أشعر وكأن الموتْ يَقترب منى ببطئاً شديد كى يُثير الخوف بِقلبى ، يُعذبنى ويُرهقنى أولاً والخطوة القادمة يَأُخذ رَوحى ، يأخُذها بُسرعة غريبة لا تلمحة وكأنه طيف أسود يَزورك لثوانى معدودة يُقدم التحية ويَرحل من حيث أتى ، لا تشعر بة لكن تأثيرة قوى ، ظننته فى البدايه شخص واحد لأكتشف قريباً أنهم كثيرون ، أتحادهم سبب قوتهم ، الخوف لم يعبر صفوفهم ، الشجاعة رمزهم ، الوزراء لقبهم .!
#وزير-الخوف
مساء الخير أو صباح الخير على حسب توقيت قرأه البوست .!
ده اقتباس صغير عن الروايه الجديده يارب يكون عجبكم .
ندخل فى المهم ، بحمد الله وبكرمه قدرت اخلص رواية ( فى كل بيت حكايه )، وانا ذات نفسي مستائه انى خلصتها بسرعه أو بمعنى دقيق كروتها .!!
ودا لسببين
أولاً بدايه السنه الدراسيه والجامعات قلبى بينقبض كده وبدخل فى مرحله من الاكتئاب بتطلع على عين الروايه وعلى عين القراء ، فقولت لا على ايه خلينا كويسين وننهى الروايه على كده
ثانياً بقا ، انا حاسه ان اجواء الروايه أجواء صيفيه كده - ومتقولوش عليا عبيطه - انا بقسم الروايات زى المسلسلات التركى صيفى وشتوى
والنهارده الحمد لله وانا قاعده فى أتعس لحظات حياتى الا وهيا وقت الترجمه ، قفزت إلى راسي فكره روايه جديده ، وللامانه لانى بحب الصراحه ، الروايه معظمها روايه قديمه كانت عندى على الواتباد ومسحتها لانها مليانه افكار واحداث جامده. جدا بس مفيش تفاعل عليها نهائى ، الى شجعنى على الفكره دى ، انى اكتسبت بحمد الله متابعين كتير من روايه فى كل بيت حكايه وانا متاكده أن الروايه هتعجبهم ويشجعونى
والان اللحظه الحاسمه دعونا نرحب بعالمنا الجديد وعنوانه #وزير-الخطر
تحت تصنيف
- تشويق _ رومانسي - غموض _ اكشن - كوميديا
هنزلها فى أقرب وقت أن شاء الله على يوم السبت او الاحد بالكتير جداً.
تصبحون على خبر سعيد ينير البسمه على وجوهكم .❤️( نقطه )
أنت تقرأ
وزير الخطر
Mystery / Thrillerأشعر وكأن الموتْ يَقترب منى ببطئاً شديد كى يُثير الخوف بِقلبى ، يُعذبنى ويُرهقنى أولاً والخطوة القادمة يَأُخذ رَوحى ، يأخُذها بُسرعة غريبة لا تلمحة وكأنه طيف أسود يَزورك لثوانى معدودة يُقدم التحية ويَرحل من حيث أتى ، لا تشعر بة لكن تأثيرة قوى ،...
