جنون نوح💓مكتملة💓

💓الجزء 115💓

جزء 115:

الماس: بقات كاتهز حتى هيا وتااخود لطابلة هيا وغفران حتى عامرو الطابلة بكل ماتشتهي النفوس كانت اسية مطيبة شلاضة ديال الروز و الطبق الرائيسي كان دجاج ديال العراضة ديال البارح بااقي منو شي زوج دجاجات حيت امينة يحساب ليها غاايجيو بزاف ديال الناس عند نوح لا على داكشي دارت داكشي كثير وشااط عليهم سخنوه هو وتدغميرة ديالو ودارو شلايض حطو كولشي على الطبلة
لي الحلاقم لي كانو جالسين ف الجردة مجمعين على واحد الكاس ديال اتااي البرد بحالة بداا يتحرك شوية ولكن واخا هكاك الجو زوين غير حطو الطابلة عيطات امينة لدراري يدخلو والماس يالله كانت كاتفرك يديها باغة تطلع الفوق تنادي النووح حتى شاافتو هاابط فدروج مبدل حوايجو ولابس حوايج الدار كيطمة كحلة بسروالها اسواد وسبرديلة كحلة وخاشي القب ديال الكيطمة فراسو هابط فدروج وهو كاايشوف فيها وكايرجع رااسو اللور كايشوفها كيفاش كاتشوف فيه غير هبط وقف حدااها وقرب لودنيها وقال بفحيح... ماال غزاالي
الماس: طلعات فيه عوينتها وقالت بصوت رقيق... و والو
نوح: شدها من يديها وجرها من وراه غاادي بيها جهت طابلة جلسها حداه فطابلة كيف ديما وجلس حتى هو غير جلس حيد القب من راسو وهو متبعها بعااينيه كيفاش كااتشوف فيديه لي شاادة يديها وكيفاش كايدوز إبهامو بشوية على ضهر يديها
امينة : شاافت فيهم... بسم الله
نوح طلق من يد الماس ومد يديه للخبز حط ليها قدمها وحط لراسو حتى هو وبدا كايكول ويغمس فغدااه
وحتى الماس لي البارح كان ريقها نشف على الدجاج لي حرماتو عليها بتصروفتها وبقات بلى عشاء حتى هيا باشرت ف الاكل وكااع لي تماا بدااو ف المكلى نوح ماكيهضرش عكس عمران وبلال وامين لي ضاروري يجلسو مع بعضياتهم كاايتحتتو كيف ديما بكلامهم السااقط لي خاارج عن النطاق وخصوصا امين كايهضرو وبالهم مع نوح لا يسمعهم هداك لي عاقد حجبانو وكايكل ما مسوق لحد من غير ل الماس لي مرة مرة يشوف فيها واش كاتاكل ويشوف حتى فميمتو حاضي ماكلتها
امين: كايشوف ف نوح بنص عين وكايهضر فودن عمران وفنفس الوقت كايعمر فمو بروز بزز كايهضر... خ خوك كيف دار حتى ربى هاد الكسدة بغيت بحالها
عمران: شاف فنوح وشاف ف امين وخسر فيه صيفتو... اعاار ربي اش جااب خريوة لبريوة رااه واخا تبات تطلب ليل نهاار لاربيتي هاديك الفورمة
امين : مزال كايشوف ف نوح بنص عين... اووو اصااحبي فرومتو هيا هااديك ماامبالغ فيها ما منقص منها انا راجل وكنشتهى نبقاا غاا نشوف فيه
بلال: سمعو اش قال... رااه قولت ليك نتا زاام*
امين: سير تقااو*
بلال: رااه عينك خاايبة نتا تقدر ضربو بالعين عاامر غاا حسد
امين: كوز ليه من تحت طابلة... خشيه فكرك الحسد هو لي فيك نتا
بلال: شتي داك السم لي فالدريات بلا بزازل را ماساوي تاقلو* قدام دراري لي بلا لحية
عمران: شااف ف امين... وخصوصا هاد راس الخاصية حتى شعر ماعندوش
امين: مصر فيه صيفتو... ونتا راسك مربع بحال باكية ت اتاي و كيقولك كاين العسل الحر وكاين عمران منين جاك العسل
عمران: المهم بلى ماتحلم ب العضلات اتبي وسير تكمش
امين : قولتها ونعودها ليكم انا راه من داك النوع لي مكايبانوش عاندو العضلات ملي كانكون لابس الحوايج ولكن ملي كنحيدهم مكايبانوش العضلات ف القلب
عمران: شاف فنوح لا يسمعو وقرب عند امين...شوف ا امين باش نكونو واقعين نتاا رااك حاازق لاسق يلا كنتي غاادي تتزوج غير باش تخلي مراتك مسكينة تتكرفص وتسعى فامن الاحسان ليك بلاش سير عيش غير في شي كهف ومارس العادة السرية احسن ليك اتبي
بلال: رجع راسو اللور كايضحك غا بالحس وخايف لايشوفو نوح ...😂😂😂
امين: هادي عندك الحاق كااع لي ف الكلية كايحساب ليهم خوكم بوكو حبة اصعب حاجة فهاد الحياة هي تكون مزلوط وبنادم كيشوفك بورجوازي متعرفش واش تبين ليه الحقيقة ولا تحافظ على البريستج ديالك
بلال: اربي ملي تصاحبتي شحال كان فعمرك
امين: شاف فنوح لي كاايزيد الخبز ل الماس ورجع شاف ف بلال... تصاحبت ملي كنت ف الاعدادي كنت كلنقرا ف التاسعة اول مرة تصاحبت ملي تلاقيت بيها جبت ليها كيلو ديال اللحم كاضو 😎