Unicode 🌴
"ရိပေါ် မင်းနဲ့Seanက အရမ်းရင်းနှီးသွားကြပြီလား"
ဘေးကနေသူနဲ့အတူ ရှိနေတဲ့ရှီးချန်ကိုမျက်ခုံးပင့်ပြီး
ကြည့်လိုက်တယ်..။ အခု Seanနဲ့တွေ့ပြီး ပြန်လာတယ်
ဆိုမှတော့ ရှီးချန်ထင်တာလည်း အမှားမဟုတ်။
"ရူးနေလား ငါသူနဲ့နှစ်ကြိမ်ပဲတွေ့ဖူးတာကို ဘယ်လိုလုပ်
ရင်းနှီးတဲ့ဆက်ဆံရေးရှိမှာလဲ"
အချိန်ကညဘက်ဖြစ်တဲ့အပြင် ကာစီနို ဝိုင်းကနေ
ပြန်လာတာမို့ ကားကိုခပ်လှမ်းလှမ်းမှာ ရပ်ပစ်ခဲ့ရသည်။
နှစ်ယောက်သားစကားတပြောပြောနဲ့ ရှီးချန်က
Seanနဲ့ပတ်သတ်ပြီး သူ့ကိုမယုံမကြည်ထပ်မေးတယ်။
"ငါ သူ့လူတွေဆီကနေ နားစွန်နားဖျား ကြားလာတာတော့
Seanက မင်းကိုရအောင်လက်ထပ်မယ်တဲ့လေ!
"သူဘယ်လောက်လက်ထပ်ချင်ပါစေ ငါ့စိတ်ဆန္ဒပါမှ
ဖြစ်မှာကို"
"ဟုတ်တော့ဟုတ်ပါတယ် ဒါပေမယ့် Seanက
နည်းနည်းကြောက်ဖို့ကောင်းတယ်နော် မင်းကိုရဖို့ဘာမဆို
လုပ်မယ့်ပုံပဲ "
"ဟက် သူဇွတ်တော့မလှုပ်ရှားရဲပါဘူး ငါ့ကိုယုံ
အခု သူ့အကြံစည်က ဘာလည်းဆိုတာ ငါသိပြီလေ
ငါ့ဘက်ကသဘောမကျကြောင်းကို အပြတ်ငြင်းပြီးသား
မင်း ဘာမှစိတ်မပူပါနဲ့ ငါ့မှာသူနောက်ဆုတ်မယ့်
နည်းလမ်းရှိပါတယ်"
"ဘာနည်းလမ်းလဲ ငါ့အထင် သူ့ကိုနောက်ဆုတ်အောင်
လုပ်ဖို့လွယ်မှာမဟုတ်ဘူး မင်းဘက်ကဇွတ်ငြင်းရင်လည်း
ဂေဟာကိုပြဿနာ ရှာမှာစိုးရိမ်ရတယ်"
"အဲ့ဒါကြောင့် အလိုက်သင့်လေး ငါနေပေးရတာပေါ့!!
လူပြတ်တဲ့နေရာမို့ ရှီးချန်သေနတ်ကို ထုတ်ပြီး ဘေးဘီကို
ကြည့်ကာမျက်စိလျင်ရတယ်။ သူတို့လူတွေရှိတယ်ဆိုပေမယ့်
အခုတစ်ကြိမ်ကကိုယ်ရေးကိုယ်တာဖြစ်တဲ့အတွက်
နှစ်ယောက်တည်းလာရခြင်း။
"ယီးပဲ မိုးရွာလာပြီ အမြန်ပြေးရအောင်"
"မလိုဘူး သိပ်လည်းမများပဲနဲ့"
ရိပေါ် ခြေလှမ်းမှန်မှန်နဲ့ပဲ ကားရှိရာကို ဆက်လျှောက်လာတယ်။ ရုတ်တရက် အနောက်ပါးမှ
ကြားလိုက်ရတဲ့ခြေသံသွက်သွက်ကြောင့် နှစ်ယောက်သား
လှည့်ကြည့်လိုက်တော့ မြင်လိုက်ရသည့်သူကြောင့်
ကြောင်အမ်းသွားတယ်။
