عـشق الـجبـال (فصـليـة)

عشق الجبال(فصلية)

عـشق الــجبـال(فصـليـة) البارت(3)

خلصنا امتحانات بطلعان الروح لان بالي يم حسام ومااكدر اتواصل ويا باستمرار .. وخلصت السنة بحلوها ومرها وتخرج حسام من الكلية العسكرية .. وسوة حفلة اجنن اله والكل حضر خلي انوه ع موضوع بهاي الفترة الي دااحجيلكم بيها هاي الاحداث جان عمر منال 10 سنوات وعلي 7 سنوات كانو صغار واني 17 سنة كان عمري نجحت من السادس الاعدادي وطلعت معدل 73% لان جنت عايشة حالة حب 😂😂 اني من زمان ابالي قانون فنقبلت قانون وحسام حاجة خالتي ايمان علمود تحاجي ماما علئ موضوعنا حسام عندة اخوا واحد غسان اكبر منة مدرس رياضيات مزوج بس لسة مانرزقو باطفال واخت وحدة مروة هاي من عمري هم سنة اولئ طب اسنان مروة طيوبة وكلش احبها
ام حسام ... خية ام مازن اريد افاتحج بموضوع ..
ام مازن .. اي خية كولي
ام حسام ... خية اني رايدة وصال لحسام
ام مازن .. ياا يوم المنئ بس تدرين وصال اول سنة كلية ومقسومة نصين باعي منال وعلي بعدهم زغار هي الكم ومتصير لغيركم بعد مااخذ رأيها طبعا بس خية خليها هاي السنة تعدي وتخلص وهم حسام يستقر بوضيفتة وبيكم خير وتدللون وين الكا احسن من حسام ..
ام حسام .. زين خية اذا تم الرضئ والقبول خلي بس نقرأ الفاتحة حتئ وليدي يهيد ويرتاح ..
ام مازن ..ههههه والله ياخية تدللين اشور ابوها واخوها ونشور وصال واني اردلج خبر .. وانتهئ حديث الاخوات
ام مازن ⬅️ ابو مازن عندي موضوع وياك ...
ابو مازن ⬅️ كولي يانور عيوني
ام مازن ⬅️ ياحبيبي انت رحت فدوة لهل اللسان العسل.. اليوم اختي ايمان اجتي علينا وطلبت ايد وصال لبنها حسام ... اني حجيتلها اخوتها زغار وهي سنة اولئ كلية بس كالت بعد قبول ابو مازن حتئ لو بس نقرأ الفاتحة حتئ حسام يرتاح ...
ابو مازن ⬅️ والله ياام مازن حسام خوش ولد ومناسب لوصال بس وصال شنو رأيها بعدين يامرة تريدين توكفين قسمة البنية علمود الشياطين منيلة وعلوش ههههه
ام مازن ⬅️ لا يابو مازن مو هذا السبب الرئيسي اريد وصال تثبت بدراستها ومستقبلها اعرف حسام مايقصر بشي بس اريد وصال تثبت نفسها ...( وكأن قلب الام يعلم ماذا سيحصل بأبنتها)) 🥺
ابو مازن ⬅️ هاهية ام مازن سوي الي يريحج واسئلي وصال يجوز الها رأي ثاني ... الام ان شاء الله

ثاني يوم ...

ام مازن ⬅️ وصال ماما تعالي عندي مرضوع وياج ... طبعا وصال تعرف الموضوع شنو وشنو ردت امها لخالتها اجاها التقرير من الليل من حبيب الروح 🫣
سردت الكلام امها كلة وكان جواب وصال مؤيد لرأي امها ماحبت تعارض امها بشي ..
وصال .. صراحة كلام امي منطقي اثبت نفسي حسيت احساس غريب بوقتها ماعرفت اوصفة ...المهم تقرر قراية الفاتحة والخطبة رسمية يوم الخميس بحضور عمامي وعمتي واولادهم وبناتهم وصارت حفلة عائلية قرينة الفاتحة ولبسنا حلقات وكان اسعد يوم بحياتي
لبست فستان موف ضيق وطويل وبي فتحة من ورة بداية الفتحة وردة صدرة مسبع وربع ردن وكعب ذهبي ومكياج خفيف نازك وتسريحة شعري ع طولة بس بف نازك وخصل من گذلتي طلعت اجنن وحسام كان لابس طقم اسود وطالع يجنن واحتفلنا بوسط اجواء عائلية وجان احلا يوم بحياتي ❤️
مرت الايام بين دوام البيت وبدت امي تتعب وصحتها مو هلكد جنت احس نفسي مقسومة اكثر من قسم بين دراستي واخواني الصغار منال وعلي وبين امي المريضة والبيت اسو مقصرت بس هي صارت حامل بمنتظر وجنا فرحانين بحملها فمااخليها تساعدني اخاف عليها لان بصعوبة صار عدها حمل برغم هاي الزحمة الي بحياتي الاكنت اخر يومي الجأ لملاذي واماني حسام هو جان يهون علية كل هذا التعب بأهتمامة وحبة وحرصة علية جان يومية يجي ياخذني من الجامعة مايخليني ارجع وياالخط صرت اعشقة مو بس احبة وهو نفس الشي جان يكلي انتي الدنيا الحلوة الي تنسيني تعبي
حبايب تصويت وتعليق اتمنئ تدعموني حتئ استمر
ااااحبكـم
ننتظر احداث البارت الرابع 😘