Unicode🌴
ဝမ် ကားကို ရှေ့မှာတိုက်မိမလိုဖြစ်သွားသူကြောင့်
ဘရိတ်အုပ်လိုက်တယ်။ ပြီးမှ ကားပေါ်က မဝံ့မရဲ
ဆင်းတော့ ထိုလူက ကားရှေ့မှာ ဆန့်ဆန့်ကြီး
လှဲချနေသည်အားတွေ့ရသည်။
"ဝေ့!!!
ခြေထောက်နဲ့ ကန်ကြည့်ပေမယ့်လုံးဝနိုးမလာသူကြောင့်
ရင်ထဲဒိတ်ခနဲဖြစ်သွားတယ်။
"သေပြီလား မသိဘူး ဘယ်လိုလုပ်ရပါ့မလဲ"
ထိုလူအသက်ရှူသေးလားဆိုတာ စစ်ကြည့်ဖို့အလုပ်
မျက်လုံးတွေဆတ်ခနဲဖွင့်လာသူကြောင့်ထိတ်လန့်ပြီး
အနောက်ကို ဖင်ထိုင်လျက်လဲကျသွားသည်။
"ဘာ...ဘာလဲ လန့်လို့သေတော့မှာပဲ"
"မင်းမသေချင်လည်း သေရတော့မှာ စိတ်ချ"
"ဘာ...ဘာ"
ထိုလူက ချက်ချင်းသူ့ပါးနှစ်ဖက်ကို အားကြီးနဲ့
ဖျစ်ညှစ်ကိုင်ကာ
"နှမြောစရာကောင်းလိုက်တာ မင်းကိုရောင်းလိုက်ရင်
ကြိုက်ဈေးခေါ်လို့ရလောက်တယ်"
ဟင်။
တကယ်ဆို သည်လူ့ကို ကားနဲ့ပစ်တိုက်ခဲ့ရမှာ ။
ဒီနေရာမှာ အခုလိုပဲ ရှိနေဦးမယ်လို့တော့မထင်ထား။
ထိုစဥ် အနားကိုလာရပ်သည့်ကားတစ်စီးကြောင့်
နှစ်ယောက်လုံးအတွေးစတွေပြတ်တောက်သွားတယ်။
"ဘာတွေဖြစ်နေကြတာလဲ"
ကားပေါ်ကဆင်းလာသည့် လူတစ်စုကြောင့်
ထိုလူ့မျက်နှာက ဖြူဖျော့လာတာကို ဝမ် သတိထားမိတယ်။
"ဘာလို့ နှစ်ယောက်သားက ရန်ဖြစ်နေတာလဲ"
"လောင်ဟူ ငါတို့ကိုယ့်လမ်းကိုသွားရအောင်ပါ
ဒီကိစ္စက ငါတို့နဲ့မဆိုင်ဘူးလေ"
ဝမ်ချိတုံချတုံဖြင့် ပုံလျက်သားလေး တုန်ရီနေတယ်။ ဒါနဲ့ အလျင်အမြန် ထိုလူတွေကို
စေ့စေ့ကြည့်ကာ အကူညီတောင်းမည်အပြု
"ဟင် Leo Wang "
"Leo Wang လား!!!
လောင်ဟူ သံယောင်လိုက်ကာ တိုးတိုးဖွဖွလေး
ပြောလိုက်သည်။ Leo Wang က Sean ရဲ့
အသည်းကြော်ပဲလှော်လေးမှန်း သူတို့တွေအကုန်
သိတယ်။
