Unicode 🌴
ရှောင်းကျန့် အိမ်ရှေ့မှာမားမားရဲ့ကားကို လှမ်းတွေ့ရတာမို့
အမြန်ဆုံး ခြံတံခါးပြေးဖွင့်ရတယ်။ မားက ကားပေါ်က
ဆင်းလာပြီး သူ့ကိုတစ်လှည့် အိမ်ကိုတစ်လှည့်ခြုံငုံ၍
ကြည့်ကာအပြုံးတစ်ခုကို ခပ်မြန်မြန်ဆင်မြန်းရသည်။ ပြီးမှ
"သား!!
"အိမ်ထဲဝင်မယ်လေ မား"
"ဟင့်အင်း မားက သားဆီလမ်းကြုံလို့ ဝင်လာရုံပါပဲ
စကားပြောရင်း မျက်နှာတွေ့ချင်လို့ လာကြည့်တာ "
"အာ.. "
"သားတစ်ယောက်တည်းနေဖို့ဆို ဒီအိမ်ကအရမ်း
မကြီးလွန်းဘူးလား မားပြောသလို အိမ်ထက်
တိုက်ခန်းဝယ်ရင် ပိုကောင်းမှာ"
"ကျွန်တော်က သီးသန့်နေရတာပဲကြိုက်တာကို
မား မသိတာလည်းမဟုတ်ဘူး"
ရှောင်းကျန့်အကြောင်းကိုအစအဆုံး သိတဲ့သူဖြစ်လို့
ရှောင်းညိတ်ရုံသာ...
"အားကျန့် မားဆီမလာတာ ကြာပြီ!
"မအားလို့ပါ ဒါနဲ့ ဒီအချိန်ကြီးကျမှ မားကဘာလို့!!!
ညအတော်မှောင်နေပြီမို့ မားကိုအိမ်ထဲခေါ်ချင်ပေမယ့်
ဇွတ်ခေါင်းမာနေဦးမယ့်မားကြောင့် ထိုအစီစဉ်အား
လက်လျှော့လိုက်ရသည်။
"နောက်ကျရင် အိမ်ကိုထမင်းစားလာခဲ့ပါဦး ဝမ်ကိုလည်း
အပါခေါ်ခဲ့"
"ဟုတ်!
"ဒါဆို မား သွားတော့မယ် "
"ဟုတ်ကဲ့ "
မားပါဝင်တဲ့ ကားလေးထွက်သွားတာကို ငေးမော
ကြည့်ရင်းမှမျက်မှောင်ကြုတ်လိုက်တယ်..။ တစ်ခါတစ်လေ
မားက အရမ်းထူးဆန်းတယ် ကိုယ့်ကိုတစ်ချိန်လုံး
စောင့်ကြည့်နေသလိုခံစားနေရတာ..။
အဲ့ဒါကြောင့် အပြင်မှာ တစ်ယောက်ထဲသီးသန့်လေး
နေခြင်းဖြစ်သည်။
အသက်က၃၀ကျော်လာပြီဖြစ်သော်လည်း အခုထက်ထိ
မားအကြည့်အောက်ကနေ မလွတ်နိုင်သေးဘူး။
တစ်ခါတစ်လေကျရင် မားကိုနောက်အိမ်ထောင်တွေ
သိပ်ပြုစေချင်တာ..။ ဒါဆို သူ့အပေါ်အာရုံစိုက်မှု
သိပ်မရှိနိုင်တော့ဘူး..
