عـشق الـجبـال (فصـليـة)

عشق الجبال(فصلية)

عـشق الــجبـال(فصـليـة)البارت(11)
يوم جديد ... ردو خبر لبيت الشيخ ابو شاكر بخصوص الفصلية بس طلبو من الشيخ اسبوع بين ماتصفي شغلها وصال وطبعا شرحو الوضع لشيخ ابو شاكر وطبعا الرجال تفهم الموضوع وافق انو الجمعة الجاية تكون الفصلية بيت الشيخ ...// في بيت الشيخ ابو شاكر والكل مجتمعين الصبح ..ابو شاكر// الناس ردو خبر والفصلية الجمعة الجاية عدنا .. شاكر // خير ان شاء الله بس ليش الجمعة بوية .. ليث// اي ليش الجمعة ليش مو اليوم لوباجر .. ابو شاكر// بوية البنت لازمة شغل ابوها وبين ماتصفي وتخلي مسؤليتها هم ياله تلحك تفض شغلها بهل الاسبوع .. شاكر// باستغراب ليش بوية هي شنو هاي البنت حتئ لازمة شغل ابوها .. وليث متفاجئ من كلام ابو ... ابو شاكر // البنت محامية وهي لازمة الامور القانونية لشغل ابوها .. شاكر // هنا الحجي البنت واصلة .. ابو شاكر// اي ياابني ..وانت ياليث مافكرت بالموضوع .. ليث صافن بغير مكان يسترجع الاحداث واذكر المحامية اي وكفت بوجها بالمستشفئ .. ابو شاكر // بوية ليث مواحجي وياك وين صافن.. ليث // اي بوية شنو جنت تحجي اعتذر صفنت بشغلة .. ابو شاكر // داكلك فكرت بموضوع الفصلية .. ليث// بوية اني هسة راح التحق وان شاء الله خير. اترخص منكم طريقي طويل ان شاء الله الجمعة اني يمكم بحيل الله ... الكل الله وياك محروس ... ليث // طلعت واني بالي مشوش اتصلت على عضيدي مراد هذا رفيق الروح وضابط وياي.. ليث 📞 الو هاضلعي شلونك .. مراد📞 هلا بالحبيب الحمدلله انت شلونك.. ليث📞 ماشية بس رايد منك خدمة .. مراد📞 ابشر الروح الك ... ليث ..نطيت معلومات على اهل الفصلية وطلبت من مراد انو يجمع اخبار ومعلومات عنهم ونهينا المكالمة .. واني متوجه لدوامي ابغداد والف حسبة ابالي ....
......في مكان اخر ......
وصال //اتصلت على صديقتي اسماء علمود نكمل شغلة الوكالة تواعدنا مقابيل المحكمة ... صعدت سيارتي وتوجهت للمحكمة نخلص كم شغلة واسوي وكالة عامة الها وبعدها لازم ارجع لشغل لان عدنا اجتماع بهذا الخصوص .. كملنا اني واسماء كلشي وتوجهنا لشركة علمود الاجتماع وحتئ اسلم المسؤلية لأ اسماء كدام كل الكادر والموظفين .. وصلنا الكل استقبلني وجوهم حزينة بالاخص الموظفين الي يشتغلون وياي يعني موظفيني اجتمعت بيهم بقسمنا وحجينا ودعتهم والكل جان حزين .. وصال// ماريد شي يتغير تبقون وكأني موجودة وياكم كلها مسئلة وقت وراجعتلكم اريد تكونون كد الثقة واني اعرفكم كدها اسماء راح تكون بمكاني بس الاصح كلكم بمكاني كلكم وصال ... الكل .. اطمني ست وصال واحنا ننتظرج .. وصال //وشغلكم الي مكلفتكم بي بخصوص خالد لاتستهينون بي .. كرم // ست وصال تروحين وترجعين بالسلامة من ترجعين تلكين كلشي جاهز مراح نتهاون ... وصال// وهذا عشمي بيكم .. ياله نتوكل عدنا اجتماع .. تفضلو ... وصال// دخلنا للاجتماع وسلمت الامور القانونية لزميلتي اسماء وهناا جانت الصدمة انو عمي باسم وابنة خالد اعترضو على القرار وصارت مشاجرات بيناتنا وطبعا اني گ العادة مااسكت لخالد .. خالد// شنو تتصرفين بكيفج ست وصال اصور احنا شركاء هنا ومو من حقج تسلمين هذا المنصب لأحد قبل ماتتفق علية كل الشركاء .. وصال// خالد اول شي هذا مواختصاصك ثاني شي اني هم شريكة وياكم واكدر اخلي احد من طرفي يدخل بالامور المالية الي انت مسؤل عنها وثالثا والاهم هي مسئلة وقت واني راجعة لشغلي .. خالد// ههه مسئلة وقت انتي واعية شنو تحجين انتي رايحة فصلية تعرفين شنو فصلية ... ابو مازن // بعصبية وصوت رج المكان خاااااالد احترم نفسك واعرف شنو تحجي وصال راح ترجع لمكانها وشغلها لو اعرف ابيع عمري مااخليها بهذاك المكان وابالك ثم ابالك ياخالد تنطق كلمة فصلية .. خالد// عمو اني مااقصد اجرح احد بس هذا واقع ... ابو مازن// واقعك وتخيلك وضنك انت بس الموضوع انتهئ كل واحد على شغلة اسماء بمكان وصال بين ماترجع تفضلو ... وصال// سم بدني بكلمة فصلية انتي فصلية تخيلت انو راح اروح لقبري وماكو رجعة حالة من اليأس والخذلان معقولة هذا عود ابن عمي اول المشمتين سهلة ياخالد سهلة .. صار وجهي بوجه خالد .. مااعرف ليش طلعت مني هل الكلمة راجعتلك ياخالد راجعتلك ... مااعرف صحيح راح ارجع لو هاهية هاي نهايتي
نكمل الاحدث بالبارت القادم 😘 لاتنسون التصويت والمتابعة حتئ توصلكم نشر الرواية احبكم