جنون نوح💓مكتملة💓

💓الجزء 136💓

جزء 136:

الماس : فتحات منديلها و حيدات القندورة وزيفها ما خلات عليها والو منغير شورط ابيض صاافي
شدتها اميمة وجلستها فين كانت جالسة غفران وبقات كاتحك ليها لحمها وضهارها مزين درعها وفخدها وصدرها وكريشتها ومع الماس كاتدغدغ تقلبات ليهم بضحك تما
غير حكات ليها لحمها مزين جلسات اميمة تااني وتعونو عليها الماس وغفران حكو ليها حتى هيا مزين وغسلو ليها ومنبعد كل واحدة شدات شعرها كاتمشطو ودير ليه الوصفة ديال زيت العود وقرنفل( """فايت ليا حطيتها ليكم فعرس الماس غانعود نحطها دابا حيت شحال من بنت كاتسولني عليه """) هاد الزيت لي صاوباتو ليهم الحاجة الزوهرة وهيا لي جابتو ليهم جابت الرضومة ديال الكوفيتير خاوية عاامرة بزيت بلدية وجاابت 10درهم ديال قرنفل وقطعات راس ديال الثومة كلو طرفات صغار كبات الزيت فطنجرة صغيرة وكبات فيه القرنفل لي هرمشاتو شوية وزادت الثومة وجاابت زريعة ديال الكيف( اكيد الكيف غير لي بغى يديرها لي صراااحة كترجع شعر وااعر) شدات زريعة ديال الكيف لي ماهرساتهاش خالتها هكاك و الوريقات ديال الورد ياابس وحطات كولشي فداك الزيت وحطاتو على البوطا وخالاتو يتشحر مزين ويغلي ويعااود هاديك الساعة كبات كولشي ف الرضومة ديال الكوفيتر وحتى تيك الاعشاب هبط كولشي التحت ديال القرعة وكايبقى غاازيت لي فيه الريحة وااعرة وزوينة لي ديريه قبل ما دوشي بشي سااعة ولا اكثر عد دوشي وحتى ادا درتيه من ورا الدوش كتابقى ريحت شعرك زوينة و الفوائد ديال هد زيت القرنفل والورد هما سباب ريحة زوينة والثومة لي عدام تساقط الشعر وزريعت الكيف لي تطويل الشعر وحتى زيت الزيتون...(بعض البنات لي طلبو مني هد الوصفة جربوها البنات انا راه كانديرها لشعري وصارحة زوينة وانا مجربها )

دهنو شعرهم بزيت وجمعوه ومنبعد شدو ليك البنات لاصير كل واحدة وشنو كاتقلع ها لي لفشلوقها ها لي من رجليها وكل واحد وكيفاش (لاسيغ ولا لاصير ماعرفتش سميتها بضبط 😅) اما الماس فهاديك كل نهار تقريبا كاديرها وخصوصا منبعد ما علمتها اميمة وكانت شراتها ف عرسها بلى ماتزوج كانو كايديروها هيا واميمة ماكتحملش الزغب وكايعجبها تهتم براسها وبلحمها وبوجهها ب الوصفات وداكشي الطابيعي وخصوصا ملي كانو هيا واميمة ودابا ملي تزوجات بقات كادير غا لاسيغ اما الوصفات ديال الوجه لا حيت ماكتعرفش مزين كاتنسى شنو كايديرو فيهم...
غير سلاو من لاسيغ شدو ليك الوجه دارو كوماج ب المعلقة ديال القهوة ومعلقة ديال زيت بلدية وسكر خالطو كولشي مزين وداروه فوجههم وبقاو كايحركو يديهم على وجههم على شكل دوائر كايحيدو لطراس ديال الحبوب وتشقوقات ديال البرد والجلود لي كايكونو ف الفم وحتى كاينة فيهم لي وجهها كايتقشر... شحال من وصفة دارو للوجه وغير سلاو من الوجه بداو كايتناوبو على الرشاشة كايغسلو شعرهم من زيت وبشمبونات لي مفيدين لشعر غير غسلو لحمهم وشعرهم مزين كل واحدة تخشات ف بينور الى الماس لي مادخلات معاها والو حيدات شورط لي عليها وتشللات مزين و لوات عليها غير فوطة غير سلاو خرجو من الدوش للبيت غير خرجو بقاو كاينشفو فشعر بعضيتهم بشيشورا هادي كاتمسح لهادي والضحك وتقشاب بينتهم والماس غايقتلوها غا بضحك صوت ضحكتها كايتسمع منين ومنين غير سلاو شعر جمعوه الفوق بحال الكعكة مهملة وشدو ليك الكريمات والزيوت كايطليو ليك فلحامهم والماس حتى هيا معاهم ماكين ليك غا نسايم ديال الڤاني وديال شكلاط والفريز والحليب ههه هادو هما الكريمات لي ستعملو كل واحدة وشنو خطرات وحتى الماس بغات تبدل ريحة ودارت ديال الڤاني غير سلاو من لحمهم الماس تهدات مسكينة من صباح وهوما كايطليو ف الوصفات وفمها تشرك بضحك ههه جلسات كاتشوف ف البنات حتى شافت اميمة وغفران كا يلسقو ضفار فيديهم و كايسبغو ضفار ديال رجليهم بقات كاتشوف فيهم وهيا تشوف فيديها ورجليها وعضات شفيفتها وشافت ف اميمة
الماس: حتى انا عملولي معاكم
اميمة: شافت فيها وهيا كاتركب ضفار ديال يديها ف الابيض وصبع لي فيه الخاتم ف المنقر... شني حتى تينا نديرو ليك اضفار وتصبغ رجليك
الماس: اه
غفران: شافت فيها وهيا كاتصبغ رجليها ب اللون الابيض... ونوح مايقول ليك والو
الماس: هزات راسها بلا... لا مايقوليشي
اميمة : نساليو حنايا وهاديك ساعة انا نلسق ليك ضفرين ديال يديك وغفران تصبغ ليك ضفار درجليك
الماس: صافي... بقاات جالسة وهيا كاتفرك فيديها وخصوصا عجبوها الضفار لي كايديرو فيديهم وحتى صباغة كاتقول فخطرها نوح ما يقول ليا والو عاادي ماغيشوفني حتى واحد من غيرو ولي فدار واصلا مزيونين وغايعجبوه ...
البنات غير سلاو لريسهم شدو الماس حطو ليها صباغة لي دير وحتى هيا مابغاتش تعايق خطرات صباغة بيضاء وزوينة كاتجي انيقة ف رجيلات و حتى الضفار خطرتهم ف الابيض كلهم وكانو طوال شوية وزوينين
دارو ليها بحالهم حتى هيا وضفار جاوها زوينين مع يديها لي بايضين ورجيلتها عطوها رونق خاص وزوين ماشي بحال دوك الضفار لي كايعيفو هادو لا جاو معها ومع شخصيتها الهادئة الجميلة
غير سلاو من هاادشي كلهم تلاحو كلهم على الفراش هكاك كايردو النفس شاافت اميمة فساعة ديال تليفونها لقاتها 1 عرافة الناقشة غا تجي وشوية تلقى رحيمو طلعات تحيح عليهم