جنون نوح💓مكتملة💓

💓الجزء 129💓

جزء 129:

دااازت لليلة صعيبة بنسبة لنوح كأي لليلة من الليالي لي كايدوزو عليه ب الالم ولكن كان على الاقل ملي كايجيه الحريق كايتفكر الماس ويقول غير يسالي هاد الحريق نرجع الحضن قلب الحليب وننسا كولشي ... ولكن دابا لا بعيد عليها ومابيدو مايدير كون كان عاندو فين يجيبها كون جابها ولكن والو الدار ماوجداش وحتى الكوخ مانقيش جاتو هاد تسفيرة على غفلة وماقدرش يجيبها معاه ويكرفصها ماعندها حتى فين تجلس وهيا حاملة ماتقدش تبات فالوطو...
دازز داك الليل على الماس بحال نوح حتى هيا تفكيرها معاه وعقلها معااه وخصوصا ملي هضرات معااه فصباح ماعودش صونا عليها وهيا واخا كاتبغي تصوني كاتخاف يكون مشغول ولا يقمعها ولكن لي خالعها كثر هو يكون كدب عليها حيت بينها وبين راسها مامتيقاهش بلي الحريق مابقاش كايجيه حيت كلام طبيب مزال كايضور ليها فراسها و خصوصا ملي قال هو بلي هادي اكثر من 5 شهور وهو كايجيه الحريق وكل لليلة قالت فبالها مايمكنش يكون الحريق توقف بهاد سهولة ومشا منو غا هكاك... عقلها مشوش هااد الايمات وخاطرها مامهانيش وخصوصا عليه هو خاايفة عليه بزاااف اما بخصوص داكشي لي بااغي منها مزال كاتفكر اش دير ولا اشنو تصااوب تمنات كون كانت معاها اميمة وتعطيها شي حل من غير هاداك ديال داك نهاار بقاات كاتفكر شحال حتى ستسلمات للنوم فحضن امينة لي بلى مايوصيها نوح عاارفة راسها خااص تنعس معاها حيت صافي قالها مرة واحدة خاصها تمشي على هاد سيستيم ملي مايكونش فدار بلاصتها ف فراش نوح وقدام مراتو ...
الماس: غير غمضات عاينيها غاتنعس حتى كاتسمع تليفونها كايصوني نااضت مفجوعة مادرتش ليه سيلونص غير على قبل نوح هزاتو من على كوكيطا بزربة قبل ماتنوض امينة وفتحات الخط قبل ماتشوف شكون ... ا الو
نوح: لي مخشي فطنوبيلتو وشتاء كاطيح ماقدرش يجيه النعاس بلى ماسمع صوتها غير سمعها جوبات على تليفون غمض عااينيه وقال بفحيح... Mi Amor
الماس: غير سمعات صوتو قلبها ضرب زادت تخشات ف الغطى ونعسات على ضهارها وكاتشوف فسقف وقالت بصوت رقيق... شني كاتعني
نوح: حك على دقنو وهو مرجع راسو على الكوسان وقال بصوت رجولي... حبي

الماس: خدودها ولاو حمرين اول مرة يقول ليها هاد الهضرة من ديما كاتسمع اميمة كاتقول لعمران حبي وحتى هو ملي كاتكون كاتهضر معاه فتليفون مع عمران و حداها ودابا ملي سمعتها من نوح جاتها فشكل ماتوقعتهاش منو واخا قالها ب الاسبانية الى نفس المعنى عضات شفيفتها بالحشمة وهزات يديها كااتنش على وجهها لي سخانة كاتخرج منو بالحشمة...
نوح: بقاا سااكت شحال وهو كايسمع انفسها صغار كيفاش كاتسوط نفس من نيفها بقاا ساكت شحال وهو يقول بفحيح... بغيت نشوفك
الماس: بقات كاترمش فعااينيه... كيفاش
نوح: عض شفايفو وقطع عليها ودخل للواتساب نيشان لي ماكيدخلش ليه نهائيا غاا زايد عاندو فتليفون ههه ودابا جا الوقت لي يحتاجو فيه غير دخل للواتساب صونا عليها ابيل فيديو وهو مرجع راسو اللور وداير تليفون قبلت وجهو
الماس: غير قطع عليها بقات ترمش فعاينيها يالله غااتحط تليفون حتى كاتشوف صوني ف الواتساب بسميتو عضات شفيفتها وبسرعة ناضت جلسات على سرير وتعوطات فجلستها وشعلات الفوايوزات وشافت ف امينة لي غاطسة فنعسها طلعات الغطى على كتيفتها العريانين لي لابسة عليها غا شورط قصير وديباردو ف الغوز مع الكريشة والحمل الحوايج ولاو كاايخنقوها غطات كتيفتها وفتحات عليه الكاميرة وشاافت فيه هو ماكيبانش ليها نهائيا اضلام عاندو
عكسو هو لي كايشوف فيها كيفاش حنكها حمرين وضفيرتها الطويلة مردودة على كتافها لي مغاطي بالغطاء غير شافها عض شفايفو بعيون نايمين فيها وقال بصوت مبحوح...تواحشت فراشي
الماس: بقات كاضور عوينتها كااع ماكيبان ليها حتى سمعاتو شنو قال وهيا تضحك ضحكة صغيرة... هههه
نوح: عقد حجبانو... الواليدة حداك
الماس: هزات راسها بأه و قلبات الكاميرة لجهت امينة لي نااعسة وحاطة يديها تحت حنكها وقالت الماس بصوت خاافت ... هاهيا خالتو
نوح: شاف فميمتو لي ناعسة وقال بصوت خافت ومبحوح... ريحت الجنة