جنون نوح💓مكتملة💓

💓الجزء 173💓

جزء 173:

طوني: حط يديه على يدين نوح لي قااجو من جاكيطة ديالو وقال بشوية وهو كايحاول يتفك من بين يديه بدون اضارار... ماا مايحسابش ليا غايبغي يقرب ليك تااني
نوح: خسر فيه صيفتو ودفعو بجهد من حوايجو... الى كنتي راااجل وبااغي تبقااا معااشر رجال تبعني اولد القح*ة تبعني
.... غير قال كلامو زاد جهت طنوبيلتو مخالي طوني كاينفض حوايجو ويشوف لا يكون شيحد شاافو ههه وخصوصا لا يكونو الحلاقم مخشين فشي بلاصة وشاافوه حيت حتى هو ولاو كايتلهاو بيه مسكين ههه...
....
نوح : زاد مخنزر جهت اللوطو ديالو غير ركب خدم الكونطاك وخرج يديه من السرجم ديال اللوطو كايشير بيديه لطوني لي جااا جهت اللوطو ديال نووح وفتح الباب وركب حداه لي غير ركب نوح قلع طاااير خاراج من الڤيلة ومقلع مع طريق مااكيشوفش قدامو
طوني: بقااا سااكت وهو كايشوف فسااعتو ويحك فحنكو بواحد اليد ورااسو ضارو كاايقول فنفسو لفين غاادين على صبااح بقاا شحال هكاك صاابر كايقول نسولو ولا نبقاا سااكت بقاا شحال هكاك حتى سمع كلام نوح
نوح: كايشوف فطريق... حل داك المجر
طوني: مد يديه لداك المجر ديال اللوطو وفتحو لقاا فيه زووج مسدسات جبدهم طوني كاايشوف فيهم وقال... اخير ماكين
نوح: مد يديه وخدا ليه واحد من بين يديه طلق من ديلكسيون ديال اللوطو لي غادية وحدها محكم فيها غير برجليه وحتى اطوماتيك مادرهاش ليها... كايقلب فداك المسدس واش فيه رصاص ... لقااه عاامر برصاص وكاافي و واافي بنسبة ليه واخا تكون قرطسة واحدة كاافية ليه مع دااني....
طوني: شااف ف نوح... لفين غادين
نوح: خشاا المسدس من ورا ضهرو وعوط جلستو ورجع كايصوك وقال نيشان وهو عااينيه مضلمين... ناااوي نقتل
طوني: رمش عااينيه ف نوح بصدمة... ك كيفاش
نوح: زاد فسرعة ديال اللوطو... كي سمعتي

طوني: بقاا سااكت وهو كايضور كلام نووح فراسو... يمكن كاايضاربو ويتقاتلو ب العصى وشحال من مرة شدو سلاح بين يديهم ولكن عمرهم ستعملووه للموت على انهم يقتلو شيحد فاايت ليهم عااوقو شحال من واحد من رجليه ولا يديه ولكن ضربة ديال الموت عمرهم داروها ... بقاا كايبلع فريقو وهو كايحك يديه مع داك المسدس وعااقلو كايدي ويجيب ... عارف نوح اش كايسوا عارفو ماشي حيط قصير لي جاا ينقزو عاارفو يقطع رجلين وريوس غير بلساانو ولكن حتى داني لا يستااهن بيه حتى هو ذيب فصفة إنسان رااجل حمق وماكيفكرش بالمنطق ولي جاات لراسو يديرها وربي كبير....
طوني : عضعض شفايفو مغدد وهو كايشوف فنوح لي كايخرج شرار من عاينيه غير هو ودخل فيه دخلة مجهدة غير هو ودار ليه دخلة ديال سبع وعطااه علاش يقلب اما علم الله اش غايوقع بين الديب وسبع منين يتلاقو...

نوح : خرج من بابرد وشد طريق ديال شيفشاون لي مرة مرة يشوف فتليفونو لي دايرو قدام عاينيه وشااعلو كايشوف ف داك الفيديو لي سجلو البارح من البيسي ديالو... بقاا صاايك مساافة ديال طريق تقريبا شي سااعة ديال الماكنة وهو صاايك والصمت بينو وبين طوني لي غاايب عن الواقع...
مساافة ديال طريق حتى كاان خاارج مدينة شيفشاون وبضبط ف ودلاو صااك مسافة ديال طريق وبضبط ف دخلة ديال وادلاو لي خلاها وشد طريق ثااني طالع فواحد الخلى صاايك غير جبل ديال الحجر حتى شجار والغارص قليل بقاا صايك مساافة حتى كان حدا واحد المنزل ريفي مصنوع من الخشب وكبير داير بحالة شي ديبووو ديال الخشب او نقولو شي منزل كبير وغاادي فطول المهم داير فشكل .. بعيد على البحر مساافة كبيرة ولكن واخا هكاك توقف حدااه يبان ليك البحر التحت وداك الكوخ الفوووق
نوح: وقف بعيد على داك المنزل شوية لي غير شااف داك الكوخ شااف جهت تليفونو لي كاتبان ليه الاشارة الحمراء فداك الفيديو يااعني البارح منين تااصل بيه عدنان كاان كايدوي معااه من هااد البلاصة عضعض شفايفو وهو كايدعي فنفسو ويقول يااربي حتى داك الكلب ديال دااني يكون معااه اليوم نضحي ب اصل مهم فهااد البلاصة...
طوني: شااف فنوح... واش هناا فين كاين داني
نوح: شااف ف طوني وقال وهو مغزز على سنانو... واخا مايكونش غاانلقاه اليوم
طوني: هز راسو بواخا...
نوح: شااف فطوني... بقااا هناا
غير قال كلامو نزل من اللوطو لي طوني بسرعة نزل تبعوو
طوني: لحق على نوح وشدو من دراعو وشااف فيه... غاادي معااك
نوح: نثر دراعو من قبضة طوني وهو مخنزر... را طريق
طوني: بقاا غايكشوف فهاد الخليقة ديال سيدي ربي لي زاد جهت هاديك الدار لي ما تعرفها كوخ ولا دار ولا ديبو دايرة فشكل(غانقولو ليه الكوخ 🙂)...
نوح: غير قرب جهت الكوخ وهو يشوفو مسدود ماكين لا كارد لا والو حدا الكوخ حتى اللوطو ماكيناش عضعض شفايفو وزير على قبضة يديه زاااد غاادي جهت داك الكوخ لي غير وصل ليه شاف فداك الكوخ و وقف وحتى طوني وقف حداه
طوني: كايضور عااينيه... بااينة ماكين حد هناا
نوح: بلا كلمة بلا زووج هز رجليه حتى الفوق ودخلها فداك الباب ديال الكووخ على جهدو لي جااب ليه الباب مليوح ف الارض ورجع شااف فطوني... ونعت ليه غير بريط للكاميرة لي فراس ديال الكوخ وموجه ليهم نيشان
طوني: شاف غير بنص عينيه جهت هاديك الكاميرة وبقاا سااكت وهو مزير على المسدس ديالو بين يديه
نوح: جبد المسدس ديالو لي كان عاندو مخشي مع سروال من الور وحطو بين يديه وزااد داخل للكوخ وهو عاينيه كايضورو ف الكوخ... الكوخ من الداخل دااير بحال شي بيت كبير خااوي فيه طاابلة كبيرة ف الوسط وكراسيها وزوج فطويات طوال وشوميني ف الطرف لي الدخن طالع منها دالليل على ان الكوخ مااخاويش وكاين الدوش لي بابو مفتوح... بقاا نوح وطوني كايضورو عاينيهم فداك الكوخ ويشوفو مزين ماكايبان ليهم حتى شي باب ثااني من غير ديال الدوش لي محلول فوجههم وخااوي...
نوح: متأكد بلي دااني كاين هنا واخا كايبان ليه الكوخ صغير وماكين حتى شي باب ثااني الى ماعرفش شيحاجة لداخل ديالو كاتقول ليه غير بقااا وزيد شووف زيد قلب هو غير حدااك ... بقاا شحال واقف ف بلاصة واحدة واقف وكايشوف ف بلاصة واحدة اما طوني غيرو هاداك توجه جهت واحد من الفوطويات وجلس وهو كايشوف ف الكوخ ويضور فعاينيه وبكثرة الملل جبد تليفونو كايلعب فيه ويضرب رجليه بملل مع الارض كايطقطق برجليه ...
نوح: شااف جهت طوني وهو عااقد حجباانو بقا شحال كايشوف فيه حتى هز يديه وحك جنب دقنو ... تحرك
طوني: شااف ف نوح ونااض ..راه قولت ليك ماكينش هنا دااني مستحيل يبقاا بلى رجالو فشي بلاصة واخا يموت
نوح: غير نااض طوني من داك الفوطوي توج هو جهتو وحط رجليه فوق واحد زربية بيضاء ودفعها برجليه غير بشوية لي غير دفعها وهو يشوف الشي لي خلى طوني يخرج عاينيه كانت بحال شي باب صغيرة مصنوعة من الخشب تحت هاديك الزربية البيضاء
نوح: عض شفايفو... وبلا كلمة بلا زوج تحنى على داك الباب كايفتحو مادايرش فبالو على انه يمكن يكون فخ منصوب ليه او شيحاجة بحال هكاا حيت عارف راسو ياا كان فخ يا لا بااغي يلقااه ويشوفو وربي كبير...
بسهولة تفتح ليه داك الباب لي يالله غااا يكمل عليه ب الفتيح حتى سمع صوت طوني و واش قال
طوني:بتوتر... هاادا فخ انووح
نوح: شااف فطوني... عاارف