جنون نوح💓مكتملة💓

💓الجزء 32💓

جزء 32:

نوح: حك لحيتو الخفيفة بيديه وطلع فيها حااجبو بواحد الطريقة لي الماس خالتها تبقى غير مرااقبة تااعبير وجهو ...
نوح: حيد عااينيه منها وشااف فجداتها وميمتو وحنحن...
نوح: احم احم
الحاجة وميمتو والماس واميمة وبلال وعمران كولشي شااف فيه
الحاجة : ياك لباس ابني واش حلقك كايحرقك ولا شني
نوح: شاف فيها وشاف ف الماس... كاضرني شيحاجة اخرا الحاجة...
امينة : بخوف... الله ياولدي اش عندك
نوح: نوح غزز شفايفو وشااف ف ميمتو... بغيت نخطب
عمران : 😳😳😳
بلال : خرج ليه اتااي من نيفو
اما امينة فاهديك ما عرفات واش تضحك ولا تبكي
اما وااحد الماس خرجات عااينيها فيه قالبها ضارها من هد الكلمة غير خرجها من فمو طلعات يديها حطاتو على قلبها كاطبطب عليه بشوية
امينة : بفرحة وشكون هادي...
نوح : ها هيا حداك ... شير بعاينيه جيهت الماس لي جالسة حداها اميمة لي كولشي يحزاب ليهم اميمة لي قصد..
امينة : شاافت ف اميمة ... مشاء لله اولدي

الحاجة : شاافت ف اميمة لي هاديك عااينيها ف الماس وكتضحك ...
الحاجة : يحزاب ليها هضر على اميمة هيا وامينة مستبعدين الماس من هد اللموضوع حيت نوح بنفسو دارها على كنيتو بحال اختو على داكشي كلهم شاافو ف اميمة من غير عمران لي غمض عااينيه بسخط وبلال كاايشوف فيه ...
بلال : بصدمة... اووو اصاحبي هد خوك بااغي يستاولى على كولشي لي نشوفو فيها يرجعها ختنا ولا مرات خونا اش هد الخرااء المخرخاار
عمران : فرك يديه بتوتر حيت بصح عجباتو اميمة وماشي غير كان كا يطنز ماكنش كاايضن خوه غايخطبها ...
اما الماس : فا حتى هااديك شاافتهم فاش كاايشوفو لقاتهم كلهم كاايشوفو ف اميمة لي اميمة بنفسها وهيا الواحيدة لي عرفات نوح اش قصد بكلامو وكاتشوف ف الماس وتضحك وتغمزها لي الماس فهمات غلاط ويحزاب ليها فرحانة حيت نوح خطبها
الماس : شاافت فنوح لي حتى هو كايشوف ف الماس بعيون مامحية من اي تعبير فقط كاايشوف فيها عاكسو هيا لي دموع تحجرو فعااينيها وحنات عاينيها كاتشوف فيديها لي كاتلعب فيهم بتوتر ودمعتها طااحت وعلاش مااعرفااش ...
الحاجة : شاافت ف اميمة وشاافت فنوح لي شاف ف الحاجة كايستنى جاوبها
الحاجة : واش غاانقول ليك اولدي البنت بنتنا وبنت البلاد تربية والاخلاق ولكن
نوح: قاطعها بسرعة... ولكن اش
الحاجة : ماشي حنى لي كان خااصك تطلب منهم البنت راه البنت عندها عائلتها انا كااتجي عااندي غير تونسني والله يكثر خيرها ملي مشات الماس وهيا معيا فداري
نوح: شاف ف الحاجة وعقد حجباانو وغزز شفايفو بسخط ورجع شاف فالماس لي هد الاخيرة حاانية عاانيها للأرض ومهبطة راسها وجهها مابانش ليه شاف ف ميمتو لي كاتشوف فاميمة ومسح لحيتو مغدد عرفهم فهمو غلاط...

عرفهم فهمو غلاط...
اما اميمة فااخرجات عااينيها من كلام الحاجة حتى هيا عارفاتهم فهمو غلاط حيت هيا من الاول فهمات نوح شكون قصد بكلامو وحتى نظرات نوح ل الماس بااينين واميمة قشعااتو منين فتحات ليهم الباب عرفات السيد طاايح ف الماس ...
نوح: غززز شفايفو وطلع صاوتو شوية وبصوت رجولي ومبحوح قال وهو عااينيه ف الحاجة بحال رصاص غزز على سناانو وخرج الحروف من فمو مزيرين ... أنااا بغيت نكمل ديني على سنة الله وراسوله مع بنت بنتك المااس(وطلع فيها حااجبو ) فهمتي ولا نشرح ليك بالغة اخرا