جنون نوح💓مكتملة💓

💓الجزء 51💓

جزء 51:

.......💕أنت سندي ومسندي ، وإتكائي وقوتي ، ومُلكي ومملكتي ، وإليك أنتمي💕

....🎀ف المغرب🎀

بلال وعمران وامينة لي جالسين فصالون دايرين بريريد ديال اتااي وجالسين معه....
عمران : شاف فميمتو... فين هيا الماس
امينة : شاافت فيه وسااطت بحزن وبتعب.... جالسة ف البالكو فبيت نوح عااينيها مركزين ف الباب كاتستنه غير وقتاش يدخل
عمران : شاف فميمتو وقال... حنى مولفين عليه وعلى غيابو ولكن هيا مسكينة ما غتولفش
امينة : شكون اولدي لي تقدر تولف على فراق راجلها حتى واحدة انا راه باك ميت وكل لليلة ما ننعس حتى نفزك المخدة بدموعي
عمران : كون غاشتيها الواليدة ضربي عليها شي طليلة مابقاتش عجابني حالتها البنت ضعاافت بزااف
امينة : شافت فيه ... انا نطلع نشوفها ونونسها شوية...
خرجات امينة وطلعات الفوق وبقاو بلال وعمران جالسين

امينة : تجهت للبيت نوح لي الماس مابقاتش كاتخرج منو ديما مخشية فيه....
امينة : طلعات وفتحات الباب وهيا تلقها ملسوقة فزاج ديال البالكو لي مسدود وكاتشوف غير من وراه ماكتحركش عااينيها كاتشوف ف بلاصة واحدة لابسة عليها بجامة طويلة حتى الركبة بسروالها سخونة لونها كحل وفيها دبدوب ابيض ودايرة شال ابيض...

شاافت فيها امينة ولات حالتها حالة مسكينة ضعاافت و وجهها ولا صفر غير بقلة المكلة داارت ضد كلام نووح مابقاتش كاتكل كيف كانت ولات غا كاتعتق الروح كاتحس براسها وحدها هنى واخة معها امينة وكاتحاول تنسيها وتخرجها من الهم لي هيا فيه وحتى عمران كايعطيها تهضر مع اميمة باش تخفف عليها وحتى مع الحاجة لي مرا مرا كاتهضر معها
ولكن الماس تواحشت نوح عمرها مشات لشي بلاصة الى ومعه هو الى وهو لي كايخودها معه ولكن هد المرا مشى وخالها وحدها كع الكلام لي قالو ليها هادي شهر قبل ماتنقطع الاخبار عليه دخل من ودن وخرج من ودن قالت اكيد كايعقبني على زلت لساني وعلى كلامي قالت اكيد مزال خاطرو ماصفاش من جيهتي وما سمحنيش بنت صغيرة ما كتفكرش بالمنطق
مرهقتها جات و تحركات على نوح حتى مشى وغبر عد حسات بقيمتو عد حسات بحب نوح لقات راسها غاارقة فيه من راسها حتى لرجليها ماكتقدرش تقارن بينو وبين شي حد كاين غا نوح قالبها تحرق عليه كاتحس بالغمة والاكتئاب ماعرفاش راسها فين هيا ولات باغة غا نوح إمتا يجي عندها كيف قال ليها بكثرة ما ستنات هد شهر يدوز هملات راسها ولات غا كتحسب سواايع ودقايق والايام ولات غير كاتفكر فيه فين هو واش واكل واش شاارب عندو تكون واقعة ليه شيحاجة عاندو يكون سمح فيا بمرة ولات حالتها حاله و مسكينة ماعرفاش بلي حتى هو كاايدوق من نفس الكااس وكثرة التفكير والافكار الخبيثة غاا يقتلوه....

امينة : قربات عندها وهيا قالبها غاايخرج من بلاصتو عليها هيا ميمتو ومادرتش هد الحالة على نوح... بنتي
الماس : شافت فيها بلهفة وبصوت عيان ... واش جا اخالتي وانا ماا شفتوشي