Unicode 🌴
"ဘာတွေလုပ်နေတာလဲ ဝမ်ရိပေါ်"
ရိပေါ် အံ့ဆွဲထဲကဖုန်းလေးကိုတွေ့လို့ပျော်တုန်းရှိသေးတယ်
အနောက်ပါးမှ အလိုမကျဟန်ထွက်လာတဲ့ အသံကြောင့်
တစ်ချက်တွန့်သွားသည်...။
"ငါမေးနေတယ်လေ!
"ဟို.. ကျွန်တော်"
ချိတုံချတုံ ဖြစ်နေသူကို စိတ်မရှည်စွာပဲ ဆွဲလှည့်ပစ်လိုက်တော့ လက်ထဲမှာ ရှိနေတဲ့သူ့ဖုန်းကြောင့်
မျက်ခုံးပင့်လိုက်တယ်။
နောက် ၊ အကြည့်တွေက အရိုင်းဆန်ဆန်ရဲတောက်သွားပြီး
တောက်တစ်ချက်ကို ပြင်းပြင်းထန်ထန်ခေါက်တော့
ရိပေါ်ကိုယ်လေးပါ တုန်တက်သွားတယ်..။ ဒါတောင်
လက်ထဲကဖုန်းကို တင်းနေအောင်ဆုပ်ကိုင်လိုက်သေးသည်။
ရှောင်းကျန့်က နေ့ခင်းမှာအနားယူအိပ်စက်နေတာမို့
ဖုန်းကိုလိုက်ရှာပြီး ရှီးချန်ကိုဆက်သွယ်မည်အလုပ်
ဘယ်ကနေဘယ်လိုနိုးသွားလည်းဆိုတာမသိ..။ အခုတော့
နိုးသွားပြီမို့ အကုန်သဲထဲရေသွန်ဖြစ်ကုန်ရပြီ။
ဒါပေမယ့် ရိပေါ် လုံးဝ ဒီကိစ္စကို နောက်ဆုတ်လိမ့်မည်မဟုတ်
သလို ၊ လျှောချသွားလိမ့်မည်လည်းမဟုတ်။
ရှောင်းကျန့် လက်ထဲကဖုန်းကို ဆွဲယူပြီးခုံပေါ်ပစ်တင်ကာ
ဒေါသပုန်ထနေတဲ့အကြည့်တွေကို ရိပေါ်ထံပစ်ပေးရင်း
"မင်းက သိပ်ပြီးသတ္တိတွေ ရှိနေတယ်ပေါ့ ဟုတ်လား"
ပါးနှစ်ဖက်ကို ခပ်ကြမ်းကြမ်းဖျစ်ညှစ်ပြီး ရိပေါ်မျက်နှာနဲ့
နီးနီးကပ်ကပ် တိုး၍မေးလိုက်ခြင်း။
ရိပေါ်က သက်သာသွားပြီဖြစ်ပေမယ့်လည်း မြေအောက်ထပ်ကိုလုံးဝမသွားချင်ဘူးလို့ အပူကပ်လာ၍
သနားသောအားဖြင့် အခန်းထဲမှာသာသူနဲ့ ခေါ်ထားခဲ့သည်။
ဒါတောင် ကောင်းကောင်းမနေနိုင်တဲ့ကောင်.။
"မင်းက သနားလို့မရဘူးပဲ"
ရိပေါ် သူ့လက်တွေကိုဖြုတ်ချလိုက်ပြီး
"ပိတ်လှောင်ခံထားရတာကို ကျွန်တော်က ဝမ်းသာနေရမှာလား"
