جنون نوح💓مكتملة💓

💓الجزء 188💓

جزء 188:

💛اصبحنا واصبح الملك لله 💛

شامة: كاتبكي وصوتهاا مسموع فالغرفة قالبة الدنيا بغواتهاا مسيكينة...
الماس: فاقت على غوات بنتهاا كاتشوفها كاتبكي وتغاوت وقالبة الدنياا بغواتهاا ... بسرعة مدات يديها ليهاا وقربات جهتهاا كاتبوسهاا... صافي كبدة ديالي صافي اماما ديالي ماتبكيشي

... تعوطات الماس ف جلستهاا وهيا كاتجبد صدرهاا من تحت البيجامة غير جبداتو تحنات على بنتها هزاها هزتها بين يديها وقربتهاا لحضنهاا وشدات بزولتهاا كاتخشيهاا في فم بنتهاا كاترضعهاا وهيا عاضة شفايفهاا... شامة غير حسات بصدر الماس في فمهاا وهياا تبداا كاتمص ف الحليب وسكتات من الغوات مسكينة... حبيبة ديالي كاتبكي الغزالة ديالي تينا هاا ماما معااك علاش كاتبكي ههه
تحنات على بنتها كاتشم فريحتهاا وهيا فرحتها ب بنتها ماعطياها للحد...
الماس: قلبهاا كايخبط داخل صدرهاا بالفرحة ... طلعاات عاينيها كاضورهم ف البيت وتشوف ف البالكو لي محلول شافت حوايج نوح لي كان لابسهم البارح مليوحين ف الارض عرفاتو غايكون غير خرج بكري حيت البارح سمعات جداتها بلي نوح غايمشي مع الحاج العاقيل وحتى السي حمد وعبد سلام وسعيد بابات اميمة غايمشيو يجيبو دبيحة ديال سبووع فصبااح بكري من شي سووق بعيد ماكينش هنا ف كثامة...
وهيا هكاك حتى شاافت امينة والحاجة واسية وغفران واميمة وعائشة ورحيمو وحتى مهدي معاهم لي الى شافو نوح داخل معاهم والماس مخرجة بزولتها وكاترضع يعالقو من بنان رجليه هههه...
اميمة : شافت ف الماس وقالت... صلاة وسلام على راسول الله كيف صباحتي النفيسة ديالنا
الماس : هههه حمد الله مزينة ونتوما
امينة: الحمد الله... قربات جهت الماس وباستها وباست حتى البنوتة وحتى اميمة هكاك والحاجة سلمو عليها كلهم ... كانو مطلعين ليها الفطور لي على حااقو وطريقو غير هاد المرة دايرين ليها البيض امليط اما هياا عشقهاا الحليب والخبز(بحالي 🏃) لي حتى هو كاين ههه
رحيمو : شافت ف الماس... شوف ابنتي شدي كرشك بشي شال ولا سمطة باش ماتبقاليكش الكرش
عائشة: اه وشرب كولشي سخون برحاش يهبط ليك داك الدم من كرشك كولو وإنشاء الله ملي تجي تفوت هاد سيمانة ماتبقاشي كاتنزف
الماس: شافت ف عائشة... واخا ولكن انا اصلا ماكيهبطشي مني بزاف غير شوية
عائشة : واخا هكاك شربي السخون بزااف واحسان حاجة تشيشة بزيت البلدية مزينة ليك وكتري الحوت ف المكلة كايدير الحليب وتهالي فراسك باش توقف على رجليك ابنتي
الحاجة: شافت ف الماس بحالة معوجة جلستها... وجلسي نيشان على قاعك ابنتي ماتعوجيش الجلسة
الماس: عوطات جلستهاا... و واخا
امينة : باست الماس من جبهتها وحتى الماس باستها رجعات ليها بوستها... اناا كاينة مع مرات ولدي نديرها فوق راسي
الحاجة: لهلى يخاطيك ابنتي
الماس: شافت ف امينة وهيا حشمانة... ربي يخاليك ليلي ياربي
امينة : امين
رحيمو : واا رضعي بنتك براحاش نبدلو ليها ليكوش اما تدواش حتى لغدا إن شاء الله
امينة: اه ونبدلو ليها حتى الفاصمة ديال صرتهاا دارتها ليها الفرملية البارح هيا والدواء لحمر
الحاجة : عقدة حجبانها باغة تخشي نيفها ف كولشي... كون شوفتها منخاليهاشي دير ليها داكشي.. نديرو ليها غا زيت البيضة دقة بطلة دغيا طير ليها وتصحاح
الماس: خرجات عاينيها ف جدتها وكاتحمد الله نوح ماكاينش هناا اماا كون وراها الزيت البيضاء كيف دايرة...
امينة: لاواه الحاجة هاداك جيل وهادا جيل
الحاجة: شاافت ف امينة... وتانتي بحال بحال
....
بقاو ساكتين ومابغاوش يديرو ريسهم فيها ومخالينها على خاطر خاطرها...