جنون نوح💓مكتملة💓

💓الجزء 86💓

جزء 86:

للكارد....
غفران : طلعات عاندهم ولقاتهم جالسين على الفراش كايستنوها.... خااطيرة انا دغيا جبت ليك خبارو
الماس: نااضت واقفة... ب بصح فااينو
غفران : راه ف المسبح ههه ف لابسين الالة
الماس: غير قالو ليها هكاك زادت هابطة لتحت والبنات من وراها شافت ف باب الجردة حيدات هاديك الشاشية من فوق راسها وعطاتها ل اميمة وخرجات وهوما بقاو غااكيشوفو فيها الحاجة شافتها خرجات وجات عندهم باغة تتبعها وهيا تشدها اميمة
اميمة: فاين ماشة اعزيزة
الحاجة : نشوف الماس
اميمة : مشات لعند راجلها
الحاجة : غير قالت ليها هكاك رجعات عند الناس...
الماس: خرجات لجهت لابسين للجردة وبقات كاتقلب وتشوف مابانش ليها ومع لابسين كبير تاقريبا غاادي حتى للطرف ديال الفيلة قول من وراها بقات غاادية جنبو وهيا كاتقلب عليه بعااينيها شافت جهت الدار صغيرة ديال توسكا ماكينش تماك وهداك بابو مسدود هههه من الليل الليل كايشدو عليه حيت ولا بااسل بزاااف
بقات كااتشوف بعااينها وهيا قالبها كاايضرب وكاتشوف غير دااخل د لابسبن بقات غاادية حتى قشعاتو مليوح على ربيع ودااير يديه واحدة فوق راسو و واحدة على صدرو وصدرو كاايطلع ويهبط غير شاافتو مشات كاتجري جهتو عرفااتو مريض مشات جهتو وجلسات ف الارض وهزات ليه رااسو من على الارض وحطاتو ليه على رجليها وبقاات كاادوز يديها على للحيتو بشوية ودموعها طااحو... هئ هئ ن نوووح
نوح: راسو تقيل شاااف فيها بعاااينيه ماا محيدش عااينيه منها جااتو بحال شي ملك صغير ماعرف منين تسلطات عليه كايقول اربي اش درت تحتك باش جازيتيني بمرا بحالها كايشوف دموعها كيفاش كايطيحو على خدودها وكاايشوفها كيفاش كااتشوف فيه وتمسح ليه الماء من على وجهو وللحيتو وتهضر بهستيرية بقاا غااكيشوف فيها وخصوصا كاايحس برااسو ماابقاش كيف كان بحالة بدا يخفاف عليه تقريبا شي 30دقيقة وهو مليوح هنا دابا نهاية الالم....
الماس: فسخات المنديل لي على خصرها وحيداتو ودارتو ليه على صدرو كااتمسح ليه حيت الجو بارد وهو دغيا كايبرد ويمرض
الماس :كاتبكي بصوت خاافت ... هئ ن نوح واش تينا مزين هئ
نوح: مابقاش كيف كان هز راسو بأه وهو مامحيدش عااينيه منها ومن عوينتها
الماس: شافت فيه... فيك البرد
نوح: هز راسو بأه
الماس: حيداتو من حجرها ونااضت واقفة حيدات المنديل من خصرها و طلقاتو مزين مغاطية ليه صدرو من البرد وشاافت هكا وهكا مااكين حد حيداات البلغة ديال العريسات من رجليها و جلسات ف الارض حداه وماشفتش ليه فوجهو ماطلعاتش عااينيها فيه قربات ليه بجهد ومزين ونعسات حداه على ربيع حتى تلسقاات فيه مدات يديها على صدرو شداتو من كتافو لي بزز يديها لحقو كتفو وقربااتو عااندها وخشااتو فيها رااسو حطاتو ليه على صدرها وهيا حطات راسها فوق رااسو واحد اليد حطاتها من ورا راسو مطلعها وكادوزها بشوية على راسو و واحدة ضوراتها على كتافو مرورا بضهرو خااشيه فيها ورجليها حطاتهم على فخادو اما باش تلحاق رجليه خاصها تكون قادو
بقات هكاك بحالة كااتدفيه وهيا دموعها طااحو على خدودها تصرفات ب براءة وعفوية مافكراتش فتصروفها ولا فحشمتها لي كايهمها فهاد الحالة غير هوا فقط يكون مزين و ويولي بخير....
نوح: لي شاافها اش داارت وكيفاش تصرفات معه مااعرفش كيفاش يفسر هااد شي لي دارت من غير عجبو تصروفها بزاااف حس براسو بحالة حضنها هو الوطن الواحيد لي كااينتمي ليه وقالبها هو الحب الواحيد وشي الواحيد لي بااغي من هااد.الدنيا يمكن ماا كيبينش حبو او عشقو ليها ب الكلام ولكن كايبينو ليها ب الافعال هاادي قالبو قلب الحليب ديال نوح البنداري...