Unicode 🌴
ခွဲခန်းထဲကနေ ထွက်လာကတည်းက ရှောင်းကျန့်မျက်နှာက
တစ်ခုခုကိုအလေးအနက် တွေးနေပုံနဲ့ လုံးဝမသာမယာ
ဖြစ်နေ၍ချန်မင် အနားကိုတိုးသွားလိုက်တယ်..။
ဆေးရုံကိုရောက်ရောက်ချင်း ရှောင်းကျန့်က ဘယ်သူ့ကိုမှ
စကားမပြောသလို ပြုံးပြတာမျိုးလည်း မလုပ်။
သူငယ်ချင်းအရင်းခေါက်ခေါက်ဖြစ်တဲ့သူ့ကိုတောင်
စကားမပြောတာမို့ ထူးတော့ထူးဆန်းနေပြီ။
"ရှောင်းကျန့်!!
ခေါ်လိုက်တော့ ဖျတ်ခနဲကြည့်လာတဲ့ မျက်ဝန်းတွေက
ထိတ်လန့်နေပုံ။ ပြီးမှ သက်ပြင်းချရင်း ဘာလဲဆိုတဲ့သဘောနဲ့
မေးဆတ်ပြသည်။
"မှိုင်ထွေနေတာပဲ ဘာဖြစ်နေတာလဲ!
ရှောင်းကျန့်က ထိုင်ခုံပေါ်ကိုထိုင်ချလိုက်ပြီးမှ
ထပ်မံသက်ပြင်းချသည်။ ပြီးမှ
"ဘာမှမဖြစ်ဘူး ငါ့မှာတွေးစရာနည်းနည်းရှိနေလို့!!
ဒါက ရှောင်းကျန့်မျက်နှာပေါ်မှာရှုပ်ထွေးမှုအရိပ်ယောင်ကို
ပထမဆုံးမြင်လိုက်ရတာမို့ သူလည်းစိုးရိမ်သွားတယ်။
ပြီးနောက် ရှောင်းကျန့်ဘေးမှာထိုင်ချရင်း
"အခုတလော မင််းရိပေါ်နဲ့ တတွဲတွဲလုပ်နေတယ်နော်
အန်တီရှောင်းကလည်း ငါ့ကိုခဏခဏပြောနေတာ"
"အင်း!!
"မင်းဝန်ခံလိုက်တာလား!!
"အင်း!!
"ငါ့အထင် မင်းတွေးနေတဲ့ကိစ္စက အဲ့ဒါလည်း
ပါတယ်မဟုတ်လား"
"ဟုတ်တယ်!!
"ဒါဆို ငါမေးတာပဲဖြေတော့ မင်း၂ယောက်လုံးနဲ့
တွဲနေတာလား"
ရိပေါ်နဲ့ဆက်ဆံရေးက ပွင့်ပွင့်လင်းလင်းမရှိကြသေးပေမယ့်
တွဲနေသလိုမျိုးဘဲမို့ ခေါင်းညိတ်အဖြေပေးတော့ ချန်မင်က
သက်ပြင်းချရင်း
"ရှောင်းကျန့် မင်းသူတို့၂ယောက်လုံးနဲ့ ဖြစ်လို့မရဘူးလေ
မင်းတစ်ယောက်ပဲရမယ် အဲ့ဒီလူကလည်း မင်းတကယ်ချစ်တဲ့
သူပဲဖြစ်ရမယ်!
"အင်း!!
"၂ယောက်လုံးကရုပ်ချင်းတူနေလို့လား!!
