جنون نوح💓مكتملة💓

💓الجزء 2💓

جزء 2:

سير وبدل هد ساعة
عبد رزاق...هز عينيه وشاف فيها وزاد.خرج ....
لالة زهرة هزات المنديل ديالها دارتو فوسطها وخرجت تقلب في ليالي على الحشيشة دقالبها وتبكي وتقول... ولد الضبع ضبع تسخرو أمو يجيب الخميرة يجيب الشمع ملي انا ولادي ما يسمعوش ليا اش باقي كثر يااا ربي وغادة وهيا تقول الله يا بنتي الله ملي توفيتي وصيتيني على بنتك ربيتها وهيا لحيمة داتك الموت منها ونتي نفيسة كا تولديها وما فراحتيش بيها وصيتيني على الكبدة دياك وربيتها كثر من بنتي نتي تكرفص عليك شماتة وخلى ليك لحيمة فكرشك تعدبتي وصبرتي على كلام ناس و ولدتيها ومشيتي وختليتيها ليا يتيمة انا مها انا بها ودابا امنتك ضاعت ليا كيفاش نتلقك مع الله وانا كحالت دنيا فعيني ملي مشيتي ودابا ضلامت ملي مشات الحشيشة دقلبي مشات كاتبكي وتقلب وترغب ناس يزيدو يقالبو ....الام ديال الماس توفات ملي كانت كتولد الماس توفات وخلات بنيتا غزالة خالتها فحضن جدتها ... نرجعو قبل هادشي ب 6سنين لور 👀
قبل ست سنين...
حدا الواد وبضبط حدا العنصار ديال الماء لي كايسقيو منو لي دايز من حداه وفجنبو وااااد ديال الماء... كانت بنت فريعان شبابها فعمرها تيك 19سنة بنت زوينة عاينيها كبار ومشفرين وفلون العسل لونهم في البوني وادا ضربت فيهم شمس كايميلو للون الاخضر خدودها غوز ومنفوخين شفيفات هما هادوك ما كبار ما صغار بنت زوينة شعرها في البوني فلون شكلاط ديال الحليب وطويل حد ركبتها زينها زين بلدي لاطاي ديالها هيا هاديك ما غليضة مارقيقة ما طويلة ما قصيرة ما عريضة لون بشرتها ابيض لابسة عليها قندورة بيضاء ومحزمة بالمنديل في الاحمر ومشرط بالاسواد ولبسة زيف على راسها وشعرها مضفور و مرمي من وراها طويل ومع شمس عطى لون داهبي كانت كاتفتن فداك الواد كانت جامعة جناب القندورة وخاشياهم في المنديل وطاوية رجلين سروال ومخاليا فخدها البيضين كا يبانو و كاتصبن الحوايج ف الواد هيا ماماها الحاجة زوهرة

الحاجة زوهرة.. ودغيا ابنتي اشامة الله يرضي عليك تعطلنا دابا يجيو دوك دحوشا د خوتك من سوق ومايجبروناشي فدار خاص دغيا نساليو هد شراوط ونمشيو نعادلو ليهم الغداء شامة... واخا ايما انا قربت نسالي نفرك غير حوايج عدنان دغيا كايلعب فتراب دغيا كايوسخ حوايجو بزاف الحاجة الزوهرة... وغير ساعف وصافي ابنتي الله يرضي عليك وطلق راسك دغيا نتي عارفة المسمومة د تيك المرا دخاك والله لا عملت ليهم شي غداء وادا جى عبد الرزاق من سوق وماجبركشي فدار باش ينوض يضربك ونتي كاتعرفو ما كيبغيلكشي ا تجي للعنصر شامة... واخا ايما .. دوزو شي ساعة وهما كايصبنو و غير سلاو هزو حوايجهم وشدو مسافة طريق و وصلو الدار عبد الرزاق عاندو ختو شامة عزيزة ربها بحال بنتو ما كيبغيلاشي تمشي للواد حيتاش كايكون عااامر وزيد عليه جا قريب على شاريع لي كايدي الفيلاج يعني دراري ديال دوار و وناس لي مسافرين ولي عندهم الحديد كايدوزو منتماك وهو ما كيبغيش ختو نهيلة تمشي... شامة من سوق لسوق كا تمشي مع يمها للواد تصبن حيتاش ما كيكونش عبد رزاق فدار كايمشي للسوق بكري وكايجي فتيك العصر من سوق وحتى رحمة ما كتفضحهاش حيت عارفة ادا فضحتها ما غادي تلقى لي يصبن ليها حوايجها وحوايج ولدها امين وهيا ما كاتبغيش تمشي تصبن ديما كا تتهرب من تصبين وكع شغول لي كايكون صعيب ما كاديروش وكاتخاليه على الحاجة الزوهرة و شامة ...
على داكشي ما كيقولوهاش لعبد رزاق وحتى عدنان مزال صغير كا يخرج يلعب فصباح وما كيرجع حتى العشية ولا كايمشي مع خوه للسوق شي مرات...
... غير وصلو الدار.كيف دخلو لقاو عبدرزاق كاين شامة غير شافتو وهيا تشهق بالخلعة وتخبات من ورا يمها هو غير شافها مشى من وراها وشدها من ضفيرة ديالها وجرها عاندو....عبد الرزاق... ياك اختي ياك ما كتسمعشي الهضرة ياك رجعتيني عاايل ستيتو كايهضر معاك ياك الحاجة... اطلق من ختك هيا مشات معيا طلق منها اعبد الرزاق هادي اخير مرة ما تعودشي تمشي معيا ابني شامة.. كاتشهق وتبكي وشدا ليه على يدو لي شد بيها راسها.. ااا هئ هئ هئ سمحلي اخاي الله يرحم يماك والله ما نع.... قبل ما تكملها حتى كان جمع معها بتسرفيقة لنيفها بضهر يديه حتى نزفت دم من نيفها ... غير شافتو زوهرة اش دار وهيا تمشي ليه كا تجرو الحاجة.. الله يا بني وطلق منها طلق باش دقتل لي بنتي المجريم اطلق منها اطلق
عبد رزاق.... الواليدة حيد من طريق وخاليني نربيها بقى ما كتعرفنيش ملي نقول ليها ما تمشيشي هيا ما تمشيشي ماشي كا تخالوني حتى نخرج و تخرجو ليا برا دار د تسلكطو فالواد شامة... كاتشهق وتبكي... هئ هئ هئ والله اخاي غير كنت كانعاون يما هئخه‍ئ فتصبين وصافي والله هئ اخاي راسي ما كنهزوشي لا فناس ولا فطريق لي حدا الواد
عبد رزاق... كاتعاند معيا دابا انتي ياك
شامة.. هئ حاشة اخاي تينا عزيز عليا ما نقدرش نهز فيك حتى عايني