جنون نوح💓مكتملة💓

💓الجزء 149💓

جزء 148:

الماس: صاافي جهدها سالى وتحملت فوق طقتها ماحساتش براسها حتى كانت فاقدة الوعي بين يديه... ن ن نووح
نوح: قلب نووح هشش... بقا حاضنها فصدرو وهو كايحس بيها تهدنات معنقها بجهد وهو وجهو حمررر وعروق راسو برزو وخصوصا داك العرق لي كاينتفخ ليه ملي كاينوض راسو يضرو دابا داير بحال شي قنبولة ماوقوتة .. بقا حضنها حتى حس بيها مرخية بين يديه هاابط عااينيه ليها وخرج ليها راسها من صدرو وشااف فيها لقها فاقدة الوعي ديالها بين يديه صاافي زاادت كملات عليه.. مافكرش زووج مرة حط يديه على داك شعر لي فعنقها وحيدو ليها و حطو ف الارض وهزها بين يديه ونااض طااير غاادي بيها جهت اللوطو لي حتى امينة تبعاتو اما الحاجة مسكينة فهاديك عااينيها غا فشعر شاامة اكيد مايخفااش عليها شعر بنتها هادا شعر حبيبتها هادا شعر شاامة لي كبراتو ليها بيديها وعتانت بيه بسرعة توجهت ليه هزاه بين يديها كاتشم فيه وتبكي واسية كاتصبرها

الحاجة: كاتشم فشعر شامة بحرقة.... هئ وااابنتي هئ والحبيبة دياالي وتشويت فيك هئ يااابنتي ياالحبيبة هئ هئ
اسية: الله يهديك الحااجة دعي معها برحمة وماتبكيش
الحاجة: الله يرحمها مسكينة الله يرحمها والله يرحم الحشيشة دقلبي على داك المصيبة لي مااباغي يتفك منها هئ هئ
... اسية شدات الحاجة ودخلتها الداخل وحتى اميمة دخلات بحالها اما غفران هاديك شحال منين دخلات خوها ودخلات مابغاتوش يشوف توسكا كايعض فداك رااجل..
غير قالع نوح جبد عمران تليفونو كايتصل ب البوليس يجيو عندهم...اما بلال وامين تعاونو على توسكا وبااعدوه من داك رااجل لي عنقو مهنشر عند توسكا و كلو دمياات...
وتوسكا ضربة لي جاات فيه باينة فيها قااصحة ولكن مع مورونات جسمو مأترتش عليه بزاف وخصوصا جابها ليه ف ف خد رجليه الشي لي خلاه يخسر الدم بزاااف ولكن مانضنش تقتلو... غير بااعدوه دراري على داك الكارد جاب امين الكمامة ديال توسكا وداروها ليه لا يعضهم وتعاونو عليه وداروه ف اللوطو دياا بلال لي هو وامين لي غاياخدوه لسبيطاار غير ركبووه قالعو طاايرين بتوسكا ل طبيب بيطاري...
اما عمران بقاا تما كايستنا البوليس وكايفكر شنو يقول ليهم وفنفس الوقت واقف مع داك العساس لي ضربوه لراسو كااع ماتوفى غير منين كان داخل داني ضربوه رجالو لراسو بضهر ديال المسدس حتى فقد واعيو عااد دخلو...
....
نوح: قلع طااير ماكيشوفش قدامو عااينيه غا ف الماس لي اللور وفاقدة الوعي ديالها ف حضن امينة لي حتى هيا مسكينة كاتبكي وما متيقاش هادشي لي وقع كيفاش كانو صح سلام ضاحكين ناشطين حتى تقلب كولشي ف سااعة زاااد نوح منير ل سبيطار لي غير مساافة ديال طريق حتى كان قدام كلينك ديال الفلوس لي غير هما لي كاينين فباب برد غير وقف قدام اللوطو نزل بسرعة وضار جهتها وهزها بين يديه وزاد دااخل بيها للكلينك وهو كايطير ماكيشوفش قدامو غير دخلها زاد دااخل بيها على طبيب نيشان بلى مايشوف ف الاستقبال لي خلاها كااتعيط ليه يرجع وتقول ليه ماشي معقول تدخل هكا...
دخلها ديريكت على طبيب لي غير شااف نووح نااض واقف
طبيب: سي البنداري
نوح: شااف فطبيب مخنزر... مراااتي
طبيب: شير ليه يحطها على االبيااص.. حطها تما
نوح: نعسها نطعلى اللبيااص وشااف ف طبيب... كاينة طبيبة
طبيب: راجل كبير شوية يجي قد دااني... نتا عارف اسي نوح المنطقة ديالنا ماكيناش دكتورة نسائية ضاروري تساافر لأماكن اخر بحال تيطوان طنجة وشاون
نوح: مسح على للحيتو اكيد ماغيفقدش مراتو من ورا الغيرة ديالو وتوقع ليها شيحاجة بسبابو..دير اش غادير
طبيب: قرب جهت الماس ونوح واقف ليه فوق راسو وحااضيه بعاينيه وهو قالبو غاايسكت..اما امينة هاديك بقات برا البيرو كاتستناهم...
دكتور: حط يديه على نبض ديال الماس لقااه هو هادك بقاا كايدير ليها عدة فحوصات ف عاينيها وعلى راسها وعلى نبض ديالها و اخا مرة مرة كايسوط معصب حيت نوح قهرو كل مرة كايقول ليه اش غاادير فين غاتقيصها لا ماتقيصش تما الحاصول قنطها بيه...
دكتور : دار ليها فحوصات عاادية وعلق ليها سيرووم ديال الفيتامين وصافي مايقدش يعطيها شيحاجة اخرا حيت حاملة...
الدكتور: مشا جلس ف البيرو ديالو وشااف فنوح لي واقف فوق راس الماس ... ماعندهاش شيحاجة غير طونسيو طلع ليها شوية وهادشي عاادي بنسبة للمراءة الحامل خصها تنقص ف الملحة على قبل صحتها
نوح: مخنزر وغير كايسوط غا وحدو...وسيروم لاش
الدكتور: فيه غا البروتين ماشي شيحاجة
نوح: إمتا تفيق
دكتور: ماعرفتش ولكن ملي يسالي سيروم تقدر تاخودها بحالها ومن الاحسان ماتخاليوهاش تتعرض لشيحاجة لي تعصبها حيت طنسيون الى زاد على حدو يقد يقتلها
نوح: مسح على للحيتو وهو كايشوف فيها مغدد الغديد ديال الجنون نااري ويلقى دااني قدامو دابا والله حتى يقتلوو ويشرب من دمووو ومايبردش...