جنون نوح💓مكتملة💓

💓الجزء 137💓

جزء 137:

🎀🎀🎀بلال: وجهو ولا حمررر بالحشمة اما عمران قبل مايلحق على امين حتى كان خرج من صالون وطلع كايجري الفوق وهو كايضحك مخالي كولشي غا يخرا بضحك ههه
....🎀🎀🎀🎀🎀🎀🎀
....
....
دوزو هاديك الليلة غااشطيح ورديح والنشاط ماكين غا الله يعطيك صحيحتك رجال جالسين وحدهم ف صالون لاخور والنساء وحدهم ناشطين ضااحكين جا وقت العشاء حطوه وتعشااو والعريسات حيدو الحنة من يديهم قبل ماينعسو وحتى الماس لي غير تعشات طلعات تنعس ماباقي فيها مسكينة ما يتلبق مهلوكة غا بضحك هههه وحتى باغة تنعس قبل مايجي نوح ما بغاهش يشوف الضفار لي دايرة غير فرتكو الجوقة طلعات لبيتها بدلات حوايجها ب بيجامة خفيفة وقصيرة دايرة بحال الحرير وراطبة وطلقات شعرها على راحتو لي كايعطعط بروايح وبالوصفات لي دارو اليوم اما لحمها و لا رطب كثر من ما هو رطب ومع هاد الدوش لي جا فوقتو كاتحس براسها ولات خفيفة ومرتاحة وعاجبها الحال غير تخشات ف فراشها حطات يديها تحت حنكها وجمعات رجليها شوية بحال البيبي والضواو طفاتهم كلهم مخالية غا الفويوزات مشعولين بقات كاتفكر وتفكر و خصوصا فداكشي لي وصات عليه اميمة كاتستنا غدا يجي اكثر من اميمة ومن غفران ههه قلبها كايضرب من الفعايل لي كاتفكر ديرهم ولي ماعرفاش ردة فعل نوح كيفاش غاتكون...
حيدات يديها من تحت حنكها وطلعات البيجامة من على كريشتها وخشات يديها تحت البيجامة خوفا لا يجي نوح ويشوفهم بقات هكاك حتى خدتها عااينيها غارقة فسبات عااميق...

• 🎀عند نوح🎀
• ملي خرج فصباح وهو مع طوني كانت عندهم شي خدمة على قبل شاركة تلاقو فواحدة من القهاوي لي كاينين ف باب برد كايجلسو فيها غا البزنزة وصحاب اللعقة وموالين الحشيش غا البزنزة الكبار ومنهم السي العاقيل...
• جلس طوني ونوح فهاديك القهوة نهار كلو وهوما غا البيسي قدامهم ولي طابليط وشلى ملفات قدامهم لي جابهم طوني معاه من إسبانية مسكين جا عوال يحضر العرس ديال بلال وعمران صداق شدو نوح بالخدمة حتى هو كان باغي ينشط ويشوف العرس المغريبي كيف داير وكيفاش كايكون ولكن شكون خلاه ملي جاا وهوما غا القهوة والخدمة حتى السي العاقيل جا عندهم وجاه الملل ومشا بحالو ههه يجلس مع رجال لي قادو...
• داز عليهم نهار كلو هكاا من صباح حتى وذنات المغرب وهوما غا الخدمة الخدمة وملي قرب موعد الالم ديال نوح خرج من القهوة مخالي طوني وحدو يكمل الخدمة وهو مشا يفدي حر الالم والحريق ديالو فطنوبيلتو كيف ديما غير تعصر مزين مع الحريق بقا تقريبا شي ساعة ونص او اكثر غير وقف الالم والحريق لبس تريكو ب القب كان فطنوبيلتو ف الاسواد ودار القب على راسو وخرج رجع عند طوني يكملو الخدمة لي طوني بقا غاكيشوف فنوح كيفاش وجهو حمر وعروق جبهتو بارزين ومع ذالك ماسولوش مالو خلاها معاه هيا هاديك
• كملو الخدمة لي عليهم لي غير سلاوها وصاو على العشاء غير تعاشو ناضو من القهوة وجمعو المطريال ديالهم وكااع داكشي لي جاابو معاهم خالصو السيرفور لي باقي حل القهوة غير على قبلهم حيت دابا النص ديال الليل ال 2 ديال الليل دابا. غير خالصو زادو خارجين كل واحد ركب ف اللوطو ديالو خدم نوح الكونطاك وزاد طااير.. وتبعو طوني حتى هو مسافة ديال طريق حتى كانو قدام الڤيلة لي العساس فتح الباب لنوح اطماتيك غير دخل هو دخل طوني زادو حتى للفوق ديال الڤيلة ورجعو جنب الڤيلة غير شوية وهو يلقى واحد الكراج كبير تحت الڤيلة دخل فيه بطنوبيلتو وتبعو طوني حتى هو غير دخل خرج من اللوطو ديالو وشاف فطوني لي حتى هو وقف الوطو وخرج منها وكايشوف فيه زاد نوح وطوني تبعو خرجو من الكارج ديريكت للڤيلة لي ضواو ديال برا كلهم مشعولين وحتى دايرين الضواو بزااف على قبل العرس وحتى واحد تخربيقة مكتوب فيها أسماء العرسان والعريسات فوق الباب ديال الڤيلة الحاصول نوح بقا غا كيشوف الدنيا مقلوبة بزواق والكراسة وطبالي صغار والقاعة فجردة فتح باب الڤيلة ودخل وشاف ف طوني
• نوح: دخل
• طوني: زاد دخل للڤيلة وهو كايشوف فيها مايكدبش عجبو تصميم الڤيلة على جهد ...