جنون نوح💓مكتملة💓

💓الجزء 156💓

جزء 156:

الدكتور ياسير : بقاا كايشوف فيه كيفاش كاينادي بزووج اسماء شاامة و المااس..شاف فدكتور رضوان... غايكون البنج لاعب عليه
الدكتور رضوان : وي شوية وغاادي يصحصح مزين غير خاليوه يرتااح وعلمو عائلتو بلي رااه مزال مافاقش كوليا
الدكتور ياسير : شااف ف نوح لي كايحاول يفتح عاينيه ويعقل على راسو فين هوو..وشاف فهاديك الممرضة لي كواها البارح لقها غاارقة فنووح كاتشوف فيه بحالة عمرها شاافت رااجل..حرك راسو بواخا وزاد خاارج...
....دكتور رضوان بقاا كايدير ليه بعض الفحوصات وكايتأكد من صحتو وعافيتو وفنفس الوقت كايهضر معااه كاايحاول يتعااون معااه باش يخرج من حالة البنج لي لاعب ليه على عااقلو لي نوح ماهداش من منادة إسم المااس وشاامة بالعكس بااغي يغمض عااينيه ويعااود يشوف نفس الشي لي حلم بيه او شاافو وبااغي يشوف هاديك تربية صغيرة لي مزالين يديتها ورجليها قدام عاينيه... غير مزاد عقد حجباانو اكثر ورسم تخنزيرة فوجهو بكثرة ماباغي يصحاا ويعرف راسو فين هوو لي بدوك الحركات لي كايدير بوجهو هاديك الممرضة قريبة تسخف قداامو البنت صاافي ريوقها سالو عليه...
دكتور رضوان: حط يديه على عيون نوح كايفتحهم ليه ويضوي ليه داخل عاينيه بداك الضوء(ماعرفتش سميتو 😐) سي نوح واش كاتسمعني
نوح: صوت طبيب ضرو فراسو وخصوصا ولا كايحس بيه كايهضر ليه قدام ودنيه وزيد عليها كايفتح ليه عااينيه بزز..حاال عااينيه رصاصيتين بجهد وشااف نيشان ف داك طبيب وهو مخنزر وقال كلام لي صدم طبيب يجمع يديه بصدمة ...ج جمع ق قلاويك ا ا ازبي هممم

دكتور رضوان : خرج عااينيه من كلام نوح هو ودوك زوج ديال الممرضات... لي يشوفو بهاد الشوفات لي كايشوف وبهاد تخنزيرة وزيد عليها يسمعوه اش قال يحلفو عليه مااا كان ف الموت ورجع يحلفوو عليه يااهادا صحيح فصيح ومابيه والو... دكتور بقا كايرمش عاينيه فيه وقال بشوية... حا حس براسك مزين
نوح: عمض عاينيه بتعب و هز يديه لي مافيهاش السيروم اما الساشية ديال الدم حايدوها ليه... يالله غاايحطها على راسو وهيا تشد ليه يديه هاديك الفرملية لي صاافي داابت من صوتو وحروشيتو
الممرضة: شدات ليه يديه وشاافت فيه... لا ماتقيصش راسك راك داير عمالية فراسك
نوح: ماشافش فيها حاادو نتر يديه منها مجنن وشااف ف دكتور وقال بصوت تعبان... ع عائلتي
دكتور رضوان : مستعجب من هاد بنادم... عائلتك برا الغرفة كولشي بالو معااك وخاايف عليك وبدعوتهم نتا بخير
نوح: شااف جهت الباب... ب بغيت احم بغيت مراتي
الممرضة : شاافت فيه وطلعات حاجبها فيه وبقات ساكتة..
دكتور رضوان : واخا سي نوح رتاح ليا مع راسك وغير ترتاح تشوف عائلتك كولها اكيد منبعد مانديرو ليك فحوصات ثانين باش نتأكدو من صحة ديال داك راس
نوح: غزز على سنانو مغدد... ب بغيت مراتي
دكتور رضوان : شااف ف الممرضة... علمي مدام البنداري بلي راجلها باغي يشوفها
الممرضة : غزززات شفايفها ب الغديد وزادت خارجة من الغرفة وهيا غاطرطق...
....
....
🎀عند الماس🎀
الماس: كانت كاتشوف ف الغرفة لي فيها نوح شحال وهيا واقفة كولشي جالس الى هيا بالها معااه وعقلها غير مع نوح وباغة تشوفو... وهيا هكاك حتى شاافت الدكتور ياسير خارج من الغرفة لي فيها نوح وسد الباب من وراه غير خرج شااف فيها وقرب عندها لي هيا بزربة حيدات عاينيها منو وقلبات ادراجها راجعة عند امينة وجلسات حداها وخلاتو هو غاكيرمش
دكتور ياسير : غير شافها اش دارت وكيفاش تصرفت وهو يقلب عااينيه و فكر داك الحماار لي قالتها ليه البارح وهو يزير على قبضة يديه و قرب عندها و وقف قدمها نيشان... ماانسيتش قلت إحترامك لياا البارح كون ماحشمت كووون..
عمران: عقد حجباانو ونااض واقف معاااه ومخنزر...هيييه مالنااا اشريف يااك لبااس كووون ااش
ياسير: ماشافش ف عمران عااينيه مركزين ف الماس لي بالخلعة تخشات ف امينة... شكوون هيااا لي تقول لياا حماار شكووون
عمران: هز يديه ودفعو من صدرو... شوووف فيااا انااا اشريف وخاالي عليك ختي فتيقااار
ياسير: شااف ف عمران وهو وجهو حمررررر... خاليك بعيد راااني دااوي معاهاا هيااا لي جبداتني
بلال: قرب عند يااسير حتى هو وشدو من كتفوو وطلع حااجبو فيه... سيرررر بحالك ولا مااغيعجبك حااال
يااسير: نتر يديه من بلال... وشااف ف امينة... عائلتك ناقصها ترااابي اشريفة خاااص لي يعااود ليهم بتربية من اول وجديد... غير قال كلامو زااد غاادي بحاالو... لي عمران كااان غاادي تاابعو كون ما امين وبلال شدوه
عمران: تاااامال لهاااد وجه طووبة بااغي يتفرنع علينااا طلقووني نمشي نخلي دااار عشتو
امينة: خرجات عااينيها ف كلام داك ياسير... و شاافت ف عمران وقالت بشوية... ولدي عمران ماعندنا مانديرو بشي صداع مع كحل رااس راه لي فينا كافينا
امين: قرب لودن عمران وقال بشوية غير بينتهم ... غير دوز هاد الحريرة ومانخرجو من تيطوان حتى نباليو بيه غااا ريييح اصااحبي
بلال: شااف ف امين... اناا معااك فهاادي
عمران: والله حتى نربي اصل موو...
الماس: تخشاات ف امينة لي كاتشوف ف الحلاقم كايوشوشو بينتهم وغير بشوية... بقااو هكاك جالسين على اعصابهم حتى داك داحش ديال ياسير ماقالش ليهم بلي رااه فااق خلاهم هكاك على اعصابهم...
بقاو شحال هكاك جالسين حتى شاافو الحااج العاقيل جااي جهتهم ومسكين جاايب فيديه الفطور عارفهم ماعندهم خااطر لي يجيب شيحاجة وماكين لي يوقف معاهم حاليا من غيروو هوو...
الحاج العاقيل : غير وصل كولشي ناض و سلم عليه جلس حداهم وسولهم على الاحوال وكيف صبحو... واش مزالين شاافتو نوح
امينة: لا والو الحاج مزال
الماس: صاافي عااينيها تغرغرو بدمووع عياات تستنى مسكينة وخصوصا منين هضر معاها داك ياسير هكاك مارضاتش وماعجبهاش الحال وعلى شوية كان عمران غايدابز معاه فمسبتها... دمعتها على طرف شفرها قريبة تطيح ليها بالقهرة والحسرة بززز مصبرة راسها قلبها مضرور غير كاتحاول ماتبكيش وماتزيدش تكمل على امينة مسكينة...
وهيا هكاك حتى شافت هاديك الممرضة خارجة من عند نوح غير خرجات جاات عند امينة نيشان دايرة راسها ماكتعرفش الماس وناسية عمران لي عرفها عليها البارح وقال ليها هادي مراتو
الممرضة : ولدك فااق
الماس: غير سمعتها نااضت وااقفة وقرباات عندها وهيا دمعتها طااحت على خدها.. هئ و واش بصح
الممرضة: بعدات خطوة من المااس وقلبات عاينيها وشاافت ف عمران وقالت بنفخة ... قال بااغي يشوف مرااتو
الماس: ماتسوقاتش لتصرفها عكس امينة وعمران وبلال وامين ماعرفو مال موالين هااد الكلينيك مع الماس ماحاملينهاش... و واش هئ با باغيني انا هئ هئههنئ
امينة: قربات عند الماس وشدتها من يديها وتوجهت بيها جهت الغرفة ديال نوح
امينة : ماتسوقاتش لهاديك الفرملية وخدتها بيديها.. شافت ف الماس وهزات يديها ومسحات ليها دموعها ... دخلي عند راجلك ونتي ضااحكة ماتبكيش وماتزيديش عليه
الماس: هزات راسها بواخا وهيا قلبها كايضرب بجهد حطات امينة يديها على البوني ديال الباب وفتحات الباب ل الماس لي زادت داخلة وهيا حانية عاينيها تحت انظار هاديك الممرضة لي قريبة تموت مع قلبها الكحل...