جنون نوح💓مكتملة💓

💓الجزء 64💓

جزء 64:

الماس: غير سمعات اش قال خلات يديها محطوطة على فخدو وهيا غاادوب ب الحشمة كاتقول فبالها عزيزاها تفرجات فيهم ديال بصح هد نهاار وكيفاش غا تقدر تشوف ليها فوجهها...
نوح: بقى صاايك شحاال وبظبط تقريبا ساعة ونصف لي فهد سااعة الماس نعساات ويديها مزالة على فخد نوح لي دارها بين يديه وكيلعب بصبعو الكبير فراحت يديها ومرة مرة يطلعها لفموو يبوسها ويشم ريحتها... اما الحاجة هاديك غير داايرة راسها نااعسة ومرة مرة كاتشوف فيهم بنص عين بقى صاايك مسافة ديال طريق وبظبط لفيلاج بني حسان لي قرب اقشور ومابعيداش عليها بزااف لي مع فصل الربيع الطبيعة الخلابة و المناظر الطبيعية والهواء لي نقي شيحاجة طوب...
غير دخل للفيلاج لي جى نواحي مدينة تيطوان لي نووح ماايمكنش ليه يفوت بني حسان لحساب البوليس
دخل ديريكت فواحد طريق لي كاتدي لدار سي حمد وحتى للمسجد ديالو مسافة ديال طريق حتى كان واقف حدا المسجد لي كبير ومن ورا المسجد كاينة دار سي حمد لي دار جبلية تقريبا بحال دار الحاجة غير هادي معها الغرص ديال شجار الليمون وشجار زيتون والورد الدنيا زوينة ...
نوح: غير وصل وقف طنوبيلتو حدا دار سي حمد لي غير سمع صوت طنوبيل خرج عاارفو هو
نوح: غير وصل وقف طنوبيل وشاف ف الماس لي نااعسة حيد سمطة وقرب عندها وحيد ليها سمطة وشااف فيها وحك دقنو وهو كاايشوف فوجهها ما مخالي حتى شبر ماحفضوش فيها مامتيقش راسو بلي رجع ليها وعندها كايحس براسو كايحلم كاايشوف كريشتها لي قدام عااينيه وكأنه كا يحلم ماكنش دااير فراسو يجي ويلقى هادشي كايستنه يالله بغى يقرب عندها وهو يسمع دق فباب الوطو عقد حجبانو ووضور راسو وهو يشوف سي حمد لي زااج فيمي وماكيبان ليه والو
الحاجة : لي كانت دايرة راسها ناعسة وهيا ودنيها على القرص شافتو منين قارب ل الماس وكيفاش كان كاايشوف فيها كانت كاتقول فنفسها غالله يحفظ يتكيها هد المقزدر قداامي ويكمل على لليلة الدخلة ديالو قدم عاايني...
لي غير شافت داك رااجل دق ف الوطو وهيا تنقز وقالت...
الحاجة : امشي ابني عند رااجل دناس انا غاانفيقها
نوح: ضار شااف فيها وطلع حاجبو وقال بطنز...نعاسك خفيف الحاجة ودنك على القرص
الحاجة: ماجوباتوش سكتات وحتى هو مازادش من وراها ونزل عند سي حمد

الحاجة: غير خرج نوح شافت ف الماس ...الزين زين الوردة و السعد سعد القردة الله يستر مع هد المقزدر مانعرف فااين جا بينا عااود
نااضت شوية وبقات كاتنيض ف الماس لي نعسها تقيل بقات شحال معها عد نااضت ليها من نعااس غير نااضت بقات كاضور راسها كااتشوف فين هيا غير الخضورة وشجار داكشي بحال الجنان عند هد نااس بقاو شحال جالسين وهما كايشوفو نوح لي واقف مع الحاج كاايشوف فنوح وداير ابتسامة كبيرة على وجهو ومرة مرا يضرب على كتااف نوح بفخر...
نوح: لي سلم على سي حمد ورحب بيه وهو يرجع جهت طنوبيلتو فتح الباب للحاجة وتوسكا لي نزلو والحاجة مشات جهت الحاج كاتسلم عليه
نوح: فتح باب الوطو ل الماس لي كاتشوف فيه وعوينتها منفوخين بنعااس طلع عااينيه فيها داايرة بحال شي تفحة بدوك الحنيكات والعوينات زرقين غااتخرج البوه العقل الحمل غير مازد فتنها وزادها زين على زين...
شد ليها فيديها وخرجها بشوية وزادو جهت سي حمد لي كاايشوف فنوح و الماس بفرحة
نوح: وقف حدا سي حمد وهو شد ف يد الماس لي منزلة عاينيها للأرض... هادي مراتي و (شاف ف الحاجة ) وهادي نسيبتي
سي حمد : الله يصلح والله يبارك ويرزقكم بدرية صالحة
نوح: شاف فيه... امين و قريب إن شاء الله(وغمزو لي من هد الحراكة عرف سي حمد نوح مابقى ليه والو ويكون اب)
سي حمد : قرب ليه وضربو على كتاافو بفرحة...مبروك عليكم
نوح: يحفظك
سي حمد : شاف فيهم... زيدو مرحبا بيكم داار داركم ... زاد سي حمد الاول وتبعاتو الحاجة ونوح لي شد فيد الماس اما توسكا فهداك بقى برا دار مدخلش معاهم...