عـشق الـجبـال (فصـليـة)

عشق الجبال(فصلية)

عـشق الـجبـال (فصـليـة)البارت 14

رائد ⬅️ طبعا تسئلون شنو علاقتي ب وصال ... وصال هي بنت خالي واقرب انسانة لقلبي مستعد افديها بروحي وصال صاحبة مواقف وياي وسندتني بهواي امور يعني احبها واحسها بمقام اختي الكبيرة لهذا احنا الاثنين قريبين لبعض بهواي امور ...

يوم الخميس ...
وصال.. عمة بس مشوار ساعتين وربي مااتاخر .. عفاف ⬅️ وصال بس اليوم باجر تمشين ليش تورمين گلبي .. وصال⬅️ ياروحي ماعاش الي يورم گلبج صدكي مشوار مهم لگلبي مااتأخر وربي .. عفاف .. عرفت وين ماطول كلتي قريب لگلبي. 🥺 روحي الله وياج بس لاتتاخرين بنيتي .. وصال.. تمام ياروحي باي .. طبعا اروح لذكرياتي لأحلامي الضاعت لفرحتي الي اختفت بعدهم رحت لبيت خالة ايمان .. حتئ اودع ذكرياتي واحلامي وفرحتي الي مااعرف شوكت راح ارجع اشوفهن مرة ثانية وصلت لبيت خالة ايمان .. وصال ⬅️ دخلت تلكتني خالة ايمان وهي الدمعة بعينها .. ايمان ⬅️ جنت منتضرتج بنيتي جنت اعرف راح تجين لان مستحيل تمشين وانتي ممودعتني ولامودعة حسام 🥺😭 وصال⬅️ شلون مااجي غير اني مأمنة على روحي وكلبي وذكرياتي بهذا المكان وحضنت خالتها وهي تبجي .. الخاله ايمان⬅️ اووف ياوصال دفنتي روحج وياحسام وضليتي رافضة اي احد يجي وتالي تضحين بنفسج وتروحين فصلية 😭 وصال⬅️ هذا نصيبي ياخاله اني ميتة من زمان من 7 سنوات يعني لو رحت فصلية مراح يضيف او ينقص شي لجروحي وجعي 🥺 وصال... خاله اسمحيلي اروح للغرفة ... الخاله .. روحي بنيتي الله يعينج ويصبرج ...وصال⬅️ صعدت لغرفتنا اني وحسام وبدت تتفتح الجروح وينعاد الوجع واني بكل ركن وبكل شبر الف ذكرئ انتهيت من البجي بحيث الصوت اختفئ المكان الوحيد الي ابجي بي من گلبي بدون لااحد يمنعني ولاانحرج من احد حبيبي باجر راح اروح فصلية حبيبتك باجر تروح ماتعرف شنو راح يسوون بيها.. حسام وصالك محتاجتك وصالك تريدك يمها ااخ ياكلبي والله الي متعبنتي هو مراح اشوف ذكرياتنا مراح اكدر اوصل لهنا مااعرف شوكت بعد ياله اكدر اجي 🥺🥺 بعد ماانتهيت من البجي كمت رتبت الغرفة ونظفتها ورشيتها بالعطر مال حسام واخذت السلسال الاخير الي جابة الي حسام ولبستة واخذت واحد من العطور وكم غرض لذكرئ اصبر نفسي بيهم 🥺 .. وطلعت .. ودعت خالتي ورجعت للبيت .. طبعا الكل عرف اني وين جنت من وجهي وعيوني الوارمة لان يعرفوني كل خميس اني اروح لغرفتي اني وحسام .. محد حجة وياي لان يعرفون طبعي بهيج يوم لااخذ ولاانطي بالكلام ..

في مكان اخر
.............................................
ليث .. مراد اليوم لازم باليل انزل حتئ الصبح اصبح بالبيت لان باجر الفصلية تجي 😏 مراد .. اي يخوي توكل من وكت طريقك بعيد اني ارهمها الك هو نزولنا السبت .. ليث⬅️ لااني حاجيت الامر وشرحتلة الوضع والرجل تفهم وتساهل بعدين اني ولامرة ماخذ مساعدة او اجازة .. مراد⬅️ هاهية لعد يخوي توكل من وكت هم طريقك طويل وراك هوسة باجر الله يساعدك ...ليث⬅️ ماشي بس عندي كم شغلة اخلصهم وتوكل ..
في بيت وصال 🏠
.......................................
منجمعين بيت عمو عزيز وبيت عمة عفاف ومازن وزوجتة واطفاله دايجهزون بالعشا واني گ العادة اخذ نفسي واطلع للحديقة اصفي افكاري ... الحديقة وبين مااني سارحة بافكاري هب عطر رجالي يجنن يتغلغل لرئة بسلاسة وراحة كلش استلطفتة وحبيتة بصراحة انتعشت 😌 .. ليث⬅️ خلصت شغلي واخذت غراضي وطلعت حتئ ارجع للبيت بس ماحسيت نفسي غير اني قريب من بيت فصليتي 🤦‍♂️ مشيت بطيء بالسيارة وصرت قريب عن الباب وضليت واكف تقريبا 10 دقايق وبعدين حركت ومشيت بصراحة ماعرفت شنو سبب الي سويتة ليش رجلية جابتني لهنا ... وصال ⬅️ بين ماجنت صافنة ومستمتعة بالعطر الي هب ويانسيم الهوئ 🌬️ بهل الاثناء واسمع صوت صياح وتكسير الصوت من داخل البيت تخبلت شنو صار رحت اركض اريد اشوف شنو دايصير ..،😲 واشوف علي يصيح ويكسر وبس يحاولون يهدئو مايكدرون ويصيح كلة بسببي اني ضيعت اختي اني ضيعت امي الربتني وفنت عمرها علمودي اني حقير اني خسيس خليهم يكتلوني ولا ياخذون اختي .. ركضت علية وحضنتة بقوة واني احاول اهدي لان واصل مرحلة اتهستر خفت علية لايصير بي شي احاول ومدايفيد اخر شي صفعتة بكل قوتي اريدة يصحة شوي وانتبه علية وحضني وضل يبجي مثل الطفل .. والكل يبجي على بجي علاوي ..كوة هديتة وحجيت ويا وفهمتة انو الصار قضاء وقدر وانو هذا هو نصيبي ... نسرع الاحداث
مر اليوم وتعشينا سوة والكل داير مدايري نايمين قريبين علية بس اني سحبت نفسي ورحت لبابا ونمت بحضنة كلش حسيت بامان
في صباح يوم الجمعة ..
نكمل باقي الاحداث بالبارت القادم
لاتنسون التصويت والمتابعة حبايبي 😘