Unicode 🌴
"အသက် အန္တရာယ်မစိုးရိမ်ရတော့ဘူး ရှောင်းကျန့်!!
ခွဲခန်းရှေ့မှာတုန်ယင်နေတဲ့ သူငယ်ချင်းဖြစ်သူပုခုံးကို
ဖွဖွလေးပုတ်ကာပြောခြင်း။ ရှောင်းကျန့် ခင်ဗျာ
အရမ်းစိတ်လှုပ်ရှားနေပုံရ၍ သိပ်မူမှန်မှာမဟုတ်မှန်းသိတဲ့
ချန်မင်ကပဲအစား ခွဲစိတ်ပေးခဲ့တာဖြစ်သည်။
ရှောင်းကျန့် က အရုပ်ကြိုးပြတ် ထိုင်ရာကနေ သူ့ကိုကြည့်၍
ခေါင်းညိတ်တယ်ဆိုရုံလေး ညိတ်ပြလေသည်။
"ခဏနေကျရင် အခန်းရွှေ့ရမယ်"
"အင်း ရိပေါ် အဆင်ပြေတယ်ဆို ကျေနပ်တယ်"
"အဆင်ပြေပါတယ် ဒါပေမယ့် သတိပြန်ရဖို့ကတော့
အခုချက်ချင်း မဖြစ်နိုင်ဘူး"
ရှောင်းကျန့်က ဘာမှစကားတုန့်ပြန်မနေဘဲ ထရပ်လို့
ဖန်သားနံရံကနေ မေ့မျောနေတဲ့ ရိပေါ်ကိုကြည့်တယ်...။
တော်သေးတာပေါ့ သူ အချိန်မှီလေးရောက်သွားခဲ့လို့ပဲ
မဟုတ်ရင် ကောင်လေးရဲ့ အသက်မဲ့တဲ့ခန္ဓာကိုယ်ကို
ပွေ့ပြီး ပြန်လာရမှာ။
အဲ့တုန်းက ရိပေါ်ကိုဖုန်းဆက်ပေမယ့် ရိပေါ်ဘက်က
ဖုန်းလည်းမကိုင်သလို ဘယ်ကိုသွားမယ်လို့လည်း
မပြောခဲ့တာကြောင့် GPSနဲ့ခြေရာခံပြီးလိုက်လာခဲ့တာ။
မြင်ကွင်းကသူ့ကို အတော်လေးရှော့ခ်ရစေခဲ့တာပဲ..။
ရိပေါ် က စိတ်ချရတဲ့အနေထားတစ်ခုကို ရောက်သွား၍
သူအခန်းရွှေ့ပြောင်းခဲ့၏..။ ဒီတော့ ရိပေါ်အနားမှာ
သူရယ် မျက်နှာကြီးရှုံ့တွနေတဲ့ ရှီးချန်ရယ်က ခြေချင်းလိမ်နေ၏။
သူ့လက်ထဲမှာရှိနေတဲ့ လက်ဖဝါးသေးသေးလေးကို
ဆုပ်ထွေးကာသက်ပြင်းချလိုက်တယ်..။ ကောင်လေး
သတိမရသေးတာကြောင့် စိတ်ပူပြီး ငိုခဲ့တာဘယ်လောက်
ကြာပါပြီလဲ။
လက်ဖဝါးသေးသေးလေးကို ဆုပ်ထွေးပြီး နှုတ်ခမ်းနဲ့
ခပ်ထွေးထွေးလေး နမ်းပစ်တယ်။ ရုတ်တရက် ထိုလက်ဖဝါး
သေးသေးလေးက သူ့လက်ထဲမှာလှုပ်ရှားလာတာကို
ခံစားလိုက်မိ၍ မျက်လုံးတွေဝိုင်းခနဲဖြစ်ကာ ရိပေါ်ကို
ကြည့်လိုက်တယ်။
