جنون نوح💓مكتملة💓

💓الجزء 8💓

جزء8:

الماس: بقات تشوف فيه وهيا ساكتة غير كا تشوف شوية وهيا تنتبه لراسها فين كاينة وبقات كا تشوف بعينيها فالكوخ بإعجاب وهيا كا تشوف ما كاتجي عاينيها غير فتوسكا لي نااعس حدا شوميني وكايشوف فيها ما حست براسها غير ملسوقة فرجل نوح وكتنخشش فيه بحال المشة نوح شافها كيف دارت عرفها خافت من توسكا
• نوح... ما تخافيش ما كيعضش
• مابااغتش تبعد من رجليه وهو يتحنى عندها وهوبااا هزها بين يديه ومشى بيها جيهت الحمام غير حست بيه هزها وهيا تكمش عليه بيديها ورجليها لي يشوفها قول كا تعرفو من شحال هدا يمكن قلبها رتح ليه وامنت ليه حياتها من اول لقاء و خصوصا مزالة بنت صغيرة ما كاتعرفش شر وكاتيق فكولشي و كدا لك نوح
• خدها نوح للحمام وجلسها على لصاش... وطلق روبيني ديال الماء و عاود هزها وشد يديها بين يديه وغسلهم ليها كانو الماء سخونين وهز الماء وغسل ليها حتى وجها بيديه وهو كايغسل ليها وجهها وهيا كاتلحس بلسنها صغير داك الماء ملي كايطلعو بيديه حتى قص لسانها يدو وهو يشوف فيها بإستغراب جاه هد تصروف لي دارت فشكل كون كانت شي بنت كبيرة كون قال كاديرها بلعاني ولكن هيا بنت 5سنين ولا 4سنين شاف فيها بعينيه في عاينيها زورق وعاقد 11في جبهتو وبصوت مبحوح وحرش قال....
• نوح... علاش كتخرجي لسانك
• الماس... خلعها بصوتو وبزز باش قدرت تخرج الحروف بين شفايفها صغار... كنسرب(كنشرب)
• نوح... طول فيها شوفة ... بغيتي تشربي قوليها نيشان
• الماس.... ببراءة وهيا كترمش فيه بعينيها... امممم وحا(وخا)
• نوح... بقى شحال كايشوف فيها وهيا بين يديه تقريبا كمل 5دقائق وهو كيشوف فيهاا اما هيا ما على بلهاش بيه عاينيه خرجو ف الحمام لي اول مرة كا تشوف بحالو نوح حس على راسو بلي سهى فيها وهو يقول.... بففف استغفر الله
• هز فوطة صغيرة ومسح ليها وجهها ويديها وخدها لطبلة وكلسها على الكورسي وشاف في توسكا لي غير شاف الماس وهو ينوض باغي يجي وهو يخرج فيه عاينيه نوح وهو يرجع يجلس
• توسكا... هااااااو اامم🙁
• قلب نوح دورة للكوزينة وجاب صينيا لي صوبها قبايلة لقى دجاج برد ومع دالك خاله هكداك ما كيحملش يعاود الحاجة زوج مرات
• حط صينية على طبلة ورجع جاب كأس الماء لالماس لي غير حطو هزاتو وشرباتو كلو
• نوح... قرب ليها طبسيل ديالها وقال... كولي
• الماس ... شافت فطبسيل وشافت فيه وقالت ببراءة ... واس هد دزاز بلدي (واش دجاج بلدي

• نوح... شاف فيها وقال بالإسبانية ...سي(نعم)
• الماس...بقات كتبرقق فيه عاينيها وقالت... سني(شني هيا شنو)
• نوح... ساط بسخط ومسح على لحيتو الخفيفة بيديه وقال... بففف هدا بلدي يالله كولي
• الماس... ما كنكلوس قبيح(ما كناكلوش خاايب)
نوح... شاف فيها بإنزعاج وعقد 11 في جبهتو وشاف فعينيها الكبار نيشان وقال...

• نوح: حليت ليك الباب وعطيتك الطعام
كليتي اللحم وضربتيني بالعظام
• الماس.... بقات غير كا تشوف فيه وترمش فيه بعاينيها الكبار ...😕😕😕
• نوح شاف فيها بسخط وناض لثلاجتو يقلب ما يعطي لهد الموصيبة لي طاحت عليه مشى لثلاجتو ولقى عاندو فيها واحد الكرطونة ديال البيتززا ... خدها للفران وسخنها ودار زوج طروفة وهو يزيد ثالث ما فيه ماينوض يتسخر على بعلوكة في اخير ايامو هز طبسيل وخده لطبلة وشاف فيها معنقش وقال...
• نوح... ادا ما كليتيش حتى هادي غانعيط لهداك(شير ليها لتوسكا بيديه ) يجي يتعشى بيك
• الماس ... غير سمعاتو اش قال ليها وهيا يتغرغرو دموع في عاينيها زورق وشافت فيه ببرائة وهزات طرف ديال البيتززا بيديها كايترعدو وعطت منو عضة صغيرة اما نوح عاينيه مركزين في عاينيها ومكلاش بقى كايشوف غير فيها حادو كايشرب القهوة ديالو الكحلة لي فيها الابزر وكايشوف فيها وهو يسولها