Unicode 🌴
"ရှီးချန် ဟိုလူကြီးရော အခုဘယ်မှာလဲ အခန်းထဲမှာ
မတွေ့တော့ဘူး"
သူရှိရာကိုဝရုန်းသုန်းကား ပြေးလာနေတဲ့ ရိပေါ်ကြောင့်
ရှီးချန်လည်းကြောင်သွားတယ်။ ပြီးမှ ခေါင်းတခါခါနဲ့
"ဘယ်လိုဖြစ်ရတာလဲ မင်းပြောတော့ သူ့ကိုမေ့လိုက်ပြီ
တရားအားထုတ်တော့မယ်ဆို အခုဘာလဲမျက်စိအောက်က
အပျောက်မခံနိုင်တော့ဘူးလား!!
"ရှီးချန် ငါ့ပုံစံကအဲ့လိုမျိုး ဖြစ်နေလို့လား ငါပြောပြမယ်
အဲ့လူကြီးကိုမျက်စိအောက်က အပျောက်မခံနိုင်တာ
မဟုတ်ဘူး ငါ့ကိုပြောစမ်းပါ သူအခုဘယ်မှာလဲ"
"မီးဖိုချောင်ဘက်မှာရှိတဲ့ မားမားကိုကူနေတာတော့
တွေ့လိုက်တာပဲ"
ရှီးချန် စကားကြောင့်ခေါင်းကြီးသွားတယ်။ ပြီးနောက်
သုတ်ခြေတင်ပြီး မီးဖိုချောင်ဘက်ကိုပြေးတော့သည်။
ရှောင်းကျန့် ခင်ဗျား ဘာတွေလုပ်ဖို့ကြံစည်နေပပြန်ပြီလဲ
ဘာမှမလှုပ်ရှားဖို့ ကျွန်တော်ပြောမထားဘူးလား။
မီးဖိုချောင်ဘက်ရောက်တော့ ဟင်းချက်တဲ့နေရာမှာ
ဝိုင်းကူနေသည့်သူအား ပုခုံးကိုဆုပ်ကိုင်ကာ ဆွဲလှည့်တော့
ထိုလူကြီးသာမက မားမားလျိုနဲ့တစ်ခြားသူတွေကပါ
မျက်လုံးအပြူးသားဖြစ်သွားသည်။
"ရိပေါ် ဘာဖြစ်လို့လဲ သား!!!
"ဘာမှမဟုတ်ဘူး ကျွန်တော် ရှောင်းကျန့်ကို လာရှာတာပါ"
"ဪ.. ဒါဖြင့် ခေါ်သွားလေ မားမား သူ့ကို ဒဏ်ရာနဲ့မို့
ဝင်မကူဖို့ပြောပါတယ်"
ရိပေါ် ဆွဲခေါ်ရာနောက်ကို ဘာမှမသိပဲကြောင်တောင်တောင်
လိုက်လာရတယ်။ ထိုလူကြီးအား အခန်းထဲကို ပြန်ခေါ်လာပြီး
နောက် တံခါးကိုဆောင့်ပိတ်ချလိုက်သည်။ ပြီးမှ
"ခင်ဗျား မှာ ဘာအကြံစည်ရှိနေပြန်တာလဲ"
"ဟမ် ဘာကိုလဲ"
"ကျွန်တော်ပြောထားပြီးပြီမဟုတ်လား ဒဏ်ရာ
ပြန်သက်သာတာနဲ့ ထွက်သွားရမယ်လို့လေ ကျွန်တော်ကို
ဘာမှမရိပ်မိတဲ့ ကောင်လို့ထင်နေတာလား"
