عـشق الـجبـال (فصـليـة)

عشق الجبال(فصلية)

عشق الجبال(فصلية) البارت 61
****************************
ابو شاكر .. ليث لازم نحجي قبل مانرجع لبيتنا ... اي بوية كول علئ شنو نحجي .. ابو شاكر ..بخصوص زواجك انت ورحاب .. ليث ..  ماكو زواج بوية بس نوصل بسلامة اطلك وكل واحد يروح لحال سبيله ويبتنا بعد ماتخطي عتبتة ... ابو شاكر ... اسمعني ليث راح يتم زواجك ومااطلك مانريد سمعتنا تجي بلسان اليسوة والمايسوة .. ليث يابة انت شدا تحجي شلون ازوجها بعد الي سوتة وهدمت حياتي وضيعت مني حب عمري واذتني ... ابو شاكر ... اسمع كلام ياابني وصال بعد انتهت قصتها وياك والبنت طلكتها وراحت وياعالم وين هية ..  ليث ... وين يعني ابيت ابوها اني اروح واحاجيها واشرحلها كل الصار وياي ...ابو شاكر ... لاتروح ولاتشرح بنت عمك عرسك عليها يوم الخميس يعني بعد باجر واذا عصيت امري لااني ابوك لا انت ابني هاهية الكلام انخصم شتريد اضحك علينا العالم تالي عمري ناسي اني شيخ وكل خطوة محسوبة علية وعلئ عشيترك وبعدين عمك شكول اله هااا .. احلفك بقدسية هذا المكان تسمع كلام ولا تخليني اغضب عليك دنيا واخرة .. ليث ..  بس يابة ... قاطعة ابوشاكر ..  لابس ولاشي قصة الفصلية انتهت والبنت راحت لحال سبيلها والشافتة منك مو قليل هاهية ليش تكف بطريقها البنت عدها حياتها هاي صار 6 اشهر انقطعت اخبارها من يوم الخطبت حتئ البنات مايعرفن شي عنها مغيرة خطها وحساباتها واختفت ... ياابني بنت عمك صح غلطت وانت راح تحاسبها علئ غلطها بس لاتفشلني ويا عمك وكدام العالم هم يكولون شبيها بنت عمة عاقد عليها سيد ومحكمة وطلكها ونصير علج بحلك اليسوة والمايسوة ... ليث ... مااعرف شحجي حلفني بقدسية المكان الكاعدين بي ويكول اغضب منك دنيا واخرة واني كلشي ولاابوية ... وعمي هم فشلة منة ... انحصرت بزاوية وحدة ماالها ثاني انكتب علية انحرم من حب عمري بسبب طيش ورعانية وحقد رحاب ..  بس والله الا اندمج علئ الساعة الي انولدتي بيها ... ابو شاكر .. هااا ابني شو سكتت ... ليث ... ماكو كلام بعد كلامك بوية الي تكول علية يصير ... ابو شاكر ... عفية بابني هذا ابني العرفة ... ليث .. وعمي نحجيلة علئ سواية بنتة ... ابو شاكر ... بالوقت الحالي لا اترك الموضوع ترئ عمك مريض اذا سمع بالصار يروح بيها وتدري شكد يحبكم ... ليث ... هاهية الي تشوفة بس بوية هو الشرع مو حلل اربعة .. ابو شاكر ... اي .... ليث ... افتهمت قصدي بوية مو ... ابو شاكر ... فتهمت فتهمت تجويها بمرة ثانية ... ليث ... شوكت مايگطع بعقلي ... ابو شاكر ... هسة ازوج وربيها باليعجبك ابد مااكلك لا ...
***************************
اربيل الساعة 5:00 عصرا

وصال ... بدا القلق كل ما تمشي الساعة طلعت من غرفة ابوية وتوجهت لغرفة ام ضياء ردت اطمن عليها ... دكيت الباب ... فتحت الباب ضي ... هلو حبيبتي وصال تفضلي ..  وصال .. هلو گلبي .. شلون صارت خاله .. ضي ... الحمدلله ادخلي شوفيها .. وصال ... حمدلله على سلامتج خاله ..  ام ضياء .. تحجي بهدوء لان صار ساعات علئ عمليتها الحمدلله بنيتي ... وصال .. لاتعبين نفسج مشافا ان شاء الله ... وصال .. ضي لعد ضياء وين .. ضي .. مااعرف قبل شوية جان هنا خاف برا بالحديقة .. وصال ... هااا اني طالعة لبرا راح اشوفة ... ضي ... تمام خاف محتاجة شي ... وصال ..  لا ممحتاجة بس القلق كتلني من هسة .. ضي ... كولي ياالله ان شاء الله كلة تمام .. وصال .. ان شاء الله ... وطلعت اشوف ضياء ... ورائد راح للبيت لان مازن وعلي اليوم يوصلون حتئ يحضرون عملية ابوية ... اباوع التفت يمنة ويسرة ماكو ضياء ... هسة وين اختفيت ياضياء .. مااحس غير صوتة وراية وبيدة فنجانين گهوة ..ضياء ... هااا يحلوة ادورين علية .. وصال ... التفتت هههههه اي ادور عليك ... ضياء ... احلا شي انو وحدة حلوة وصاگة ادور علئ ضياء الاملح ... وصاال ... هههههههه هاي شنو هااي اليوم فرش استاذ ضياء اليشوفك الصبح جنك واحد سبعيني من الهم ... بعدين انت املح خلي يعزلون الملحان كلهم ... ضياء ... الله اكبر شهل الغزل الاملحي هههه جنت يم الكافتريا اجيب گهوة وشفتج طلعتي جبت الي والج لان ادري بيج لازم تخسريني گهوة ... وصال ... اخذت الفنجان منة واني اضحك عفية بالسبع بايك الاسئلة ... ضياء ... لعد شعبالج تعالي لااضلين واكفة ... عتريس عمو اعذرني امك مدمنة گهوة تفضحنا اذا مانشربها گهوة ... هسة يطلع عتريسسس اسود من الگهوة ... وصال .... هههههههه خررب هذا رائد كالك علئ اسمة الي هو يسمي بي ... ضياء ... هههههه اي بس حلو عتريس ههههه ... اي وصال شلونج ... وصال ... اخذت نفس وزفرتة والله ياضياء كلش قلقة وخايفة علئ ابوية ... ضياء ..هذا شي عادي تخافين وتقلقين ان شاء الله تعدي على خير وسلامة مو شفتي امي وخطورة عمليتها والف الحمدلله عدت بخير وسلامة ... وصال ... اي الحمدلله والشكر ... ضياء ...  لعد رائد وين ...وصال ... راح للبيت لان اليوم يوصلون اخواني حتئ يحضرون عملية ابوية فراح يستقبلهم لان عمتي وحدها .. ضياء ... هااا خوش .. ياله لعد ... وصال .. وين ياله .. ضياء ... أوفي بوعدج .. وصال .. همممم مانسيت ..ضياء ... لا شلون انسئ .. وصال .. تمام بس يرادلنا قوري جاي ... ضياء ...اويلي ارحمي عتريسس لخاطر الله عاد لو عصير بي فايدة لعتروسي ... وصال ... ههههههه ياله مااريد شوف ياسيد ضياء اني .... وبدت تسردلة قصتها من البداية لا حد ماانفصلت ورجعت
***************************
ليث .. كاعدين بالحضرة اني وابوية وشاكر .. طبعا عمار اخذ المي والبخور حتئ يوصلهن للبيت وتسوي فرحة وفعلا اخذت المي ونضفت الغرفة ورشتها وشغلت البخور بيها .. ليث .. دكت تلفوني اشوف المتصل رحاب .. اخذت نفس قوي وزفتة جاوبتها ..
ليث📱 الو
رحاب 📱هلو حبيبي هاي وين انت اتصلت علئ عمتي كالت بعدكم مرجعتو
ليث📱 ليش شكو صاير شي
رحاب 📱بأستغراب من طريقة كلامة .. لا بس ردت اطمن عليك وبعدين باجر الحنة مالتنا وانت من البارحة بايت برا البيت مااعرف وين
ليث📱 اول شي اطمني اني بخير ماطول الله موجود وثانيا جهزي لحنتج وحفلتج لان اني مااجي احنيج والزفة من بيتكم لبيتنا وشغلة ثالثة  والاهم ماتدخلين وين اطلع وين اطب خلي هاي باول القائمة ... وهسة بعد اكو شي
رحاب 📱 يعني شنو ماتجي تحنيني ومو علساس حجزت قاعة نسوي بيها عرسنا ليش اني مو مثل البنات وهاي فرحتي
ليث 📱 كلمة مااثنيها مااجي احنيج وشغلة القاعة لغيت الحجز لان مالي خلك وتعبان ولاانتي مثل البنات .. وسد التلفون بوجها .. ابو شاكر .. مو هيج ابني بعدين شوكت لغيت حجز القاعة .. ليث .. هذا الموجود لاتحملوني اكثر من طاقتي مو كافي غصبا علية راح اتصخم وازوجها والقاعة هسة راح اتصل والغي .. شاكر.... يابة اتركة براحتة اني لو مكانة اسوي اكثر من هيج ... وفعلا اتصل ليث ولغئ حجز القاعة والعربون تنازل عنة تعويض ...
رحاب ... هذا شبي ليش هيج يحجي وياي وهو وين اصلاا ياربي شنو الصاير انوب مايصير اروح لبيت عمي لان باجر حنتي هوووف شدايصير ياله المهم راح ازوج ليث مو مهم شلون وين العرس ... سعاد .. شبيج تحجين وياروحج تخبلتي .. رحاب .. لا يمة بس وحجت الكلام الي دار بينها وبين ليث .. سعاد ...يااا ليش هيج سوة موحاجزين قاعة وكلشي كامل بعد ليش يلغي الحجز .. رحاب .. يكول تعبان يمة المهم ازوجة ترئ صدك ليث حيل دايتعب هاي ام بشار شسوت اني مااريد ليث يتاذة .. سعاد .. شسوت المرة غير الردنا منها لوما  ام بشار جان انتي لسة تشوفين. ليث وصال .. كدامج .. رحاب .. اي هم صدك بس ليش هو ذبل وتعبان يمة اخاف علية .. سعاد .. عادي هاي الاشياء ابوج هم هيج صار وبعدين استعدل ...
ليث ... بيوية خلينا نرجع نصلي المغرب والعشا ونتوكل ... ابو شاكر .. ليش بوية حاس بشي مو علساس بايتين هنا اليوم .. ليث .. لايابة مابية شي الحمدلله احس نفسي زين بهواي .. بس تدري باجر عدنا هوسة ولازم نرجع .. ابو شاكر ... اذا هيج لعد نصلي ونتوكل .. ليث .. ان شاء الله .. ليث ... الحزن الي بداخلي ماينوصف والندم اكلني صدك هاهية انتهينا اني وصال من ستة اشهر وماحاس بشي بسبب البلا الي جان بية .. وهي شلون گضت هاي الاشهر عرفت اني خطبت وراح ازوج لو ماعرفت مااعوفها ولازم الكاها بس ياليث بيا وجه تريد تلكاها ولكيتها شراح يصير انت باجر حنتك وعكبها عرسك .. استغفر الله ياربي .. نزلت دموعي واني احجي بداخلي ومتوجه للأيمام صدك بيوم راح انجمع بيها راح تسامحني راح ابقئ عايش علئ هذا الامل ...
****************************
اربيل الساعة 7:00 ليلا