عـشق الـجبـال (فصـليـة)

عشق الجبال (فصلية)

عـشق الــجبـال(فصـليـة) البارت(9)

بعد صراع بالكلام وليث الي مصمم الدم بالدم وكوة سكتو اتفقو العشيرتين على الفصل وهو 50مليون وفصلية 😳 هنا الصدمة من طرحو موضوع الفصلية انصدم ابو مازن واخوانة وحاولو انو يتراجعون من موضوع الفصلية بس بدون جدوئ لاحياة لمن تنادي 😣 رجعو للبيت وحالة ابو مازن وعزيز ابد موتمام وجوهم ماتتفسر وماليها الحزن والقهر 🥺 الكل موجود بيت ابو مازن مجتمعين يريدون يفهمون شنو الصار .. وصال / هاا بابا شنو صار .. ابو مازن/ بعيون مليانة قهر كولي شنو الماصار يابنتي طلبو 50 مليون و ... سكت. 😔 . وصال// وو شنو بابا احجي ... ابو مازن// فصلية 😔 .. وصاال// 😳 شنو فصلية شنو وين عايشين احنا بيا قرن مستحيل الي يطلبو مستحيل .. العم باسم // هو شنو المستحيل اخوج كتل ابنهم وهم ناس شيوخ الولد الكتلة اخوج شيخ ابن شيخ لو فصلية لو بحر دم يضل سنينة .. وصال// عمو هو ماكتلة متعمد هذا قضاء وقدر بس انو ماشين على هاي الامور دم ب دم وفصليات شنو هل التخلف .. العم باسم // هذا حكم العشائر ابنكم غلط وتتحملون نتيجة دلالكم وع فكرة اني عندي بنية وحدة وهاي لو تثالث الدنيا ماانطيها فصلية بسبب واحد ساق***ط.. وصال // عمو محد كالك انطي بنتك فصلية بس هذا قضاء يوم الك ويوم عليك ماتعرف شنو ضامتلك الدنيا وماله داعي هذا كلامك احنا مو بحال هذا الكلام هسة .. مازن .. عمي محد طلب منك فصل لافلوس ولا غيرة الحمدلله خير من الله ابنة نشتري بالفلوس ..،ابو مازن /// كافي اسكتو ماتحترمون الكاعدين كافي .. العم عزيز // خوية ابو مازن اني وياك من الالف للمليار وهاي بنتي فداك لان ابني هم ويا مجان وحدة .. العمة عفاف // اووف يايمة بنياتنة وينهن وين هل الحجي يربي هي بنتك مو جاهل ياعزيز شتفتهم وشمعرفها بالفصلية وضيمها .. عزيز// لعد شلون يااخوية هاي مصيبة وكعت علينا كلنا 😔 .. العم باسم // لاوالله خوية مو على الكل وكعت على راسك وراس عدنان واني اترخص فلوس اني مااعترض بس فصلية اعذروني دبرو اموركم هاي 3 بنات انطو وحدة منهن وصال ومنال وغدير ...واني هسة اترخص .. الكل متفاجئ من كلام عمهم باسم .. الكل بحالة يأس ... ضل المكان سكون كل واحد بعالمة ويفكر شنو راح يصير ومنو الي راح تروح فصلية وهن كلهن عزيزات ... وصال// متفاجئة من عمي باسم ومن ردت فعلة بصراحة اختنكت تركتهم وطلعت للحديقة اني من اكون مضايقة ومااعرف شسوي انعزل بوحدي وضليت افكر شنو اسوي ياربي غدير طفلة مستحيل اخليها تروح فصلية وتكون ضحية تقاليد همجية يضلمون البنت ويكسروها واختي منال هاي لو اموت مااخليها تنكسر بهيج موضوع وبعدين منال مخطوبة مستحيل اظلم اختي ومااخليها ترتبط بالانسان الي حبتة ... الحل شنو ياربي الحل ماكو غيري يروح اني افدي منال وعلي بروحي اي هاهية اني اروح اني بالنسبة الي حياتي انتهت من 7 سنوات من خسرت حب حياتي 😔 اووف ياحسام شكد محتاجتك اني كلش ضعيفة بهاي الاوقات والكل عينهم علية شسوي لازم اظاهر بالقوة اي خلاص اني راح اروح ... بعد ماعزلت نفسي ساعة برة كاعدة دخلت وجانو يحجون بنفس الموضوع واكع الاختيار على غدير ..،من دخلت الكل انتبه علية .. عمو عزيز.. بوية وصال اتفقنة انو ننطي غ غدير 😔 يحجي بانكسار وقهر موهينة بنتة الوحيدة ويضحي بيها .. وصال// تقربت على عمي عزيز وصرت مقابيلة هو كاعد علئ التخم واني كعدت جوة رجلينة ولزمت ايدة وابتسمت عمو هاي وكفتك وكلمتك كافية مستحيل غدير تروح فصلية .. عزيز // لعد منال مخطوبة يابنتي مايصير نكسر البنية .. وصال// لاغدير ولامنال محد يوصل صوبهن .. الكل متفاجئ من كلام وصال ... ابو مازن // لعد منو تروح .. وصال// نهضت على حيلي وكتلهم اني اروح فصلية .. الكل بحالة صدمة .. ااااانتي ... وصال// اي اني مستحيل غدير ومنال يروحن فصلية اني اروح وهذا قراري واتمنئ ماتناقشون بي ... وشوفو هذولة الهمج (اعتذر عن الكلمة) شوكت يردون الفصلية حتئ اصفي اموري بالشركة واسلم شغلي لواحد ثقة يمشي بمكاني ... ابو مازن // وصال بنتي انتي انظلمتي طول عمرج مظلومة وتالي انطيج فصلية هاي الماتصير خلي يقتلوني ولا انطيج بيدي الهم واكسرج كافي الدنيا والوكت كسروج ماشفتي راحة بحياتج اجي اكملها تروحين فصلية .. وصال // بابا انت تعرف علي ومنال شنو بالنسبة الي اني داموت لان علي بالسجن ومدااكدر اسوي شي علي ومنال اني ربيتهم وبالاضافة لغدير هاي طفلة شنو تعرف بعدين هو وقت وارجع مو هيج اني سامعة .. العمة عفاف// اي اكو ناس سنة ويرجعوها واكو بس تخلف الهم طفل يرجعوها .. وصال// والله لخليهم قبل السنة يرجعوني تواسيل بس يخلصون مني .. طبعا حبت تلطف شوية الجو .. ياله هاهية اليوم مانتعشئ ياله عشونا وراية هواي شغل حتئ اعرس شبيكم ههه ..طبعا احجي وغصة بگلبي بس حتئ يهدون الي موجودين .. عمة عفاف // يابعد روحي يايمة هسة نجهز العشا ياله يبنيات خلونا نجهز العشا .. وصال// بابا عمو عزيز // اريد نحجي بموضوع الشغل الي لازمتة اني .. ماريد اضيع وقت لازم قبل ماامشي اني مصفية كل الامور .. ابو مازن // شلون راح اصفين فهميني بنتي والله عقل وكف من المصايب ..
نكمل الاحداث بالبارت القادم 😘
لاتنسون المتابعة والتصويت احبكم 😘