Unicode 🌴
"ကိုကို!!!
အဝေးကနေပြေးလာတဲ့ ကောင်လေးကို သူတင်းကြပ်စွာ
ဖက်ထားလိုက်ရင်း ကျောပြင်လေးကို ခပ်ဖွဖွလေးပွတ်လို့
နှစ်သိမ့်တယ်။ ရိပေါ်ကလည်းသူ့ရင်ခွင်ထဲရောက်မှ
ရှိုက်သံသဲ့သဲ့နဲ့ ငိုလေရဲ့။
"အားကျန့် သွားရအောင်!!!
မားကအသံပြုတော့မှသာ ဘေးမှာတစ်ခြားလူတွေလည်း
ရှိပြီးသူတို့တင် မဟုတ်တာကို ရှောင်းကျန့်သတိရတော့တယ်။
"ရိပေါ် သွားစို့နော်"
"ကျွန်တော် ခြေထောက်တွေထုံနေပြီထင်တယ် ကိုကို!!
"ကိစ္စမရှိဘူး ကိုကို ချီမယ်"
ပြောပြောဆိုဆို သူ့ဟာလေးကို ကောက်ပွေ့သွားတဲ့
သားတော်မောင်ကြောင့် ကြောင်ကြောင်ကြီး ရပ်ကြည့်နေကာ
ကျန်းကျင့်ဟောက် က သတိပေးမှသာ ကားရှိရာသို့
လျှောက်လာလိုက်သည်။
"အန်တီရှောင်းက ကျွန်တော်ကိုကူညီထားတယ်လို့
ကိုကိုကပြောတယ် အဲ့ဒီအတွက်တော့ ကျေးဇူးတင်ပါတယ်"
သူမ ရိပေါ်ကိုကြည့်လိုက်ပြီး ခေါင်းတစ်ချက်ညိတ်ပြလိုက်တယ်။ ပြီးနောက် ရိပေါ်ကို
စေ့စေ့ကြည့်လိုက်တော့ ကောင်လေးက တကယ်ဘဲ
ဝမ်နဲ့တူနေတာ။
ကောလဟာလ တွေထဲကအတိုင်းပါပဲ။
"အရင်က အမှတ်တမဲ့တွေ့ဖူးတာ အခုမှပဲသေချာ
တွေ့ဖူးတော့တယ် "
"ဟုတ်"
"မင်းက ဝမ်ရဲ့ညီဆို "
"ဟုတ်ကဲ့ "
"အင်း တကယ်တူတာပဲ "
အဲ့ဒါကြောင့် အားကျန့်ကတမ်းတမ်းစွဲနေတာကိုး...။
အားကျန့်ကဒီကောင်လေးအနားကို ဝမ်နဲ့တူလို့ကပ်တာပဲ
ဖြစ်နိုင်မှာပါ။
"မား ကျွန်တော်တို့သွားတော့မယ်!!
ယိုင်နဲ့နဲ့ဖြစ်နေတဲ့ ရိပေါ်ကိုသူသေချာ ကူတွဲရင်း
ကားပေါ်မှာထိုင်စေလိုက်တယ်။ မားမျက်နှာပေါ်က
အဓိပ္ပာယ်ရှိရှိ အကြည့်တွေကိုတော့ လစ်လျူရှုထားရင်း
ကားကိုဝူးခနဲမောင်းထွက်လာလိုက်သည်။
