عـشق الـجبـال (فصـليـة)

عشق الجبال(فصلية)

وهذا البارت لعيونكم حتئ متكولون مقصرة ويانا بس والله يادادة مريضة وعيوني راحن من ورئ وصال العنيدة وليث ابو راس يابس .. ياله نبلش حبايبي
********************************
عشق الجبال(فصلية) البارت 50
****************************
وصال ...مشت الايام وصار وقت نزول ليث والكل منتظر ليث ينزل صار العصر وليث مانزل اجازة اتصلو علية وبلغهم ماينزل عدهم انذار طبعا هو كلشي ماعندة بس بسببي قرر مايرجع للبيت بصراحة مو حلو البيت بدون ليث .. واسبوع يجر اسبوع واخر شي تحجج انو صار دوامة يومي ومايكدر يروح ويرجع الطريق بعيد اهلة شكو بالموضوع بس مادخلو بشي .. يومية يتصل باهلة كامرة ويطمنون علية ولايجيب طاريي  ولايسئل علية لاحضو هل الشي اهلة بس اسمع صوتة من يحجي وياهم وهذا الي مصبرني مانكر اني بديت احب ليث واتعلق بي رغم كل السوا بية وبعدة حاليا عني بس حبيتة يعني اجة الشخص الي كدر يحرك گلبي من جديد بعد حسام .. وصارت دورة السنة مال غيث وهم مااجة لان بلغهم هو راح يطلع من بغداد لنجف يزور قبر غيث لان تعذر بدوامة وانو الوضع تعبان ومايقبلون ينطو اجازة .. عدت الايام وصار ليث غايب عن البيت شهرين .. ام شاكر .. لامااتحمل بعد لازم يجي حتئ لو يعوف الدوام شنو ابني اشوفة بس بالكامرا وين صايرة هاي تخابرو هسة .. ابو شاكر... اهدي يامرة الولد شغلة مو سهل والوضع تعبان المهم دانطمن علية بخير .. ام شاكر .. ياخير ماشوف وجها شلون ذبلان عايش على اكل المطاعم لا مو الوضع تعبان اعرف ابني ليش هج من البيت .. ابو شاكر .. شبدينا كليلي شبدينا اابنج راسة يابس والعندة راسها ايبس منة لايقبل يعوفها ولايقبل يرجع شسوي هااا هاي اني حاير بيها .. ام شاكر .. بلكي على عرس شاكر يرجع ... شاكر ... دخل وياهم على الخط لاهم عوزة مايحضر عرسي المشية ماحضرها وعديتها اما العرس والله اجيبة من اذانة سحل .. طبعا هم بعد ماصارت دورة السنة مال غيث الله يرحمة خطبو لشاكر وزهراء ومهند عقدو محكمة ودايجهزون .. وكرار قدم على جامعة ودخل كلية القانون ابغداد طبعا ليث تكفل كلشي وهو قدملة بس بعدهم مامداومين .. وصال... شلون عايش وحدة هناك .. ومنو يكول وحدة اكيد عندة وحدة بحياتة طبعا وصال گ العادة تسئل واجاوب نفسها .. عزة بس لاصدك يعني معقولة ماعندة علاقة بوحدة هو هم رجال ويحتاج كلشي .. استغفر الله ياربي وتالي شلون وياج تبقين بهذا راسج اليابس لاحد ماتاخذة وحدة منج وترتاحين .. هوووف شسوي ياربي شسوي والله تعبت .. فرحة .. ها يبعد عمتك والله البيت خالي بدونك كافي عاد ارجع .. ليث .. عمة ليش اني ماتعبان بس هية ماحاولت حتئ تسئل عني .. فرحة .. شتسئل اذا تخابر كلهم كاعدين وانت ماتطلبها وتسلم عليها يايمة ليش هيج گلبك صاير حجر .. ليث ... حجريش ياعمة اني داموت على فراگها والله حتئ دااخذ شغل جماعتي في سبيل التهي وماافكر .. فرحة .. ترئ هية هم ضايجة واكثر من مرة اشوفها تصعد لغرفتك وتنزل عيونها حمر يعني شنو معناتها .. ليث .. تحبني بس تكابر تريدني بس كبريائها يمنعها يعني ماتريد تعترف بحبها مع العلم تعرفني احبها راح تخبلني .. فرحة .. ماعلينا عرس اخوك قرب بس لاعوزك هم ماتجي والله متحلفلك شاكر واليوم امك هم كلبت الدنيا .. ليث .. الله كريم عمة ياله ديري بالج على نفسج وعلى وصال .. فرحة .. انت انتبه لنفسك احنا ماعلينا شي .. ونهو المكالمة السرية الي دائما ليث يتصل بعمتة فرحة حتئ يطمئن على وصال بدون علمها ...( ااخ شمتاكلك يابو العيون المايطيحن گحلة) .....
البنات زهراء وملاك وصال وانظمت الهم الحية رحاب الي ماضيع فرصة اذا مااضايق وصال بيها واجتي فروحة انظمت الهم .. ملاك .. بنات لازم انجهز لعرس شاكر نشتري ملابس ... زهراء .. اي والله نشتري فساتين حنة وعرس .. شتكولين وصال .. وصال .. بس جسد كاعد يمهم بالها يم حبيب القلب .. زهراء .. ياا وصال وووصال.. وصال .. هاحبي شبيج .. زهراء .. شنو رئيج .. وصال .. بشنو ... زهراء .. يااا صار ساعة نحجي وين بالج .. ملاك .. حبي وصال ممكن تشكلين فيشة ويانة شوية .. وصال .. هاشبيكم وياكم هياتني ياله احجو .. ملاك .. واضح .. حبي دانحجي على عرس شاكر انريد نشتري فساتين حلوة حنة وعرس وانريد مساعدتج بالاختيار بأعتبارج بغدادية وذواقة ... وصال.. هههه ليش بس بنات بغداد عدهن ذوق .. رحاب .. والله مادري اليسمعج يكول ذوقهن لايعلئ علية .. زهراء .. اسكتي رحاب لاتنطين من يمج بالسم مالتج كلنا نعرف وصال بكلشي ذواقة .. وصال .. اي حبي عادي ترون تختارون من النت لو تطلعون لسوك .. ملاك وزهراء .. انشوف النت اول شنو بي .. وصال .. اوك شوفو اوني اساعدكم بالاختيار .. فرحة .. وانتي هم شوفي وصال مو بس البنات انتي هم لازم تشترين للعرس .. وصال.. محاجة عمة عندي هواي ملابس .. فرحة .. ماكو محاجة انتي زوجة ليوث لازم تطلعين گشخة ... رحاب .. هههه زوجة وزوجها هاج منها مايريد يشوفها اصلا .. فرحة .. رحاب ماتسدين حلكج لااعرف شلون اسدة الج .. رحاب .. خلي اكوم احسن بالنسبة الي مااحتاج مساعدة احد باختيار ملابسي اعرف شلون اختار لنفسي... فرحة ... بعد احسن تسوين فضل ... ملاك ... شكد غثيثة هل البنية .. زهلاء .. يربي من تحجي هيج بودي اكوم اگفشها من عطوبها .. وصال .. ليش كلامها صحيح ليث بسببي ترك البيت اخذت نفس قوي وزفرتة واحس غصة بگلبي .. ترخصت منهم وكمت رحت لغرفتي .. حتئ مالي نفس ارد على كلام رحاب ..... بالمطبخ دانجهز العشا اني والبنات .. ام شاكر .. وصال .. وصال .. التفتت عليها نعم عمة .. ام شاكر .. عوفي البيدج ولحكيني لغرفتي رايدتج. وراحت قبل مجاوبها وصال .. وصال.. باوعت لملاك وزهراء .. وهزيت راسي بمعني شكو .. ملاك وزهراء ..والله مانعرف روحي شوفي شكو .. وصال .. ماشي غسلت ادية لان جنت اسوي زلاطة .. ورحت لغرفة ام شاكر .. بلعت ريكي ودكيت الباب اجاني صوتها .. ادخلي .. وصال .. دخلت .. ها عمة محتاجة شي. أمريني .. ام شاكر .. سدي الباب وتعالي قريب علية .. وصال .. سويت مثل ماطلبت مني وكعدت مقابيلها .. ام شاكر .. وصال من اول مادخلتي لهذا البيت واني حاسبتج مثل بناتي مااذيتج يوم ولاسمعتج حجاية موزينة وجنت من ياذيج ليث مااقبل واتعارك وياابني علمودج وازعل منة .. وصال .. اي عمة ماسمعتيني بيوم حجاية تغثني واني حاسبتج بمقام امي .. ام شاكر ... زين يصير هيج اجازيني .. وصال ... باستغراب ليش عمة اني اسويت ... ام شاكر .. اذيتيني وصال واني گلب ام واحد دفنتة والثاني الي هو قطعة مني ومن ريحة اخو هاج من البيت ومااعرف شلون عايش شياكل شيشرب منو يغسل ملابسة شلون عايش اصلا .. وصال .. عمة ائذي روحي وماائذيح شلون تفكرين هيج شنو البيدي اسوي واني اسوي كلشي ولا زعلج وتعبج انتي الخير والبركة .. ام شاكر .. اريد ابني يرجع للبيت ورجعتة بيدج .. وصال .. بيدي شسوي اني حاولت امنعة وهو قافل تعرفين بي شكد عنودي ... ام شاكر .. انتي مو تكولين اني مثل امج .. وصال... اي والله .. ام شاكر .. البنت اضم شي علئ امها .. وصال .. لا ... ام شاكر .. راح اسئلج. واجاوبيني افتحيلي گلبج يمة اني داشوفج تعبانة .. وصال انتي تحبين ليث لو لا .. وصال ...  اخذت نفس قوي وزفرتة .. عمة اني مو بس احب ليث ني اعشق ليث اني ادمنت ليث .. ليث هو الرجال الوحيد الي خلة هذا الگلب ينبض من جديد .. عبالج مرتاحة اني ماانام الليل اذا مو قطعة من ملابس ليث بين احضاني واشم عطر ثيابة اني يومية اصعد بغرفتة ابقئ اباوع لصورة الي معلكة واعاتبة خلاني بمتحان صعب ..اني عايشة بصراع طول هل الفترة بين گلبي وبين كبريائي روحي تريدة كلشي بية تريدة وارجع واكول لا ليث قاسي وانتي وحدة عنيدة راسها يابس بس والله تعبت والله ياعمة تحجي وهي تبجي .. ورمت راسها  على رجل عمتها ام شاكر وهي منهارة من البجي وگانو جانت تنتضر احد يسئلها حتئ تفرغ الي كابتة بگلبها طول هل الفترة .. ام شاكر... وهي تمسح على شعرها يايمة اذا تحبينة كل هذا الحب عوفي هل الراس اليابس ليش اضيعين احلا ايام حياتج ليش يايمة ليشش بس اسئلج من استشهد خطيبج ماتندمتي من مازوجتي بسرعة ومااجلتي زواجج .. وصال.. طبعا تندمت اكلني الندم ... ام شاكر .. لعد يايمة ليش تخلين الندم يرجع ياكلج من جديد افرضي جزع من الانتضار افرضي اجت وحدة وقدمتلة كلشي هو ناقصة مالاكا وياج  واخذتة شراح يصير بيج هااا .. وصال.. رفعت راسها وضلت صافنة بوجه عمتها وعيونها مليانة دموع ..وصال .. بمجرد ماتخيلت الموقف وجعني گلبي شلون لو صار .. عمة شسوي هسة .. ام شاكر .. هو اكيد راح يجي لعرس اخو ومن يجي مايحتاج اكلج شسوين انتي جبيرة وفاهمة وعوفي العناد والكبرياء على صفحة اريد اشوفكم سوة .. سمعتي مااعيد كلامي بعد .. وصال .. صاار عمة صار .. ام شاكر .. الله يهديج يايمة .. خلت وصال وطلعت .. وتفكر بكلام عمتها تشوفة منطقي يعني ليش اخلي نفسي عمري كلة اعيش بالندامة .. رحت غسلت وجهي ورحت للبنات بالمطبخ .. وصال .. ياله بنات حتئ بعد العشا نشوف البيجات مال الملابس .. زهراء وملاك .. وحدة تباوع بوجه الثانية تعالي كولينا اصار ويا ام شاكر .. وصال .. بعدين مو وكتة ياله خلصن ..ملاك .. عجيبة هل البنية .. زهراء .. كملي كملي خلي نشوف تاليتها ... رحاب.. ليش من اراسلة مايرد علية والله خبلني كلبي طاك على شوفتة ياله بس المهم هو بعيد عن الفصلية هوووف شكد اكرها هل العكربة .. خلصو البنات العشا ورتبو المطبخ وتواعدن بغرفة زهراء ينجمعن .. وصال .. طلعت من غرفتي واريد اصعد للبنات تلكتني الحية رحاب .. رحاب.. اكول يافصلية .. وصال.. باوعت عليها بكل بهدوء وبرود .. رحاب .. انتي شوكت تنقلعين منا ليث وهاج من وراج ليش متفهمين مايريدج ولايريد شوفة وجهج .. وصال .. ابتسمت الها باستهزاء لكلامها انتضر عرس شاكر احضرة وبعدين اروح وهسة وخري من طريقي لان مالي نفس لااشوفج ولااسمع كلامج الاتفه منج .. وعفتها وصعدت للبنات .. وضلينا نگلب بالبيجات وشي احلا من شي .. اختارو البنات فساتين كلش حلوة للحنة والعرس... ملاك ... باعن ننطي اسم كرار ورقمة هو يستلمهن .. زهراء .. اي كرار يستلمهن .. (في غرفة فرحة مع اتصالها السري ويا ليث ) ليث 📱ها عمة شلونج شكو ماكو وصالي شلونها ..
فرحة 📱امم وصالك .. وصالك زينة بس بملامح حزينة
ليث📱 ليش عمة شبيها احد مضوجها
فرحة 📱 حزينة بسبب الشوك وهاي المكروصة رحاب ماتفوت فرصة اذا ماتذب بسمها على وصال
ليث📱 اخ بس الكف هاي رحاب الا ازوعها العافية الصلفة تراسل بية بس ولا اجاوبها تخليني اكرها بالزايد
فرحة 📱 ايا مگروصة شتريد منك تراسلك
ليث📱 تحبني غير عوفج منها لعد وصالي وين وشداسوي
فرحة 📱 من كون حبتها حية .. وصال فوك يم البنات دايختارن ملابس لعرس شاكر
ليث📱 هاا وصال هم اختارت شي
فرحة 📱 كتلها تكول مااريد بس كتلها مو بكيفج
ليث📱عمة عمار راح ينطيج فلوس انطيهن لوصال خلي شتريد تشتري امانة عمة اجبريها تاخذهم وتشتري الي يعجبها
فرحة 📱صار يمة بعيوني ..
ونهو المكالمة
ملاك.. وصال انتي شختاريتي .. وصال .. بعد ماعجبني شي .. زهراء.. ولجن باعن هذني الفساتين وصال شوفي يجنن والله يوالمنج دشوفي اختاري ..وصال.. شو راويني واوو تحفة هذا الاسود .. عجبني حبيتة .. ملاك.. هم اسود وصال شبيج .. وصال .. بابا الاسود فخااامة .. زهراء .. احجزي ياله .. وصال.. اوك .. ملاك .. باعن هاي الحية رحاب ابد لاتخلنها تعرف شختارينا خلي نشوف ذوقها باله ... زهراء .. اي اي الله عليجن بيوم الحنة والعرس ياله تشوف .. وصال .. هههه خطية يولن ... ملاك .. شوف هاي الفطيرة تكول خطية خايبة انتي الخطية ..

وتمر الايام بين تجهيزات للحنة والعرس والكل مخبوص .. فرحة .. وصال يمة تعالي .. وصال .. ها عمة .. فرحة.. هاج هاي الفلوس واشتري شناقصج .. وصال.. بس عمة اني مامحتاجة شي وعندي فلوس .. فرحة .. تامنت وتحلفت انو تاخذين هاي الفلوس وتروحين وياالبنات لصالون سوي كلشي .. وصال .. ابتسمت منين تامنتي وتحلفتي وغمزتلها .. فرحة .. همم تردين تعرفين علساس متعرفين .. وصال .. ههههه حتئ لو اعرف اريد اسمعها منك يحلو .. فرحة .. من حبيب الگلب .. وصال .. من كالت هيج مااعرف ليش گلبي دك .. بس كون هو يحضر عرس اخو .. فرحة .. يحضر يحضر لان مايكدر بعد على البعد هزة الشوك .. وصال .. تقربت لعمتها وتحجي بهمس مو بس هو هزة الشوك فروحة وهزني ويا .. وعافتها وراحت تركض لغرفتها .. وصال.. بعد هاهية مااضيع فرصة وابقئ بعيدة عن ليث هو يحبني واني احبة
--------------------------------
لهنا ويخلص البارت انتضرو البارت القادم حتئ نشوف شنو راح يصير بين وصال وليث وراح يكمل حب الجبلين ويعيشون حياة سعيدة لو القدر راح يلعب لعبة جديدة وياهم .. حبايبي لاتنسون التصويت والمتابعة وتعليقاتكم الحلوة ااحبكم 😘
لارين العامري
         أنامل كاتبة ✍️