وجه الماس مرة فهاديك الكريشة لي منفوخة وكاتبان قدام عااينيه حلوة كل مرة وفين اما هيا مرة تشوف فيه مرة طلع عااينيها الفوق كاتشوف ف شجار لي طوال وكبار و مرة تشوف فرجليها ودرعها لعريانين وتعض شفايفها كاتقول فنفسها واخيرا حتى انا عشت داك الاحساس انك تحس براسك متجردة من جاميع القوانين والعادة وتقاليد واخا غا نص نهار واخا ماشفها حد الى عجبتها هاد تجريبة لي خلها نوح تعيشها ههه.. مسافة ديال طريق حتى كانو قدام الكوخ توجه للباب وفتح الباب بسورات لي كانو فجيبو و دخلها للكوخ حطها لداخل وشاف فيها... نرجع نلقاك مدوشة و لابسة عليك خااص نتحركو
الماس: ههه واخا
نوح: بااسها من جبهتها... يالله تحركي
الماس: عطاتو بضهر غاادية وهو بزربة هبط عااينيه لترمتها وهز يديه وشحطها معها بضربة حتى قفزات ملي جات ضور عااندو حتى كان سد الباب ديال الكوخ عليها و مخاليها كاتحك ترمتها وتضحك ههه...
....
غير رجع للبحيرة هز كاع داكشي لي خدا لتما ماخلى والو هز كولشي ورجع بحالو مع طريق مسافة ديال طريق حتى كان ف الكوخ غير دخل وهو يلقها جالسة على الفوطوي لابسة عليها كسيوة ف اللون الازرق المفتووح هابطة طويلة حتى التحت وسميطة ديالها ف الابيض وشال ف الابيض و سبيبط ف الابيض بزربة دوشات ولبسات عليها حوايجها قبل مايجي هو لي غير جا هو شاافتو و ناضت جهتو
الماس: نمشيو
نوح: طلع فيها حاجبو وتوجه للكوزينة كايحط داكشي وهيا تابعه ... لا ماغدينش
الماس: خرجات عاينيها مسكينة خالعها ولات باغة تمشي للدار غاتنعس وتحط رااس ماخلاها ترتاح ولا تنعس ولا ترد النفس اليوم... ع علاش
نوح: حط داكشي على البوطجي وشااف فيها... مزال ماشبعتش
الماس: فهماتو شنو قصد بقات غا كتبرقق فعاينيها
نوح: شافها كيفاش دارت عرف راسو حكر عليها اليووم ومرمدها مسكينة ماخلهاش تتنفس من العلاقة الجنسية لي دازت بينتهم حتى كان خدها للبحيرة لحها فيها ههه خضر ماعندوش مع الحب ورومنسية كايحساب ليه كولشي عااندو سوفل ديالو وكولشي بحالو ههه...
خلها هكاك واقفة مصدومة وتوجه للبيت يبدل حوايجو كايحس براسو فشكل بلى بكسر غير دخل لقها مقلبة ليه حوايجو وحطاتهم ليه فوق سرير حيد كاع لي لابس ولبس بكسر اسواد و سروال دجين ازرق وقاميجة زرقة فلوون سروال ولبس فوقها تجاكيطة كحلة ماعندهاش اليدين بحال الجيلي لبس فرجليه تقاشرو وسبرديلة كحلة ولبس سااعتو وهز تليفونو من سروالو دارو فجيبو هو وبسطامو وزاد خارج جهتها غير خرج لقها خرجات داكشي لي جاب من البحيرة من صااك وغسلات الكيسان وكل حاجة حطتها ف بلاصتها و واقفة وهزة بين يديها الكاميرة ديالو وتليفونها توجه جهتها بلى هضرة بلى زوج شد من عليها الكاميرة وشد ليها فيديها وجرها جنبو جهت الباب ديال الكوخ فتح الباب وخرجها وخرج سد الباب من وراه ديال الكوخ بسورات وزاد غادي بيها جهت اللوطو ركبها ودار ليها سمطة وسد عليها الباب ورجع لبلاصتو حتى هو دار سمطة وخدم الكونطاك وزاد مع طريق صايك بواحد اليد و واحد اليد شد بيها يد الماس مرة مرة كايطلعها لفمو ويبوسها ولا يدوز عليها صبع يديه كايحك ليها عليها بصبعو ويحطها على فخد رجليه...
الماس: دابا عااد تنفست ورتااحت ملي شدو طريق راجعين بحالهم.. ملي قال كلامو وزاد دخل يبدل خلاها غاتحماق قالت صاافي اليوم ما غيطلقش ليا السيد قال ماشبعش ادا صافي ماكين رجووع لدار ندماات علاش نبشااتو..(بحالة الى ماكنتش قربات ليه ماكانش غاايقرب رااه كان حااويها حاويها ياابغات يا مابغاتش كاان ناااوي عليها اصلا هه)
.... اما نوح بالو مع هاد المشروع لي نااوي يبدااه خااصو يسالي المشروع لي باغي يديرو فكثامة باش يشوف راسو اش يقدر يدير مع خدمتو لي كلها فإسبانية لي ولا مستحيل يمشي وياخود الماس معااه لتما حيت عاارف الاعين كلها عليه وبلي كولشي كتيستناه غير يحط رجليه تما وتكون هيا معااه وحتى مايقدرش يسمح فيها هناا ويمشي هو لتما...ولي عاارف الغبرة ديال دااني ما كتبشرش بالخير حيت عارف داك الحيوان مستحيل يستسلم بهااد سهولة وخصوصا ملي حتى عدنان ولا فصفو ...