جنون نوح💓مكتملة💓

💓الجزء 102💓

جزء 102:

الماس: كاتشوف غا البوليس كايضورو فهاد الجيهة بقات غا كاتشوف...
الحاجة : عقدات حجبنها... شني نرجعو بحالنا
الماس: غير سمعتها اش قالت نزلات من اللوطو غير نزلات شدات ليها الحاجة فيديها وزادت داخلة بيها للكميسارية لي الماس غير كاتشوف بعوينتها ومع بااقي صباح بكري الدنيا خااوية ومع الحاجة لي جات ب منديلها كيف جاات البارح بحوايج الدار ما بغاتش تحس امينة بشيحاجة ويخلعوها حتى هيا وخصوصا نوح بسبابهم هوا هنا ...
غير دخلو للكميسارية الماس تخشات فجداتها وشدات ليها فدرعها مزيرة عليها وغير ساكتة وكاتشوف بعوينتها وحتى الحاجة شدة عليها مزين و زادت ديريكت للبيرو ديال الكميسير لقات واحد البوليسي واقف حدا الباب...
الحاجة : شاافت ف البوليسي... ابني انا جيت عند الكميسير
البوليسي : شاف فيها زيدي الحاجة راه كايستنواك غير نتيا
دق ف الباب وغير سمع دخل فتح الباب دالبيرو للحاجة
الحاجة : جرات الماس من يديها ودخلات للبيرو
غير دخلات الحاجة شاافت ف محمد وعمران لي جالسين وحتى عدنان لي غير شااف الماس قفز وبقاا كاايشوف فيها ويطلعها ويهبطها بعاينيه ومرة يركز النظر ف وجهها مرة ف كريشتها لي منفوخة وكانت معاهم حتى واحد المراءة لي جاية من الجمعية ديال حقوق القاصرات اما الكميسير غير شاافهها نااض واقف.... تفضلي ابنتي
الماس: ماعرفة راسها فين طلعات عااينيها بشوية وشاافت ف عمران لي كايشوف فيها وغير شاافت فيه طمنها بعااينيه
وبزربة حناات عااينيها ما شافتش عدنان لي قريب ياكولها بعااينيه زيرات على جداتها لي توجهات بيها لواحد الكرسي لي خااوي حدا عمران جلستها تما وجلسات حتااا هيا حداها من بعد ماا ناض محمد واقف مخالي الحاجة تجلس
الماس: شدات على يد الحاجة مخلوعة حيت البوليس ما خافينش عليها قربات لودن جداتها وقالت بصوت خاافت... ف فااينوا نوح
الكميسير : سمعها اش قالت وشاف فيها... بنتي شوية ويجي راجلك
الماس: طلعاات عااينيها وشافت ف الكميسير وبزربة حناتهم اما عدنان كايتمنا تشوف فيه وماطلعاتش عااينيها فيه.....
محمد: شاف ف الكميسير... لي كايشوف ف الماس اما محمد من نهاار لي جابها نوح عااندو يردها على سميتو وهوا مزعوط فيها😅... احم سي الكميسير ها مرات سي نوح البنداري جات شنو دابا غاادي تبداو بأسئلتكم...
الكميسير : شااف فيه ورجع شااف ف واحد.من دوك البوليس لي كاينين تما... جيبو نوح البنداري
الماس: طلعاات عااينيها ف الكميسير... ر راجلي فااينوا
الكميسير : شااف فيها وشاف ف الحاجة ... واش ما عودتي لبنتك والو
الحاجة: هزات راسها ب لا...
الكميسير : شاف ف الماس... بنتي غير يجي راجلك وتفهمي كولشي
المااس: شاافت فيه ورمشات بعااينيها ف عمران لي جالس حداها وكايهدنها غاا بعااينيه وهوا فنفسو كاايطلب الله فنفسو ماايقلبش عليهم نووح هااد البيرو هااد صبااح...
الماس: حنات عااينيها وهيا شدة على يد جدتها بجهد وكتترعد غير وحدها ب الخلعة...
دازت شي 5دقايق حتى شاافو الباب ديال البيرو تحل لي الماس شاافت فيه ديريكت غير تحل وهيا تشوف نوح لي واقف ف الباب ويديه فيهم المينوط اما حالتو مزالة هيا هيا واخا جابو ليه الحوايج ما لبسهمش و للحيتو كبرات شوية وعااينيه حمرين وعلامة التعب باينين على وجهو
نوح: ماشافش جهت الماس شااف ف عدنان لي هوا عااينيه مركزين ف الماس وماكيشوفش فنوح ...
الماس: غير شاافت حالتو طااحت الدمعة لي ملي دخلات وهيا حابسها وغير شافت حالتو طااحت وبلى ماتحس نااضت وااقفة ومشاات جهتو كااتجري وخلات كولشي كايشوف فيها تلاحت على نوح معنقااه ومضورة يديها من وراا عنقو وخشاات نيفها ف عنقو كاتبكي ... هئ هئ ن نووح
نوح : يحساب ليه كاايحلم عقد حجبانو وهوا كايحس بيها مخشية فيه ومعانقه هبط راسو وخشى نيفو فزيفها كاايشم ريحتها بحالة بااغي يتأكد واش بصح هيا حيت هااد الليلة مابغاش يجيه النعس بكثرة ما تخيلها قدام عااينيه ولكن غير سمع البكاء ديالها وانينها ودموعها لي كايحس بيهم فزكو ليه عنقو هنا عرف راسو ما كيحلمش خرج راسو من عنقها مخنزر وكاايسوط من نيفو بحال الثور وشااف جهت عمران ومحمد وحتى ف الحاجة مخنزر وضوار رااسو بواحد الطريقة كاتخلع وخرج عااينيه ف عمران وعض على سنانو مغدد وقال بفحيح... شكيت على دين مكم انااا اولاد القحااا*