عـشق الـجبـال (فصـليـة)

عشق الجبال (فصلية)

عـشق الـجبـال (فصـليـة) البارت 16

وصال⬅️ الطريق طويل ومتعب وكل مانتقرب ينتابني شعور الخوف والرهبة من المجهول دخلنا منطقة على طول الطريق اشجار منظرهم يرد الروح قربنا نوصل حسب ماسمعت من بابا وعمو عزيز بدا التوتر يزيد رائد طول الطريق ماسك ايدي وكانو هو الي راح يروح للمجهول رائد كلش متاثر بروحتي تحسة مثل الطفل الي راح يفارك امه 🥺 وصلنا 😣 وكفنا كدام بيت ماشاء الله قصر مو بيت صح احنا بيتنا مو قاصر بس شكد ماكان بيتنا كبير البيت الكدامي اكبر من بيتنا ب ثلاث مرات تقريبا كبير وعالي وجان اكو رجال هواي مسلحين واكفين ..
..........................................
ليث⬅️ كنت بالمضيف وسمعت من الشباب انو الناس والفصلية وصلو طلعنا لستقبالهم لان وياهم شيوخ واهل الفصلية طلعت شفت سيارتين من السيارات العالية ونزلو منها شيخ ويا ثلاث رجال والسيارة الثانية نزلو منها ثنين كبار بالعمر الي اعرفة هذا ابوها للفصلية والثاني مااعرف ينطي شبه يمكن اخو ونزل ولد يطلع عمرة قريب 30 او اقل انتبهت على السيارة اكو مرة وياها رجال اخر 🤨 وهذا ليش منزل ضال يم الفصلية منو هذا ... ابو شاكر ⬅️ حياكم الله ياهلا تفضلو للمضيف .. تقرب باقر لسيارة .. ياله رائد نزل وصال حتئ ندخل .. رائد ⬅️ ضغظ على ايد وصال بقوة وهي نفس الشي ... رائد⬅️ هاي يروحي ننزل مستعدة ..وصال⬅️ اا اي خلي ننزل .. رائد ⬅️ فتحت باب السيارة ومسكت ايد وصال ونزلتها وبعدني ماسك ايدها وسديت الباب هي صادة علية ومطية ظهرها للبيت اشوف بعيونها التوتر والقلق رفعت راسها بيدي وعدلت شالها اني بظهرج شوكت ماتحتاجيني تلكيني يمج اريد وصال القوية لاتكسريني بحزنج هذا الي باين بعيونج ..وصال⬅️ ابتسمت ابتسامة شبه مبينة لاتخاف علية اني كدها 🥹.. رائد⬅️ رفعت اديها وبستهن اعرف انتي قوية ياله يابعد روحي ..وصال ⬅️التفتنا وتوجهنا للبيت وشوف هواي زلم مسلحة ورائد مازال ماسك ايدي ..
ليث⬅️ من راح هذا الشاب لسيارة وكاللهم حتئ ينزلون نزل الشاب الي وياها وفتح باب السيارة ومسك ايدها ونزلها وهو وياها وجه بوجه وماترك ايدها وبقئ يحجي وياها وعدل لها الشال منو هذا وشنو صلتة بيها شاب حلو ومرتب اخر شي ختمها رفع اديها وباسهن وتوجهو علينة وهو ماسك ايدها ماهدها بصراحة احس الدم صعد براسي من الي شفتة وزاد حقدي وعصبيتي عليها 😠 بس شنو ثقة تمشي وجنها مو مرة لبوة وهي لابسة عبا خليجية والشال ذابتة وتمشي بكل فخر وغرور .. ههه بسيطة راح اشوفج شلون اكسر خشمج واحطم كبريائج ياست وصال ... ليث .. كرار اخذ المرة دخلها للبيت ... كرار⬅️ صار خوية ... مرحبا خوية .. وصال⬅️ اهلا بيك .. كرار⬅️ تفضلي اوصلج للبيت اني كرار ابن شيخ عماد صغير العائلة 😊..وصال⬅️ هلا بيك اني وصال .. كرار ⬅️ اهلا بيج مرت اخوية الحلوة 😁 .. وصال⬅️ ابتسمت بوجه ذكرني ب علوشي كرار شاب وجه بشوش ويدخل القلب بس استغرب من كلمة مرة اخوية 😕 .. دخلت للبيت وصاح كرار .... عمة عمة ععععععمة فرحة .. فرحة ⬅️ وجع شبيك ماتكول منا الزلم تلعلع باسمي .. كرار⬅️ اوي فديت فروحتي هاي جنتنا استلميها واني طالع .. فرحة ⬅️ اللهم صل على محمد وال محمد هلا عيني هلا تفضلي .. وصال⬅️ اهلا بيج .. فرحة⬅️ فرحة عمة فرحة تعالي خلي اعرفج ع ام شاكر تعالي حبيبتي ... وصال⬅️ دخلتني العمة فرحة لغرفة جبيرة وحلوة وريحة البخور تجنن انتبهت اكو مرة كاعدة على قنفة مرة ملامح وجها نوراني يبهج الناظر الها بس لاتخلو ملامح الخزن ولابسة اسود وبيدها سبحة انتبهت علية من دخلت ابتسمت ابتسامة خفيفة اني رديت الها الابتسامة .. فرحة ⬅️ ام شاكر خية هاي جنتج الجديدة جبتها اسلم عليج ... ام شاكر⬅️ هلا يمة هلابيج .. وصال⬅️ تقربت منها وبست ايدها وراسها هلا بيج حجية ... ام شاكر ⬅️ خية فرحة اخذي البنية ترتاح من الطريق عبال مايعقدون نصيحلها .. فرحة⬅️ من عيوني اخذها لغرفة ليث .. ام شاكر ⬅️ اي اخذيها لغرفة ليث ... وصال⬅️ استاذنت من الحجة وطلعت ويا العمة فرحة واني راسي ملخبط ليث. منو مرة اخوية شنو جنتنا شنو اووف شهل الخربطة .. المهم صعدنا لطابق الثاني ودخلتني لغرفة مو غرفة ضيم بالجمال والفخامة والترتيب والذوق ... فرحة⬅️ حبيبتي ارتاحي هنا وغسلي هذا حمام يمج بين ماينادونج حتئ تعقدون .. وصال ⬅️ شكرا عمة .. طلعت وسدت الباب وراها واني بقيت صافنة اتامل الغرفة وجمالها معقولة هاي غرفة واحد مامزوج وانتي شمدريج مامزوج باله... وصال تسئل واجاوب نفسها دخلت للحمام اشوف انواع الشامبوات والمعطرات والغسولات 😊 لكيت واحد نفسي ههه والله يوصال الج خلك تضحكين زين الامور طيبة كعدت على طرف الجرباية وانظاري تتفقد المكان ولمحت صورة لشاب بالزي العسكري جان برتبة نقيب تقربت لصورة انصدمت 😲 ورجعت بية الذاكرة ليوم الحادث بالمستشفئ هذا هو الي تعاركت ويا وفضحنا بالمستشفئ لا ياربي بس لاهذا الي راح يعقد علية اذا هو ياوصال جايتج ايام سودددة استغفر الله ياربي تذكرت شلون وكفت بوجها وتلاغيت وياا الله يستر مسحت وجهي بدية ثنين حتئ استعيد تركيزي وبهل الاثناء اندكت باب الغرفة ... ياترئ منو اجة 😯
نكمل احداث روايتنا بالبارت القادم لاتنسون التصويت والمتابعة احبكم 😘