Unicode 🌴
"ငါသတိထားမိသလောက် အခုတလော မင်းနဲ့
ဟိုကောင်လေး တပူးပူးတတွဲတွဲနော် မင်းတို့က ဘာလဲ
တွဲနေကြတာလား!
အနားမှာ မရပ်မနားစကားတွေတရစပ်ပြောနေသူအား
မျက်မှောင်ကြုတ်ကာကြည့်ပေးလိုက်တော့ ပါးစပ်ကို
လက်နဲ့အုပ်ပြီး စကားသံတွေတိတ်သွားသော်လည်း သံသယ
အကြည့်ကိုတော့ ပြန်မရုတ်သွား။
"ဘယ်သူလဲ ရိပေါ်ကိုမေးနေတာလား!
"အင်း သူပဲလေ "
"ငါတို့ က ဘာမှမပတ်သတ်ဘူးဆိုတာ သေချာတယ်
ကြည့်ရုံနဲ့မသိဘူးလား"
"ကြည့်ရုံနဲ့ သံသယဝင်ချင်စရာကောင်းလို့ မေးရတာပေါ့
မင်းစဉ်းစားကြည့်လေ အခုတလော ညဘက်မင်းဆေးရုံကနေ
အိမ်ပြန်တော့မယ်ဆိုလည်း လာကြိုတယ် တစ်ခါတစ်လေ
နေ့ဘက်တွေမှာလည်း နေ့လည်စာအတူစားကြတယ်
ဒါတွေက အထင်လွဲဖို့မလုံလောက်ဘူးလား"
ချန်မင်စကားစုကြောင့် သူ့လှုပ်ရှားမှုတို့က တိခနဲ
ရပ်တန့်သွားသည်။ ပြီးမှ
"ဒါက ပုံမှန်ပါပဲ ဘာထူးဆန်းလို့လဲ!!
"အဲ့တော့ မင်းတို့ကရိုးသားပါတယ်ပေါ့ "
ခေါင်းညိတ်ပြရုံကလွဲလို့ ပြန်ဖြေစရာဘာစကားမှရှိမနေ။
"ဒါဆိုလည်း ပြီးတာဘဲလေ မဟုတ်ရင်တောင်
မင်းမှာ ဝမ်ရှိသေးတယ်ဆိုတာ ငါက သတိပေးမလို့ပါ
မီးဆိုတာမလောင်ခင်တားရတယ်တဲ့ မင်း သတိထားပေါ့
တော်ကြာ လောင်ရုံတင်မဟုတ်ဘူး ပြာကျသွားမှာစိုးလို့
စေတနာနဲ့သတိပေးနေရတာ မင်းနဲ့ဝမ်ကစေ့စပ်ထားတာ
မကြာခင်လက်ထပ်ကြတော့မယ့်သူတွေလေ မိဘချင်း
မျက်နှာမပျက်စေနဲ့ပေါ့"
"ငါသိတယ်!
'အဲ့ဒါကြောင့် ရိပေါ်နဲ့ရှောင်ရမယ်' ဆိုတဲ့စကားကိုတော့
သူထုတ်မပြောမိလိုက်..။
ရိပေါ်ပုံစံက အရမ်းလွတ်လပ်ပြီး ချစ်စရာကောင်းသည့်
ဘက်ကိုတော်တော်ရောက်သည်။ ရှောင်းကျန့်မပြောနဲ့
ဘာမှမဆိုင်တဲ့သူတောင် တစ်ခါတစ်လေ ရိပေါ်အပြောတွေမှာ မျောပြီးပါသွားတတ်တာကြောင့်။
