جنون نوح💓مكتملة💓

💓الجزء 180💓

جزء 180:

الحلاقم زاادو طايرين من قدام نوح ماعودوهاش معااه اما هو تباعهم هاابط التحت يشوف الحاجة واش تهدنات ولا مزال كيف هياا اما هو ربي لي عالم بناار لي شااعلة في قالبو وخاطرو عمر نوح كان يتوقع هاادشي كلو غايدوز منو ههه وبسباب مراا اللي حبهاا قالبوو كايحاول يصبر راسو ونفسوو ويقول هادا هو اخير البااس صافي سالى كولشي ورتاحيناا هانيت راسي وهانية عائلتي والهم ديال الدم لي وسخ يديه والهم ديال عدنان عارف عمروو يتحط من فوق كتاافو وهااد زووج غايبقاو بحال شي نقطة كحلة فقلبوو...
.......

داز داك نهاار او نقولو داز نهار والليل دازت كنازت عدنان لي دارها ليه نوح على حاقها وطريقها بطلبة وب الفقاء والشيووخ نااس ضورا كلهم جااو ياكلو كسكسوو عدناان وصداقتو حتى من خووه عبد رزاق لي تاصل بيه ولدو امين جااا ولكن مابقاش جاا وقت الذفن غير منين كانو ف المقبرة وصافي غير ذفنوه مشاا بحالو وحتى هو بكاا ومابكاا ب القليل كاايشوف راسو علة على عائلتو راجل دار تبع هوى مراتو ونساا ختو ومو اما بنت ختو ماعليها هضرة... الماس كون ما كان نووح وجدتها كون كانت جفاف تحت رجليهم...
مابقاش عبد رزاق بزااف غير ذفنو خوه رجع منين جااا حتى ميمتو ماا تلقاهاش وحتى راس ماهزوش فنوح حشماان من راسو ومن ميمتو ومن عائلتو على داكشي غير حضر كنازت خوه قلع بحالو حتى ميمتو ماسولش فيها من غير تلقى ل امين صافي....
.....
الحاجة مسكينة حملهااا ثقيل وتقيل مسكينة ربي لي عالم بحالها صعيبة دفني وليداتك تحت تراب وخصوصا الى كانو كبار كاتكوني مربية عليهم الكبدة وبحال صغار بحال كبار كاتبقى هاديك الكبدة ديال الام...ولكن ربي رزقها بعائلة جديدة بعائلة لي خالتها تدخل وسطهم وكأنها واحدة منهم وكا يعاملوها بحال كبيرتهم و جداتهم كلهم ماشي غير جدات المااس... بفضل المااس عائلة نووح كبرات وبفضل نووح الماس ولات عندها عائلة جديدة ... الماس ونوح كملو بعضياتهم فكولشي هيا بلى نوح ماتسواش وهو بلى الماس مايعيش...
......
......
منبعد جنازت عدنان بأسبوع نوح مشاا للكميسارية بغاا يفضي شغلووو بيديه كاان مشطون مع هاد القاضية لي كان محمد مكلف بيهاا مشاا عطاا اقوالو ف الكميسارية وجاا بحالو اما بنسبة لعماد وخوان هاديك ساعة سحبو الدعوة حيت كلام نوح لعماااد كان واضح وضوح الشمس فقط الى كنتي بااغي تلعب معاه هاديك مانعرف....
....
داز داك الاسبوع لي من ورااه كاان رمضاان شهر الخير شهر رمضان المبارك اعاده الله علينا وعليكم بالخير واليمن والبركات....
جاا رمضان على عائلت البنداري لي فهاد شهر المبارك دوزوه مجموعين ف كثامة من غير عائشة وراجلها ورحيمو وراجلها مشاو بحالتهم اما الشي لاخور كولهم بقاو مجموعين...

والسي امين لي كفما يشوف نوح يغبر ههه نوح ماشي نسااا القاضية ديال امين لا نهائيا مزال فبالو غير مع هاد صداع والهراج لي وقع مؤخرا خلاه يأجل البلان ديال امين حتى يكون فااضي ليه وهاديك ساعة عااد غاايشد ليه طريق واحدة يا يكون راجل ويترجل يا يروح يقاود من حدااه ههه وهو يختاار لي عجبووو...
....
كيفاش دخل شهر رمضان على نوح دخل عليه زوين نقدرو نقولو نوح اول مرة يحس بمداق رمضان المبارك حيت ملي توفى الواليد ديالو ما صام شي رمضان مع ميمتو وخوه حيت ف رمضان كانت كاتحرك الخدمة ف الحشيش وكايكون عليها طلب اكثر من الاشهر العادية... نوح كان محروم من هااد الاجواء كان محروم من بزااف ديال الحوايج واكثر حاجة تحرم منها هيا عائلتو وهادشي كلو بسباب طريق الحرام لي كان غاادي فيه ولكن دابا ولله الحمد واخا عبئ عدنان مزال فوق كتاافو الى بتقربو من الله فهاد الشهر المبارك كايحس بالحمل كايخفاف عليه واخا يديه مسخين بالدم الى كايحس براسو ماديرش شيحاجة لي خايبة بينو وبين راسو كايقول السن بالسن والعين بالعين والبادي اظلم...
اما فعالقتو مع المااس غادية غير ل لأحسان غادية غير للمزين كل نهار القلب يتعلق والروح تموت فهواها كل يوم قلبو يضرب بسميتها وتنفسو ماينتظم الى على هواها البنت خدات ليه روحو وقالبو اماا هو حتل ل الماس على كل حواسها مابقات تقد بلى نوح مابقات تقد تتخيل نفسها وراسها بلى نوح وأغلاب كلامها وحديثها على نوح ومايكمل نهارها الى بنوح ...