جنون نوح💓مكتملة💓

💓الجزء 181💓

جزء 181:

طلع راسو من ترمتها منين حاس بيها وقفات وطلقات ليه من يديه وهو يشوف ميمتو والحاجة واسية والعائلة كلها مجموعة على طبلة ديال الفطور لي مشكلة ومنوعة بالانواع ديال الحلاويات ديال العيد واتاي والعاصير والفاكية المجففة وشلى حوايج...
نوح: غير شااف ميمتو توجه عندها كايبوس ليها فوق راسها ويبارك ليها ف العيد... مبروك عيدك الحنانة ربي يباارك في عمرك وتبقااي معمرة داارك وداار ولادك وحفادك الى كتب الله
امينة: ضحكات بالفرحة... ويبارك فيك اولدي وربي يطول ف العماار حتى نشووف ولاد ولادك
نوح: امين
باس ليها نوح يديها وراسها تااني وتوجه جهت الحاجة ودار معاها نفس الشي
نوح: باس ليها فوق راسها... مبروك عيدك الحاجة
الحاجة: بإبتسامة.... الله يبارك فيك اولدي والله يبارك ليك فدارك و ولادك و ميمتك وعائلتك ياربي
نوح: عاود باس ليها راسها... امين اعمارت الدار امين
.... سلم نوح على كولشي لي غير سلم توجه جهت الماس شد ليها فيديها وجلسها حدااه ومعاونها تجلس ولات بحال هاديك البطة المطبطة ههه بزز كاتتحرك ومع دابا هيا فشهارها التاسع عااد دخلات فيه ...
جلسها وجلس هو فراس طابلة وشااف ف الحاجة لي واخا راجلها حداها الى وجهها مبدل باينة الحكرة والحرقة من وجهها... فطري الحاجة
الحاجة: شافت ف نوح وضحكات واحد الضحكة لي دابلة اكيد ماغتكون مبدلة هادا العيد و ولادها لي فنات عليهم حياتها وشبابها ماكينينش زووج تحت تراب و واحد غااابر مااكيسول فيها ما والو ونوح حااس بيها وبحرقتها... انا كانفطر ابني غير فطر نتا
نوح: حالف يجبد معاها الهضرة ويخاليها تتناكر معااه ويخرجها من المود لي هيا فيه....يعجبني الزمان كي يدور ويولي الحكار محكور
الحاجة: شااف فنوح وعقدة حجبانها...فاش حكارتك اولدي
نوح: شد يد الماس بين يديه وباسها وقال وهو مطلع حااجبو... نسيتي ياامات تقااف الحاجة
الحاجة: غير سمعاتو اش قال وهيا تعض شفايفها وطاحت كاتغمز فيه زعمة العار ماتشوهنيش قدام راجل وتضحك ضحكة صفرة ... هههه لاواه لاوااه ههه
نوح: مخنزر فيها وكايهضر باغي ينيضها معاها وترجع الحاجة يمات زمان هه... نسيتي ياماات لي خديتي بنت بنتك من دار رجلها وهربتيهاا اشيبة العاصية
الحاجة: بقات كاتلولب فعاينيها بحال بوبريص وتشوف فراجلها لي مافراسوش خصايل الحاجة كايحزاب ليه مسكينة هاد المرا غير محكورة ومقهورة ودريوشة ماعرفهاش هادي ناار تحت تبن مزالة دك ودردك..شافت ف رجالها وقالت بضحكة صفرة وهوما كاع لي تمااا كايشوف فنوح قالو هادا باغي ينوضهاا تاني كولشي كايقول الله يستر من هااد بنادم... هههه غ غااكيضحك معايا(شافت فنوح ) يااك ابني ههه هو انا عاندو عزيزة وكايبغي يضحك معايا
نوح: طلع فيها حاحبو... إمتا ضحكت معاك حتى نضحاك دابا
الحاجة : شاافت فنوح وهيا من قبايلة وهيا رابطة لسانها ومواقراه وكانت حالفة بينها وبين راسها ماا تبقاش تدخل فيه ولكن دابا هو لي قلب عليها... لا تجبدنيش اولدي لسااني سليط وماعليه حكاام خاليني موقرك وموقرة الشيب لي فراسي
نوح: طلق من يد الماس وحط يديه على دقنو كايحك بصبعو الكبير برجولية وشاف ف الحاج عبد السلام وقال... سم النسااء سم العقرب الحاج
الحاج : ضحك... هههه واايه ابني هادي عندك فيها الحق ولكن ماشي كولشي ههه انا زوهرة ديالي ما موسموماشاي
نوح: بدون مايحشم ولا يرمش... مراتك سمها سم العقرب الحاج
الحاجة : خرجات عاينيها وحشمات و وجهها ولا حمررر...اما امينة كاتشوف فنوح وتغمز وتقول ليه العار لماا هدن سووق راه المراة مزالة مجروحة وجرحها باقي جديد من ناحية كبدتها وهو ما مسوقش ليها... اما الماس هاديك جاميع الاوان الطيف فوجهها وكااع لي فطبلة كولشي بقاا مخرج فعاينيه من كلام نوح للحاجة
الحاج عبد السلام : ماعرف اش يقول فقط حنى راسو على واحد الكاس ديال تاي وبقاا ساكت...
الحاجة: شاافت ف نوح وقالت وهيا ماعجبها حال... إوى نسااء ابني نووح الى ضحكو في وجهك غني و اطرب وإيلا حلفووو فيك غير اهرب وكل مرا هزة حقها فسمها
نوح: شاف فيها وطلع حاجبو... حيت المرا ضلعة عوجة
الحاجة: شاافت فيه وقالت كلام لي خلى نوح يندم علاش كلمها يكون خلاها هكاك ومايحاشيهاش لأصل ملتها... المرا ماتتقاد بالعناد وما يكرمها غير جواد
( غير قالت كلامها ضحكة ضحكة صفرة بحالة كاتغيضو ولي فهم هو بحالة كاتقول ليه نتا ماشي من ولاد الجواد)