Unicode 🌴
ရှောင်းကျန့် အခန်းPassword ကို ရိုက်နှိပ်ပြီးနောက်
အခန်းထဲကိုဝင်လာလိုက်တယ်..။ ရောက်ရောက်ချင်း
မှောင်နေတဲ့အခန်းကြောင့် မီးခလုတ်ကိုဖွင့်လိုက်တယ်။
ပြီးနောက် ရှုပ်ပွနေတဲ့အခန်းကို မျက်မှောင်ကြုတ်ပြီး
ကြည့်လိုက်သည်။
ဘီယာဗူးခွံတွေကိုကျော်ခွပြီး ကြမ်းပြင်ပေါ်မှာ မူးရူးကွဲပြဲနေတဲ့ ရိပေါ်ဆီကို တစ်လှမ်းချင်းလျှောက်လာပြီး
ရိပေါ်ပိုက်ထားတဲ့ အရက်ပုလင်းကိုဆတ်ခနဲဆွဲယူတော့
ရိပေါ်ဆီကအကြည့်တစ်ချက်က သူ့ဆီဒိုင်းခနဲ
"ဘာလုပ်တာလဲ"
"မင်း ဘာလို့ဒီလောက်ထိ သောက်နေရတာလဲ"
"အခု ခင်ဗျားဘာလုပ်နေတယ်လို့ထင်နေတာလဲ"
ကြမ်းပြင်ပေါ်မှာ ခြေပစ်လက်ပစ်ထိုင်နေသူရှေ့မှာ
သူလည်းထိုင်ချလိုက်တယ်။ ပြီးနောက် ဖန်ခွက်၂ခုထဲကို
အရက်ထည့်ရင်း
"အတူတူသောက်ရအောင်လေ!!!
"အတူတူသောက်မယ် ဟုတ်လား!!
မီးရောင်အောက်မှာ အရက်သောက်ထားတဲ့အရှိန်ကြောင့်
မျက်နှာတစ်ခုလုံး ရဲတွတ်နေတဲ့ ရိပေါ်ကိုခေါင်းတစ်ချက်
ညိတ်ပြပြီး သူအရင်စသောက်လိုက်တယ်..။
ပုံမှန်ချိန်တွေဆို သောက်မြင်ကပ်စရာကောင်းပေမယ့်
အရက်မူးလာချိန်မှာတော့ ဝမ်ရိပေါ်ကချစ်စရာ
ကောင်းတယ်လို့လည်း ထင်မိတယ်..။
ရိပေါ် အရက်မူးတာကိုအခုမှ စမြင်ဖူးလို့လားမသိ။
သူဒီကိုရောက်လာရခြင်းအကြောင်းကလည်း ရိပေါ်
သူ့ကိုဖုန်းဆက်ခေါ်လို့သာ။
၃ခွက်လောက် သောက်ပြီးနောက် သူ ရိပေါ်ကိုတစ်ချက်
ကြည့်လိုက်တယ်။ ထိုကောင်လေးကမှောက်လုဆဲဆဲ
အခြေနေတောင်ရောက်နေပြီ..
အရက်ကအရမ်းပြင်းလို့လားမသိ သူ့လိုကျွမ်းကျင်အဆင့်နဲ့
သူတောင်၃ခွက်လောက် သောက်ရုံနဲ့ ခေါင်းမူးသလို
ဖြစ်နေတာ။
"ရိပေါ်!!
"အင်း!!
အခြေနေသာသိပ်မဟန်တာ သူခေါ်တော့ ခေါင်းလေး
ထောင်ပြီး ကြည့်လာရှာတယ်။ ရိပေါ်မျက်ဝန်းတွေကို
စိုက်ကြည့်ပြီးနောက် ၊ နောက်ထပ်၂ခွက်လောက်
သောက်ပြီးစကားစတယ်။
