جنون نوح💓مكتملة💓

💓الجزء 99💓

جزء 99:

محمد: ضرب ليه على كتاافو ... يالله تحرك جيب الحاجة زوهرة انا كانستناك هنا وما تعطلش شوية وتلقى الكميسير جااي
عمران: واخاا
....
عمران: خرج من الكميسارية غير خرج لقا عدنان دااخل للكميسارية خنزر فيه واحد تخنزيرة ديال الغدايد وحتى عدنان مااشي سااهل حتى هوا بادلو بنفس النظرة عدنان دخل وعمران زاد غادي جهت طنوبيلتو حتى تلقى ليه طوني جاا عاندو وتسالمو سلام رجولي
طوني: واش شفتيه
عمران: هز راسو بلا
طوني: شاف عاينيه كيفاش منفوخين ومزال لابس الكمبلي ديالو القاميجة نص داخل مع سروال ونص لا وشعرو مشنتفف باينة فيه مضرور من جهت خووه. ضرب ليه على كتاافو وقال ... عمران زير راسك اصااحبي رااه خووك انا لي كانعرفو بينتنا العشرا ديال سنين مااشي غانكدب عليك ما بينتناش شي صداقة جمعنا غا الخدمة وصافي ولكن انا معتبرو بحال خويا شحال من مرة وقف معايا وخيرو عمري ننساه رااه خوك غا يخرج منها بحال شي شعرة من العجينة
عمران: شااف فطوني وعلامة الحزن والقهر على وجهو... راااه هداك خ خويا ما نقدش بلى بيه واخا يكون بعيد عليا غير مكالمة من عااندو كاتزرع فيا روح ...
طوني: غاايخرج من هنا الى طووول يومين ويخرج
عمران: بغيتو يخرج الليلة اطوني رااه مراتو حاملة الى غااب عليها غا سااعة كاتبقى تسوول عليه ودابا تيقني غير ندخل للدار اول حاجة غاديرها غا تسولني عليه اش نقول ليها اش
طوني: مسح على للحيتو ...شوف شي كدبة ولا شيحاجة
عمران: ضرب ليه على كتاافو... المهيم نخاليك خاص ضاروري نمشي لدار
طوني : واخا(شير ليه لداخل ) واش المحامي كاين
عمران: ركب فطنوبيلتو... وي لداخل
طوني: زاد دااخل للكميسارية وعمران قلع طااير للدار نيشاان باش يجيب الحاجة لي كايفكر كيفاش يقولها ليها....

🎀فدار البنداري 🎀

ألحنين.....🥀
لا يعرف أداب الزيارة ......
والغياب.....
لا يجيد التصرف احيانا ً.......
أما ألشوق.........
فهو ألإبن ألمدلل ياتي متى يشاء🥀🥀

ملي القلب كايتعلق كايولي صعيب يدوز عليه نهار ولليل بلى مايعرف حتى شي خبار على لي ساااكنو وغااب عليه كاايولي القلب عاايش ف متاهة وفسرعات ما بين العقل والقلب وخصوصا لكان قلب ديال المراهقة لي كايكون تافكيرها محدود فقط فداك الشخص لي تعلق بيه القلب ولي بغااتو وتمناتو يكون فجنبها اما الماس ف المرهقة لاعبة عليها مزين ولكن الوحم والهرمونات لاعبين عليها اكثر ...
ناضت فصباح ومشات ديريكت للبالكو كاتشوف واش كاينة طنوبيلتو لتحت غير ماشفتهاش مشات هزات تليفونها كاتصوني عليه وتعاود كاتلقاه مطفي حطات تليفونها من يديها على الفراش وزادت دخلات للدوش دير روتينها صباحي غير سالت دخلات للدريسنك لبسات عليها بجامة ف الشيبي من الفوق قصيرة وعندها سروال واسع شوية ولبسات فوقها البينوار ديال البجامة كان طويل لحد ركابيها دارت شال على راسها ف الابيض وخرجات تصلي صبح....
الماس: صلات الصبح وغير سلات هزات يديها كاتدعي... يااربي هو الاب ديالي وهو خويا ورااجلي هو سندي بعد الله ف ياااااربي بقدر ما كنبغيه حفظوو ليا وبااارك ليا فيه وبعد عليه كل شر وجاازيه يااربي عن كل خير يااا مجيب الدعاء يااربي اعطيني بقدر نيتي فإني لا انوي بأحد إلا خيرا ياربي رزقني اجمل ما اتمنى واكثر مما اتوقع وافضل مما ادعوا..
امينة : اللهم امين الله يقبل
الماس: سلمات وسلات الدعاء وشافت ف امينة لي من وراها نااضت واقفة ومشات عندها... خاالتو نووح رجع
امينة: لا مارجعش هداك غا عمران لي جاا
الماس: خااي عمران فااينوا
امينة: رام فبيتو ابنتي
الماس: س سولتيه على نوح
امينة : اه سولتو قال ليا بلي راه كان معااه عانهدم شي شغول ف شاركة
الماس: ياد نوح شاركة ديالو ف اسبانية
امينة : والله ابنتي ما نعرف هادشي لي قال ليا
الماس: واخا الله يعاونهم
امينة : لا ديريش فبالك غير يسالي شغلو يصوني ليك
الماس: واخا
امينة: شدات ليها فيديها... يالله نهبطو كولشي مجموع التحت نفطرو ونجلسو ندردشو شوية حيت رحيمو وعائشة وسي حمد وبابات اميمة غاادي يمشيو بحالهم
الماس:رخات شفيفاتها... اوااعدي حتى اميمة
امينة: اه ابنتي نتي عارفة رحيمو ما تخاليهاش هنا
هبطو امينة والماس لتحت لقاو كولشي مجموع على طابلة من غير عمران ونوح لي ما كينينش سلمات عليهم وجلسات تفطر معااهم وهوما كايضحكو ويهضرو وهضرة تجبد هاضرة
وهوما هكاك حتى جاا عمران
عمران: شااف فيهم ... سلام عليكم
كولشي : وعليكم السلام
اميمة: كاتشوف فيه وهوا غير شاف فيها وحيد عااينيه من البارح وهيا كاتصوني ليه وهوا ما كيجوبهاش ولا يجوبها ويقول ليها من بعد ونعااود ليك ودابا كاتشوف فيه وهوا ما عطيها حتى شي إهتمام
الماس: شاافت فيه ودارت إبتسامة على وجهها زوينة... خااي عمران واش نوح ماغيجيشي اليوما
عمران: شاف ف امين وبلال ورجع شاف ف الماس... ختي وقع ليا شي مشكل ف شاركة وما يقدرش لي يحلو ليا من غير نوح يسالي ويجي
الماس: حكات يديها فبعضيتهم بتوتر... الله يعاونكم
عمران: امين
امينة: شافت فيه... ولدي اجي تجلس تفطر
عمران: كايشوف ف الحاجة لي كا تهضر مع سي حمد وعائشة... لا ميمتي فطرت ف شاركة احم (شاف ف الحاجة) الحاجة بغيتك فشيحاجة
الحاجة: شاافت فيه بإستغراب... ش شني ابني
.... كولشي شاف ف عمران ومنهم الماس
عمران: بغيتك فشيحاجة
الحاجة: فاش ابني
عمران: شاف ف الماس... غ غا احم شي ورااق الحاجة ديال الماس بغينا نخرجهم من البلادية وما يخرجوش الى ما كنتيش نتيا