Unicode 🌴
ဖုန်းကိုခပ်တွေတွေငေးရင်း Contact Nameကို
ကြည့်နေတာမို့ ဘေးမှာရှိတဲ့ ရိပေါ်က သတိပေးမှသာ
သတိပြန်ဝင်လာပြီး ဖုန်းကိုကောက်ကိုင်လိုက်တယ်။
"မား!!
"အားကျန့် မားလေ ဒီည မင်းနဲ့ရိပေါ်အတွက်
ပါတီလေးလုပ်ပေးချင်လို့"
မားရဲ့စကားအဆုံးမှာ မျက်မှောင်ကြုတ်ပစ်လိုက်တယ်။
တစ်နေ့ကမှ မား သူတို့ကိုစိတ်ဆိုးဆိုးနဲ့ ပြန်သွားခဲ့တာလေ
အတိအကျဆို ၂လကျော်ပြီ။ ဝမ်ကိုလည်းထပ်တွေ့ရသလို
မားဘက်ကလည်း ဆက်သွယ်ခြင်းမရှိ၍ ဒီတိုက်ခန်းမှ
ဟုတ်ချင်ဟုတ် ၊ မဟုတ်ရင် သူ့အိမ်မှာ နှစ်ယောက်တည်း
တစ်ကမ္ဘာပဲ ။အခုမှချိုချိုသာသာနဲ့ ပါတီလုပ်ပေးချင်လို့ဆိုတော့မား ဘာတွေကြံနေပြီလဲ။
မားအကြောင်းကို သူမသိရင်ခက်မယ်။ အခုလည်း
ပါတီဆိုတာထက် တစ်ခုခုကြံစည်နေတယ်ပြောရင်
ပိုမှန်တယ်။
"မား ကျွန်တော်တို့ကို စိတ်တိုနေတယ်မဟုတ်ဘူးလား
အခုမှရုတ်တရက်ကြီး ဖုန်းတွေဘာတွေဆက်လို့!!
"အားကျန့် မားကို မခနဲ့ပါနဲ့လား မားက အစတုန်းက
စိတ်ဆိုးမိပေမယ့်အခုသေချာတွေးကြည့်လိုက်တော့
မားမှာသားတစ်ယောက်ပဲရှိတာ သားကိုမခေါ်ရင် မားမှာ
ဘယ်သူမှရှိတော့မှာမဟုတ်ဘူးလေနော်!!
"အဲ့ဒီတော့ မားအခုရိပေါ်ကို လက်ခံသွားပြီလား!!
မားရဲ့အသံကတိတ်သွား၍ သူခနဲ့တဲ့တဲ့လေး ပြုံးလိုက်တယ်။
"မား သေချာစဉ်းစားပြီးတော့ ရိပေါ်ကလည်းမဆိုးပါဘူး
သားတို့နှစ်ယောက် ညကျအိမ်ကိုလာခဲ့လေ သားရဲ့ချစ်သူက
ဘယ်သူဆိုတာကို တစ်ခါတည်းကြေငြာပစ်လိုက်မယ်
ဒါမှ အကုန်သိအောင်"
"မား တကယ်ပြောနေတာလား"
"ဟုတ်တာပေါ့ မင်းကို မားမလိမ်ပါဘူး"
ရှောင်းကျန့် မားပြောတာကို သိပ်တော့မယုံကြည်ပေမယ့်
ငြင်းလိုက်ရင်လည်းကောင်းမှာမဟုတ်။
"အားကျန့် မားကိုမယုံဘူးလား"
"ကောင်းပြီလေ ကျွန်တော် တစ်ကြိမ်တော့
ယုံပေးလိုက်မယ်"
