Unicode 🌴
အပေါ်ကုတ်ကို ချွတ်ပြီးရှေ့က လူဆီကိုလှမ်းပစ်ပေးရင်း
အရင်လိုမပြောင်းလဲသေးတဲ့ အိမ်ထဲကိုစပြီး ခြေချလိုက်
တယ်..။ အိမ်ကိုတော့ ဒီနေ့လာမယ်ဆိုတဲ့ အကြောင်း
သတင်းပို့ထားပြီးသားမို့ ဒီတစ်နေ့လုံး မားမား ကုမ္ပဏီကို
မသွားဘူးဆိုတာကျိန်းသေပါတယ်..။
"အားကျန့်!!
သူ့ကိုမြင်တော့ ရှောင်းချင်ချင် က လှေခါးထစ်တွေပေါ်ကနေ
အူမြူးစွာဆင်းလာတယ်..။
မားမားက CEOတစ်ယောက်ဖြစ်တဲ့အပြင် ဒီနိုင်ငံမှာ
Top One လူချမ်းသာတစ်ယောက်မို့ အိမ်မှာပဲနေနေ
ကုမ္ပဏီကိုသွားသွား အမြဲတမ်း အနားမှာBodyguard
ဆယ်ယောက်လောက်က အမြဲရှိတယ်..။ အိမ်မှာကလည်း
အိမ်အကူအယောက်၂၀နဲ့ အလုပ်သမားတွေကအပြည့်မို့
ကိုယ့်ကိုယ်ကိုယ် ထက် အိမ်မှာအလုပ်လုပ်တဲ့လူတွေကို
ရှာကျွေးနေတာလားဆိုတဲ့ သံသယစိတ်ကို ရှောင်းကျန့်
အမြဲဝင်မိတယ်။
မားက ရွှေဇွန်းကိုက်ပြီး မွေးလာခဲ့တာမို့ ဆင်းရဲနွမ်းပါးမှုကို
သူများတွေရဲ့ပါးစပ်ဖျားကသာ ကြားဖူးပါလိမ့်မယ်..။
အဲ့လိုဆိုတိုင်း သူ့ကိုအရမ်းချုပ်ချယ်ပြီး ပုံစံခွက်ထဲမှာပဲ
ထားတာလားဆိုတော့ မဟုတ်ပြန်ဘူး။ သူဖြစ်ချင်တဲ့ ဆန္ဒ
ဘာမဆို သူမကဖြည့်ဆည်းပေးနေကျ။
ပါးပါးကလည်း ချမ်းသာတဲ့လူမို့ မားက ယူခဲ့ရုံလောက်ပဲ..။
မားရင်ထဲမှာ အချစ်ဆိုတာရှိဖူးရဲ့လားတောင် မသိဘူးရယ်။
"သခင်မ သတိထားပါဦး ချော်လဲနေမယ်!!
အခေါ်ဝေါ်ကြောင့် သူမျက်မှောင်ကြုတ်လိုက်မိတယ်...။
ထိုလူက မားကို သခင်မလို့ခေါ်တာအခုမှမဟုတ် သူမမွေးခင်
ကတည်းကပဲ..
ဒီခေတ်မှာ ဘယ်အလုပ်သမားက ကိုယ့်အလုပ်ရှင်ကို
သခင်မလို့ခေါ်ကြတော့လို့လဲ။
"အားကျန့် သားရောက်လာတာ မား ဝမ်းသာပါတယ်!!!
"အင်း!
"အာ.. ကျင့်ဟောက်.. ရှင် ထမင်းပွဲပြင်ခိုင်းထားရဲ့လား"
"ပြင်ခိုင်းထားပါတယ် ဒီနေ့ အကိုလေး လာမယ်ဆိုတာ
ကြိုသိလို့ ကျွန်တော်သေချာသူတို့ကို အမှားမလုပ်ဖို့
ပြောခဲ့တယ် "
