جنون نوح💓مكتملة💓

💓الجزء 123💓

جزء 123:

سفيان: حك على فخادو منين جاا وهيا كاتخبط فيه ماعرف مالها طلع عااينيه فنوح لي عااقد حجبانو فيه وكايشوف فيه بعيون كون كانو رصاص كون قتلووه بقاا كايشوف فيه حتى ناض سفيان واقف ودار إبتسامة ودودة على فمو وقرب عند نوح وعانقو... تواحشناك اولد العام
نوح: بقاا كيف هوو مابدلوش العناق
سفيان: حس بيه مابدلوش العنااق وبعد منو وشاف فيه...
نوح: حك على للحيتو وحاول يهدن نفسو وشااف فيه متبع عااينيه لا يشوف فيها...كيف الحال
سفيان : هههه بخير ونتا
نوح: طلع حاجبو... نحمدوه ... غير قال كلامو ضار وشاف جهت الماس لي جالسة حداها غفران وحتى ام بلال مشات جلسات جنبهم ولات جالسة ف الوسط حك على للحيتو وهو كايشوف فيها كيفاش حتى هيا كاتشوف فيه وخدودها ولاو حمرين حيد عااينيه منها ومشا جلس حداا عاامو وعااينيه ما محيدهمش من سفيان لي جلس حداه عمران لي امينة طلباتو بعااينيها يجي حدا سفيان على الله وعاسى يشد عااينيه معااه
هشام: غير جلس حداه نوح ضرب ليه على فخدو... إوى اولدي كيف غاادي مع الحياة
نوح: رجع راسو اللور ولايح واحد الدرع على المخد و واحد اليد دايرها على رجليه وحول عااينيه من سفيان ل الماس لي غير شاف فيها حنات عوينتها ... غا معدين
هشام: إوى الحمد لله اولدي
نوح: شااف ف ميمتو... شنو الواليدة ماكين اتاي ماكينة قهوة
امينة: ناضت واقفة... ههه حاشة ولدي غاكنا كنستناوك
غير هضرات امينة شير ليها بعااينيه جهت الماس لي امينة فهماتو شنو قصد زعمة تنوض معاك
امينة: حيدات عااينيها من نوح وشافت ف الماس... بنتي الماس نوضي تعونيني
اسية: ناضت غا خاليها انا نحط معااك
نوح: شاف ف الماس لي طلعات فيه عوينتها وقال بين شفايفو غير بالحراكة وبدون صوت... تحركي
الماس: فهماتو اش قال يالله حيدات المخدة من على كريشتها وهيا تخرج عااينيها ف القندورة لي تقطعات من جهت كرشها من تحت صدرها حتى لتحت كرشها بسرعة ردات المخدة على كريشتها وشاافت ف امينة لي كاتستناها... خ خالتو م مانقدرشي
امينة: شاافت فنوح لي عقد حجبانو فيها ورجعات شافت فيها وقربات عندها وقالت بشوية ... نوضي ابنتي الله يرضي عليك
الماس: شافت فيها قريبة تبكي... هنن القندورة تقطعت لي
امينة: خرجات عااينيها... منين
الماس: هزات المخدة غير شوية حتى شافت امينة وخرجات عااينيها...
امينة:خرجات عاينيها... مصيبة هاادي دابا اش غاندير مع داك العجل لي مخرج عااينيه فيا
الماس: قوليهالو
امينة : هزات راسها بواخا ومشات عند نوح لي كان غااينوض ليها وملي شاف ميمتو جاية جهتو جلس.. قربات عاندو وتحنات لودنيه وقالت بصوت خافت... ماتقدرش تنوض اولدي القندورة تقطعات ليها على كرشها
نوح: طلع راسو فيها معصب... كيفااش
امينة: تقطعة ليها القندورة
نوح: هزهز رجليه مغدد وشاف ف الماس لي وجهها ولا حمرر وشدة على المخدة بيديها بزوج وكاتشوف فيه... وااااااخاا
امينة: زادت خرجات من صالة باش يحطو اتاي هيا واسية ونوح بقا كايشوف ف الماس مخنزر هبط عااينيه من وجهها وشاف فصدرها لي تقنبل فهاديك القندورة لي لابسة كايهزهز رجليه مغدد ويعض فشفايفو عاامو كايهضر معااه وهو مامحيدش عااينيه منها
اما واحد سفيان هاداك ملي سمعها هضرات هز عااينيه فيها كايشوفها كيفاش كاتهضر وكيفاش كاتحرك. عيونها ماكرهش يجيو عاينيها فعيونو وتشوف فيه بقا هكاك حتى حركو عمران سااخط وهو كايشوف فنوح لا ينتبه ليه ويقلب عليهم هاد الخطبة...