جنون نوح💓مكتملة💓

💓الجزء 9💓

جزء9:
....
اصبحنا واصبحا صبح لله 🍒🍒🍒

عند الحاجة الزوهرة
مع ضهور جا عندها الحاج العاقل بنفسو جاب شلى سخرة والخير ديال راسو من كل انواع الخضر والقطاني والفواكه وطحين والحوم وبعض المواد.الغدائية بحال زيت وسكر الى اخره... الحاجة راكبة مع الحاج في الكاطكاط ديالو. و ولاد الحاجة عدنان وعبد رزاق كا ينزلو سخرة من طنوبيلة الحاج...
الحاجة : الله يكثر خيرك الحاج على هد الخير
الحاج: الله ياااودي هد الخير جابو ربي ابنت الخير
الحاجة: كانسمع عليك بزاف الحاج وعمر ني ما شوفتك
الحاج: دابا عد كتاب
الحاجة:(بحرقة والخصة في كلامها ) واايه الحاج كون غير جبرت بنتي والحشيشة دقلبي (جبرت هيا لقيت)
ما يحلالي والو بلى بيها
الحاج : على داكشي جيت عندك الحاجة شي ناس سيفطوني عندك وهما موالين هد الخير
الحاجة :(بالهفة وبسرعة ) خبر الخير الحاج واش جبرتو بنتي واش تينا عندك صح بنتي فايني ولا شني يكما كلاوها دياب فالغابة ولقيتو حوايجها وجيتي نتا بنفسك تقولها لي انا بنتي حاسة بيها بخير و

خبر الخير الحاج واش جبرتو بنتي واش تينا عندك صح بنتي فايني ولا شني يكما كلاوها دياب فالغابة ولقيتو حوايجها وجيتي نتا بنفسك تقولها لي انا بنتي حاسة بيها بخير وعلى خير فاايني بنتي الحاج الله يرحم يماك وباباك قولي بنتي فاايني (حنات على يدين الحاج كا تبوسها ليه )
الحاج :(خطف يديها منها وقال ) استغفر الله الحاجة نعلي شيطان و حضري عقلك الحاجة
الحاجة:(دموع في عينيها وقالت ) استغفر الله الحاج والله ينعل شيطان ولد الحرام
الحاج : بنتك في أمان الله و بحفظه وفي ايادي امينة وما عندك علاش تبكي
الحاجة: ( بالهفة)/فايني الحاج قولي نمشي نجيب بنتي فايني خاايله قولي فايني الله
الحاج: سماعني شني باش نقوليك الحاجة وعطيني ودنك ومتقطاعنيشي
الحاجة : اه قولي الحاج ما نقاطعكشي
الحاج: بنتك بنت الخير ومرضية ملي طاحت فيدين رااجل يحانت 10 درجال طاحت فيدين ولد الخير وهو بنفسو لي علمني بلي بنتك معه وهو لي لقها في الغابة وخدها معه وهيا دابا في أمانتو وماعندك علاش تخاف وهو لي صيفط ليك هد الخير لي كا تشوف وبغى يريح قلبك وباالك من جيهت بنت بنتك ولي بغى يوصل ليك بلي بنتك كيف مشات ليك ترجع ليك إن شاء الله وما عندك علاش تخاف
ولي نطلب منك الحاجة هادشي يبقى بينتنا وما يعارفو حد غيرنا
الحاجة:(وسعات عاينيها ف الحاج وصدمها بكلامو ولكن ما تنكرش بلي فرحات وقلبها رتح ولاو غير شوية ملي سمعات بلي بنتها بخير وعلى خير ) الحمد الله ياربي الحمد الله ربي كبير ربي حفظها ليا... وو ولكن شكون هدا الحاج انا مانتيق فحد راه فايت لولد الحرام تكرفص ليا على بنتي ورزها في شبابها وفعمرها نخاف على حفيدتي يوقع ليها نفس لي وقع لمها على داكشي دابا بغيت بنتي ترجع ليا
الحاج: عارف اش كاين واش وقع لبنتك وهدا ولد ناس وعلى ضمانتي حفيدتك ترجع ليك على خير ونجيبها ليك بنفسي إن شاء الله غير نعسي على جنب راحة ولو كان ماشي طريق لي مسدودة بثلج وطروق مقطوعة والجو خاايب كون جبتها ليك دابا
الحاجة: ما خليتي ليا ما نقول الحاج لي نقول ليك بنتي ديرها بنتك وهدا لي معه بنتي حسبتو ولدك و نفسك ونحاسبك نتا الحاج وعمري نسمح ليك ادا وقعت شيحاجة للحشيشة دقلبي ومانبغي لي يرزيني فيها بحال لي رزاني في يمها ( البنات لي ما فهماتش شيحاجة في اللهجة شمالية تقولها لي)
الحاج: كون هانية على ضمانتي وهدا لي معه بنتك بحال ولدي وما شفت منو غير الخير الحاجة ولي نقول ليك غير يدوب هد ثلج وتسرح طريق ملي حتى تجي ترمشي عينك بنتك تكون معاك
الحاجة : الله يكثر خيركم الحاج عمري ننسى هد الخير ربي يسهل ليك فلي فيها الخير تينا وتيك ولد الناس لي فرحني فهد صباح
الحاج : يرحم ولدك الحاجة وبلى مانوصيك هادشي بينتنا ما يسيق ليه حد الخبار
الحاجة : كون هاني خيركم ما ننساهش حتى نموت
الحاج: و نخاليكم دابا الحاجة هانتي كا تشوفي طريق خايبة وثلج باقي كا يطيح نخاف تتشد طريق ديالكم ونبقى وااغل هنى( وااغل هيا محبوسة)
الحاجة :(بتواتور) نسولك الحاج ادا سولوني ولادي اش نقول ليهم
الحاج: اه فكرتيني ولادك ما يحتاجش يقالبو ف الجبل قولي ليهم بلي انا لقيتها وراها معيا ومع مراتي فداري وخاليها معهم هيا هاديك
الحاجة : واخا اسي الحاج...
شد طريق الحاج راجع لدوار ديالو اما الحاجة زوهرة ملي سولوها ولدها على اش هضرو قالت ليهم بلي جى يقول ليها لقى الماس وغادي يجيبها ملي يتهدن الجاو
اما عدنان فرح بزاف ملي سمع الخبار وفنفس الوقت كون ماشي ثلج لي طايح وطريق مشدودة كون مشى يجيبها ورجع تاني يخطط مع راسو في افكارو الخبيثة...