عـشق الـجبـال (فصـليـة)

عشق الجبال(فصلية)

عشق الجبال(فصلية) البارت 53
---------------------------------------------
صباح يوم جديد....
****************************
ليث.. صحيت بوجه وصالي اباوع عليها وهي نايمة اتأمل بوجها شكد حلوة وهي نايمة وشعرها المنثور واتلمس بغصلات شعرها واقربهن الي واشمهن  ضليت صافن بوجها لأحد ماحستها بدت تصحئ ... وصال ... فتحت عيوني شفت ليث مخلي ايدة جوة راسة وصافن بوجهي ابتسمتلة صباح الخير حياتي .. ليث .. صباح العسل يااحلا صباحاتي صباحي اكيد خير لان صبحت بهل الوجه ... وصال.. من كال هذا الكلام تقربت وحضنتة وهو احتضني بكل قوتة وكانو اول مرة يحضني .. وصال .. بيش الساعة .. ليث .. ب 10 .. وصال .. يااا وطفرت لهيج وقت ضلينا نايمين .. ليث .. سحبها لحضنة وشعدنا كاعدين مو ب 5 الفجر ياله نمنة وغمزلها 😉 .. وصال .. گرصتة من ايدة للللليث لتسوي هيج حركات .. ليث.. ااخ ولج انتي ليش تگرصين واني شمسوي غير صدك ب 5 الفجر ياله خليتيني انام متقبلين تنامين واني اكلج كافي وصال خلي انام مضل وكت وانتي متقبلين .. ليث .. احجي وباوعت عليها لكيتها فاتحة عيونها مصدومة وضحكت من كل گلبي على منظرها ..  وصال .. من حجة الكلام الفوك .. وشافني شلون متفاجئة طكها بضحكة .. هاااي اني مخليتك تنام موو .. وجان اگرصة .. من گرصتة انكلب وصار فوكاية .. ليث .. ليش تگرصين ولج ماعندج اخوان متخافين عليهم لاهم احد يگرصهم .. وصال .. ههههههه لعد ليش اذبها براسي بگيفي ليثي وشسوي اسوي .. ليث .. ياروح ليثج كلي الج .. تذكرين وصال من گرصتيني من خاصرتي العن بليسج مو گرصة ضلت اسبوع مكانها ازرك .. وصال .. تضحك اي مستاهل ليش گصيت اظافري بالمگص ماكو مقراضة هههه .. ليث .. تدرين شي  وصال ... وصال .. شنو ... ليث .. بذاك اليوم من نايم فوكاج اوقص باضافرج وانتي جنتي مامهتمة حسيت بشي اتجاهج بس بوقتة ماعرفتة شنو .. وصال .. هو انت منحرف من يوم يومك .. ليث .. منحرف هااا هسة اشوفج الانحراف وضل يطبع قبلاتة على وجها ورقبتها ويضحكون .. وصال .. ليث صدك اريد اسئلك سؤال .. ليث .. رفع راسة وصارت عيونة بعيونها .. اسئلي حبي .. وصال .. من مرة ردت تگص شعري .. ليث .. اااي .. وصال .. يعني من كل عقلك جنت ناوي تگصة .. ليث .. اسكتي بيومها مشوفيني مقفلت الباب لان تمنيت احد يجي ويوگفني مايخليني اسوي هذا الشي لان تدرين اموت علئ شعرج ولسة خصلة شعرج مضمومة بأغراضي المهمة .. وصال .. منين اجتي الخصلة .. ليث .. انحزت بالمقص وانگصت .. وصال .. گرصتة گرصة اخرئ يعني لو ماجاية عمة فرحة جان گصيتة .. ليث .. لا مااگصة ههههه هسة شبيج وجهج انكلب تعالي حبيبي والله متندم على كلشي سويتة وياج واذيتج بي صدكي راح اعوضج .. وصال .. ليث احبك ... ليث .. اوووف شتعلت صفحتك مراد .. وصال .. ههههه صدك منو هذا مراد الشاعل صفحتة .. ليث.. ااااه هذا عضيدي واخوية الماجابتة امي وصندوق اسراري اليوم من نخلص ونزف شاكر انروح للمكان الكتلج علية ونحجي كلشي .. وصال .. تمام حبيبي .. ياله وخر خلي اكوم عيب عايفتهم وحدهم .. ليث .. ماكو وين تروحين انتي غير عروس واليوم صباحيتج .. وصال .. لا والله ترئ صار سنة مزوجين .. ليث .. مانعتبر هذيج الايام نمحيها من حياتنا بدينا من اول البارحة .. اخذ تلفونة واتصل علئ عمتة فرحة .. فرحة📱 يصباح العافية
ليث📱 بعد روحي صباحج عافية يل العافية واهلها
فرحة 📱 بعد روحي دقايق ويجيكم الريوك
ليث📱 لك فديت المدللني
ونهو المكالمة.. وصال .. ياااا ليث عيب عمتي اجيب الريوك للغرفة .. ليث .. حبيبي هي هاي تعليمات عمتي تريد نعيش كل الطقوس ياله خلي ندخل نسبح بين ميجيبون الريوك ..وصال .. اي ياله احضرلك ملابسك وكمل وادخل وراك .. ليث .. لاحبي ماكو هيج حجي ندخل ثنينة .. وصاال .. للللليث .. ليث .. ماكو ليث وشالها ودخلو للحمام .. (وانتو امشو خلي نروح بغير مكان )
***************************
رحاب ... داموت بسبب الي يصير والليل كلة مانمت كل شوية اوصل لاحد باب غرفتهم وگلبي يتكطع ليش هيج وانوب لساعة عشرة ونص والخاتون منازلة حاسبة روحها عروس وعمتي جهزت الريوك الهم .. شيصير لو اني الي يمة وباحضانة شيصيرر اااخ والله لبجيكم دم والله ...
............................................
مرت الساعات .. ابيت ابو شاكر بين لمة الاهل والاقارب وتجهيزات العرس .. وراح عمار ونورة اخذو العروس واختها زينب الي البارحة اكلت ليث بعيونها .. راحو لصالون .. البنات مراحو لصالون لان اليوم العرس راح يكون بالقاعة فكلهن راح يلبسن حجابات بس المكياج وهن كلهن فنانات بالمكياج .. وليث محتكر وصال بالغرفة مخلاها تنزل ولاهو نزل ..  ( وكأني اريد ان املأ عيناي بكل تفاصيلكي لأاعيش معهن في ليالي فراقك)  ....
وتستمر الاحداث ..  الشباب حبو يسوون فعالية بليث .. اجمعو كلهم اخوتة ولد عمة ولد خالاتة .. واخذو طبلة يدكون بيها وصعدو يم باب غرفة  ليث ويدكون ويرگصون ويهوسون حتئ العريس شاكر وياهم .. ويهوسون اطلع ولك اطلع ويهلهلون .. وصال .. سمعت اصواتهم وهوساتهم اباب الغرفة .. يمة متت من الخجل عزة عزة ليث شكد فشلة كلة من وراك مخليتنا ننزل شوف اسوو الولد واكمز ولك ليث اصرف .. ليث .. صعدو الشباب اني اعرف طبعهم هم كل واحد يعرس هيج يسوون بي وصال ضلت تطفر بالغرفة واني شبعان ضحك عليها ... ولج شبيج هسة بايكج اني غير مرتي انتي شبيج ميتة خجل دوكفي خلي اشوفهم .. وصال.. عزة عزة راح تفتح الباب لا ليث اوكف خلي اختل .. ليث ... يضحك عليها خبلة والله رحت فتحت الباب واشوفهم مجمعين ويدكون ويركصون طبيت وياهم على الواهسس واركص وياهم جانت اجواء اجنن .. وصال .. صرت ورئ صفحة الكنتور واشوف ليث كام يركص وياهم شبعت ضحك علية يابعد عمري انت اريد ربي يحفظك الي ومايحرمني منك ... صعدن البنات على الوهس وضحك صار ابفلس... يارب يديم هاي الفرحة عليهم عاشو حزن سنة علئ اخوهم ربي يديمهم لبعض حلوة خوتهم وحتئ علاقتهم ويا ولد خوالهم وخالاتهم وعمومتهم حلوة .. مهند .. شوفو ممصدك نفسة معرس راح يتسودن ليث ههههه... شاكر .. شايفين اذا سويتو بية هيج وخبصتوني بالقران اطلع ارميكم ويضحك .. ليث .. جايك الدور يابطل عود ارميهم .. خلصت الهوسة .. فضو الغدا .. وكل واحد راح يجهز نفسة .. وصال ..ليث لازم انزل اجيب كم غرض من غرفتي احتاجهم هسة .. ليث .. خلي وحدة من البنات .. وصال .. ليث شنو السالفة فوك اني منزلت ولاساعدتهم بشي انوب يكومن يخدمني وبعدين هسة كلهن مخبوصات يجهزن بنفسهن .. ليث .. اوك اوك روحي لاتتاخرين .. وصال .. لا مااتاخر .. وصال .. نزلت اريد اجيب غراضي من غرفتي محتاجتهم حتئ اجهز نفسي .. وتلكتني الحية رحاب .. رحاب.. هااا هسة ياله بينتي شنو مشايفة رجال وانتي مكضية عمرج بين الزلم .. وصال .. شتقصدين .. رحاب .. اي مو گاضية عمرج تشتغلين بين الزلم حاجية شي غلط .. وصال ... تقربت عليها ولزمتها من زندها اسمعي لج السانج اكصة اذا تحجين وياي بحرف زايد اشتغل ويا الزلم بس بشرف والكل ينضرلي انو اني ست وصال ومحد يعلي نضرة الي لان اني انسانة محترمة والاهم من هذا متربية مو مثل بعض الناس يباوعون لزلم المزوجين خاف قبل جنت ساكتة الج واعدي بمزاجي بي هسة لا لا اصحي اذا المح لمح تنضرين غير نضرة لزوجي لو تحاولين تتقربين ادفنج بارضج وجربي اذا حابة تتأكدين من كلامي .. ودفعتها حيل ياله ولي من كدامي ماريد اعكر مزاجي بطفيلية مثلج .. وخلت وراحت لغرفتها .. رحاب .. وهي تفرك بايدها ااخ ياحقيرة اشبعي هسة بي اذا مابجيتج دم وهججتج منا فلا اني رحاب
.......................................
وتستمر الاحداث
الكل اجمع وجهزو وصار وقت الزفة وطبعا وصال لبست الفستان الي اشترا الها ليث .. وليث لبس طقم اسود طلع يطك بالكاع بعضلاتة المفتولة وجمالة و وسامتة والكل مايقلون جمال واناقة من شباب وبنات .. انطلقت الزفة وحركو الشارع بعد عرس ابن الشيخ اجواء اجنن .. نضرات المحبين لبعض كانت اكثر جمال بين عمار ونورة .. وبين وصال وليث.. ومهند وزهراء .. وكرار الي عجبتة شووق وشوق هم لفت انتباها كرار وصارت بينهم نضرات وابتسامات .. وفي ركن اخر نضرات رائد لملاك الي عجبتة من اول يوم شافها بيها .. وهي هم تسرق نضراتها وتباوع علية ... حتئ الشيخ ابو شاكر هو وام شاكر كانهم كناريات ولاكانهم هم اجداد .. بس الحب ماعندة عمر محدد يبقئ يزهر بين المحبين ...
****************
وصلو القاعة ... وكانت الدخولية روعة .. اول مابدو برقصة العرسان وكل واحد شارك الرقصة ويا شريكتة واحلا ثنين كانو ليث وصال كلش كانو متقنين رقصة السلو وعيون الحاقدين تراقب وتتوعد وحتئ زينب اخت العروس ماشالت عيونها من ليث وصال ...وبدت حفلتهم الكل يركص وفرحان ...
وتستمر الاحداث ...
زفو شاكر للبيت بعد ماخلصت الحفلة وكان يوم اكثر من رائع ..ومن وسط الناس ليث خطف حبيبة قلبة وطلعو من البيت بس ام شاكر وفرحة يعرفون بطلعتهم حتئ يطمنون الي يسئل على ليث وصال... وصال .. وهسة وين رايحين .. ليث .. اصعدي راح نروح لعالمنا الهادئ بوحدنا ...وصال .. ابتسمت وصعدت ..وصعد ليث وشغل سيارتة وانطلقنا الطريق كلة ماسك ايدي ومشغل هيثم وكل شوية يبوس راحة ايدي ويهمس احبج .. ويغني وياهيثم يوسف ( اضعف گدامك بس انت واتمالك نفسي بالسكتة نظراتك تحرجني وانسئ وين توديني ليا مرسة ضايع عمري القبلك عشتة .. ويصيح ليث بصوت واضح اااي والله ضايع عمري القبلك عشتة ... كل عمري ضايع انه عشتة .. حبك خلا العالم وردي ...ويأشر على وصال ويغني .. غير عيونك انه شعندي .. ♥️♥️ حبك غيرني وخلاني حبيتك وحدك بس انت ♥️🎼 نضراتك تحرجني وانسئ وين توديني ليا مرسة .... ضايع عمري القبلك عشتة كل عمري ضايع انه عشتة ..🎵 حبك ضيعلي عنواني وعشت وياك بعالم ثاني عالم نساني خلاني جنة تنور بس بيك انت 🎶♥️♥️ نضراتك تحرجني وانسئ وين توديني ليامرسئ ضايع عمري القبلك عشتة كل عمري ضايع 🎶 ... وصال .. شفت كل الحب بعيون ليث وبتصرفاتة وفرحتة بتقاربنا .. دخلنا لمكان كلة بساتين وصلنا لمكان المقصود .. اباوع اشوف بيت بسيط وسط بستان .. وطبك ليث السيارة يم البيت والتف علية ياله خلي ننزل. وصلنا .. وصال .. هزيت راسي بمعنئ اي .. ونزلنا .. شبك ايدة بأيدي وتوجهنا للبيت دك الباب شوية وفتحت الباب مرة گبيرة بالعمر وجها نوراني .. وكالت ... يمة ليوث هلا هلا ومرحبا تفضل .. وباوعت لوصال بتفاجئ .. وكالت .. منو هاي الحلوة .. اشوف ليث باسها من راسها .. ليث.. ام سعدون .. هاي مرتي وصال .. ام سعدون .. بفرحة يايمة واخيرا هلا هلا وحضنت وصال وبوستها .. وصال كذالك بادلتها السلام .. ليث .. وصال .. اعرفج هاي خالة ام سعدون .. وصال .. اهلا وسهلا بيج خالة .. ام سعدون .. بعد گلبي يمة كل الهلا بيج تفضلو تفضلو زارتنا البركة .. دخلو ليث وصال .. وصال .. رغم بساطة البيت الا انو نضيف ومريح للنفسية وريحة البخور اجنن بي .. ام سعدون .. يعني سويت ومانسيت الوعد .. ليث .. شلون انسئ وعد وعدتة الج .. وصال .. يحجون واني مامفتهمة شي .. ام سعدون .. هههه البنت مامفتهمة شي .. ليث .. التفت لوصال .. حبيبي اني وعدت خالة ام سعدون انو بيوم الي احب وتدخل حياتي مرة اجيبها واجي عليها لان جانت دائما تحجي علية ازوج وازوج مگرعة راسي .. ومن سمعت الصار وياي جانت تحجي علية وماتقبل علية لان جنت كل مااذيج اجي يمها احجي واسولفلها .. ام سعدون .. جنت حاسة راح يجي يوم ويجيبج علية لان جان من يحجي اشوفة مهموم وطايح بحبج يم عيون حراگة .. وضحكو .. وصال .. بداخلي احجي يعني جان يتاذة من ياذيني التفت علية ومسكت ايدة .. التفت الي .. همستة انت احلا شي صار بحياتي بحلوة وبمرة .. ليث .. اااحبج وراح ابقئ للموت احبج وابد ماكو احد ياخذ مكانج .. ام سعدون .. اكوم اني اجهز العشا .. ليث .. لا خالة متعشين والله مو تدرين اليوم عرس شاكر... بس انريد جاي وصال راح اسويلنا الجاي .. وصال .. اي بعيوني اني كايمة اسوي الجاي وصال رحت للمطبخ هو بسيط وكل الاغراض مبينة ماشفت صعوبة حتئ الكة اغراض الجاي .. بديت اجهز بي .. خلصت واخذتة وشربنة الجاي واحنا نسمع لكلام ام سعدون كلش حلوة سوالفها .. ام سعدون .. ياله يمة اني اترخص نعست اعوفكم تاخذون راحتكم يمة وصال ذيج الغرفة كل الفراش بيها .. وصال.. صار خالة .. ام سعدون .. تصبحون علي خير .. وصال وليث... وانتي من اهل الخير .. ليث ... تعالي نطلع برئ المكان حلو .. وصال ..  ياله حتئ اسولفلي شلون عرفت خالة ام سعدون .. ليث .. موتدللين ياله مشينا .. وصال .. كعدنا برة جانت اكو قنفة بسيطة وكعدنا عليها ونتامل بعضنا بكل حب .. عشگنا واضح بعيونا .. وصال.. اي سولفلي على خالة ام سعدون .. ليث .. وهو لازم ايدها اي اسولفلج عليها ام سعدون مرة وحدانية عدها ولد ثنين .. وزوجها متوفي من زمان وبقت عايشة هي والدها بهذا البيت و استشهد ابنها سعدون .. الله يرحمة .. وبقت عايشة هي وابنها سعد .. سعد جان جندي عندي كلش خوش ولد وخلوق من جانت الاوضاع مو تمام جنا طالعين واجب وصار علينا تعرض واستشهد سعد مات بين ادية. ماجان ينطق غير بامة لسة اذكر گلماتة الاخيرة سيدي امي راح تبقئ وحدها .. ومن يومها كدرت اوصل لامة وضليت اتواصل وياها واشوف طلباتها .. وصال.. تكطع گلبي علئ قصة ام سعدون اباوع على ليث طلع جكارة وكام يدخن .. مسكينة هل المرة فقدت زوجها واولادها ثنين استشهدو هواي امهات مثل حالة ام سعدون قدمت ودلها للوطن الله يكون بعونهن .. تقربت علئ ليث .. وحضنت ايدة وخليت راسي علئ جتفة ..  ليث يومية اكشف بيك شي جديد ويومية احبك وراح احبك باجر اكثر من اليوم .. ليث... حضنها واني اعشقج وعشقي يزيد الج كل ثانية وباسها من راسها .. وصال .. اي بعد سولفلي منو مراد.. ليث ... هههه هذا عضيدي وصويحبي وصندوق اسراري .. وحجالها علية كلشي .. وصال.. هههههه حلوة صداقتكم الله يديمها .. ليث .. ويديمج الي .. وصال .. ااامين .. ليث .. اي وصال شوكت حسيتي باحساس غريب اتجاهي .. وصال .. كل لحضات والصدف  جانت تصير بينا جنت احس بشعور غريب شعور مفهمتة ابد .. يعني اني اول مرة احد ياذيني وماااردة ولا ائذي بكلمة ماجنت اسمح بهيج شي نهائي بس من جنت تاذيني مااعرف جان شي يمنعني من انو ارد عليك مع العلم  جنت اكدر ارد بس مااعرف ليش اسكت  شكد مااوصل مرحلة بالعصبية منك جنت اتماسك نفسي واني بطبعي مو هيج ابدا .. بس من جنا بالحديقة وطفت الكهربا وانت هديتني .. ليث .. قصدج حضنتج وغمزلها .. وصال .. ههههه اي هو هيج حسيت احساس حلو تعرف ليث بوقتها حسيت بالامان .. ومن تكرر الموضوع بالمزرعة .. تثبت احساس الامان بقربك .. ليث .. والقبلة .. وصال .. هههه هاي موضوع ثاني مالكيت نفسي الااجاوب وياك .. ليث .. تعرفين نفس الشي اني .. المهم اني هسة احبج واعشقج وانتي تحبيني وهذا كلش كافي .. وصال .. اي كلش كافي .. ليث .. نعستي .. وصال.. لا وانت .. ليث .. لا منعسان .. وصال .. اني اريد ابقئ مگابلة عيونك ماريد شي بعد .. ليث ... ااااوووف اوووف عيوني وصاحبهن كلهن الج وتحت امرج وحضنها بكل قوتة ..
في مكان اخر ...
رحاب .. ولج يمة شوفيلي حل راح اموت بعد مااتحمل اشوفها ويا وبين احضانة ولج يمة حب عمري .. سعاد... اصبري وكلشي تريدي راح يصير .. رحاب .. ولج يمة شوكت مو ماضل عندي صبر بعد .. سعاد .. غيري اسلوبج ويا وصال وبيني انو انتي رضيتي بأمر الواقع وتوددي الها حتئ تبتعد عنج كل الشبهات والباقي علية الااخلي محبس بايدج .. رحاب .. شراح اسوين .. سعاد .. بعدين اكلج الج الصافي بس اسمعي كلام وسوي الكتلج علية ....

على شنو تخطط رحاب وامها وشنو راح يصير هذا راح نعرفة بالبارت القادم لاتنسون المتابعة والتصويت وتعليقاتكم الحلوة لان بكم استمر اااحبكم 😘

لارين العامري
                      أنامل كاتبة ✍️

وصال وليث 👇👇👇

تنويه.. حبايبي راح اغير صورة حسابي مو اتيهون صفحتي 🫣😘😘
👇👇 راح اخلي هاي ♥️