جنون نوح💓مكتملة💓

💓الجزء 107💓

جزء 107:

الماس: غمضات عااينيها غايدوبها ب الحشمة وبكلامو
نوح: شافها كيفاش ضااربة الطم وهوا يهز يديه وشحطها لترمتها حتى قفزات
الماس: ااااي هئ
نوح: ملي نكون كاندوي معااك شوفي فيا
الماس: هزات عااينيها فيه وبزربة هبطتهم وهيا كاتحك على طرمتها
نوح: طلع حااجبو... اش قلت
الماس: هزات عااينيها بزز منها وشاافت ليه فعااينيه وهيا مرة مرة ضور عااينيها على وجهو كلو بتوتر
نوح: شد ليها يديها وحطهم على صدرو وزاد قربها عااندو وحط يديه بزوج على ترمتها كايحك عليها بيديه بشوية وهوا كايشوفها كيفاش متوترة بين يديه وقال ليها...كاين المراة اللي تعليك وفي وقت ضعفك تقويك وفي همك تنسيك واذا كترو جروحك داويك واش فراسك هادي
الماس: شاافت فيه... ك كاتقولها لي عزيزا
نوح: زير ليها على ترمتها بيديه حتى زادت تخشاات فيه وتحط صدرها على صدرو كايبان ليها من البينوار قريب يخرج... وماقالتش ليك بلي كاينة حتى المراة اللي تعييك وفي وقت ضعفك تضحك عليك.وفي همك تزيد عليك اممم
الماس: شاافت ليه فعااينيه نيشان ماعرفاتش علاش كايقول ليها هكا ولكن حتى هيا عندها باش تجااوبو وقالت بصوت خافت وحنين ... عزيزة قالت لي كاين ف النساء بزااف كاينة لي تصنع الراجل وكاينة لي تضيع الراجل وكاينة لي هيا بألف راجل
نوح: حيد واحد اليد من ترمتها وحطها على خدها كايدوزها بشوية... وملي عاارفة هااد المعاني كلهم ومقرياك جداتك حرب نساء علاش لي جاا تحني ليه رااس علاش لي أدااك وماعملكش مزين كاتعااودي تحني ليه رااس كااتولي بحال هااديك الغزالة لي خاايفة من الديب لا ياكولها علاش اليوم منين شتيه تخابيتي فياا وطااحو دمووعك واش الا ماكنتش انا معااك كان يقدر يعااود يقرب ليك ويعااود ليك نفس البلان ونتي اش غاا ديري غير غاا تبكي بحال هااديك الغزالة او النعجة لي كايشدها الديب من عنقها باش يخنقها وهيا مستسلمة ليه
الماس: هزاات عااينيها فيه عرفاتو كايهضر على عدنان... هنن و ولكن تينا معاايا
نوح: كايمسح ليها على خدها بيدو... يقدر غدا مانكونش معااك ا الماس
الماس: خرجات عااينيها فيه... هئ ف فااااين مااشي عاااود
نوح: مااقصدتش غادي نمشي حنى ف الدنيا ا الماس الموت كاينة وكاتغفل يقدر غدا نموت ولا بعد غدا ولا من بعد اسبوع شهر عاام المهيم حتى واحد ماضامن اش يمكن يطرا غداا...
الماس: تخشاات ليه فصردو وشدات ليه فتيشورط من اللور ودموعها طااحو... هئ ك كاتقولي هيدا هئ ب بسباب الحريق لي فراسك هئ ياك
نوح: عض شفاايفو وبادلها العنااق... سمعني مزين ا الماس انا دويت معااك هكا حيت بغيت شاخصيتك تقوى والى حتى غبرت عليك ولا جاات الموت وخداتني نعرف راسي خاليت من ورايا مراة بالف راجل اما الحريق لي فراسي مااعندو حتى شي علاقة بكلامي انا كاندوي معااك بصفة عاامة على غدا اش يمكن يكوون رااه انا بنادم ماشي حديد الى ماقتلنيش الحريق لي فراس يقدر يوقف ليا قلبي ولا ندير كسيدة ولا(قبل مايكمل كلامو حتى مااحس غير بشفايفو بين شفيفتها صغاار وشدة ليه فوجهو بيديتها ودموعها على خدها كاتبوس وشهقتها كاتطلع واخا ماكتعرفش تبوس الى حاطة شفايفها على شفايفو مسكتاه بااش مايهضرش ومايزيدش يحرق ليها قالبها حيت هيا بلى بيه ماتسوااا والو
نوح: ماايقولش تفاجاء ملي بااستو لحقااش من نهاار لي باستو بسباب الغيرة ف تيطوان دابا ماتصدمش دابا هاادشي لي دارت عجبوو وخصوصا هيا مااكتقرب ليه الى حتى تكون واصلة ليها العظم معااه يا الغيرة ولا خوف من فقدانو وخصوصا هيا كاتشوف شحال من واحد ضاير بيه بااغينو غاايطيح وحتى هوا ماقال ليها هااد الكلام الى وبااغي يفتح ليها عااينيها بلي راها ف الدنيا ومااشي فشي قصاار يقدر غدا ولا باعدو توقع شيحاجة ومايبقاش معها واخا هوا متأكد مايسمحش فيها واخا يعرف يمووت ومن غير المووت مايفرقو عليها حد ولكن هااد الكلام لي قالو ليها ضاروري منو باش تحل عااينيها وتقاوي شخصيتها حيت ضعيفة ضعيفة ضعيفة ل أقسى درجة
الماس: بقات كاتهبط يديها على خدو بشوية وهيا كاتهشق ليه في فمو ب البكى حيدات شفيفتها من شفايفو ولقاتو كايشوف فيها بدون اي تعابير على وجهو شاافت فيه بعيون بااكين وقالت وهيا كاتشهق... هئ هئ و واخا تموووت غاا نبقاا هايدا هئ انا ماشي ضعيفة هئ اناا راني نية و وكنتصرف على طابيعتي م ما هئ مايمكنشي ناعمل شي قينااع لي لي ماشي ديالي هئ انا هيدا ان انووح هئ ما تربيتش على الحقد والكره و والحسد انا كانمشي ب نيتي وماكنعرفش الغدر والخيانة والكذوب هااء انا رباتني عزيزة على هئ
نوح: مسح ليها دموعها وماخلاهاش تكمل ... نتي قلب الحليب وماقولت ليك قلب الحليب الى عاارف مووك اش كاتسوااي ولكن انا مااقصدتش ليك لبسي قناع القوة انا قصدت ليك من بعد هااد الضربات كلهم لي جاوك من اقرب الناس كانو خاص يقاويو شخصيتك ياعني انا كانطلب منك غير فبعض الاوقات تخرجي عااينك بحال المشة ملي يأديك شيحد ولا يبغي يعاملك معاملة ماشي هيا هاديك
الماس: شافت ليه فعااينيه...ب هئ بغيت ن نكون بحالك هئ