عـشق الـجبـال (فصـليـة)

عشق الجبال(فصلية) البارت 66 والاخير

عشق الجبال(فصلية) البارت 66 والاخير 🍂
.......................................................
وتستمر الاحداث ...
ليث .. بديت اربط الاحداث والوقت شفت يعني قابل ازوجت وهي بعدها بالعدة معقولة اسويها .. رحت لروضة ودخلت سلمت علئ المديرة وحاولت استفسر .. بالبداية جانت رافضة تتعاون وياي لان تكول هاي امانة واحنا مسؤلين عنها .. بعد ماعرفت اني ضابط .. لانت شوية .. المديرة .. شنو تريد تعرف .. ليث .. اريد الاسم الثلاثي لطالب سجل جديد عدكم .. المديرة .. شنو اسمة .. ليث .. اسمة قسورة .. المديرة .. دورت بالسجلات ..ماكو هيج اسم عدنا .. ليث .. تاكدي زين .. المديرة .. والله هاك تريد تشوف السجل بنفسك .. ليث .. زين ام الطفل اسمها وصال عدنان وهي محامية .. المديرة .. اهااا ابن الست وصال .. ليث .. اي اي ابنها .. المديرة .. استاذ الله يخليك ست وصال منبهة علينا بخصوص ابنها اي معلومة منكدر ننطي.. ليث .. رجعنا لنفس الموضوع داكلج اني ضابط وشفتي هويتي واني جاي بشغل ليش تعطلين شغلي يعني ليش تعرضين نفسج وتعرضين روضتج لسين وجيم .. المديرة .. اوك بس من فضلك مااريد احد يعرف اني انطيتك معلومات ابن ست وصال .. ليث .. اطمني .. المديرة .. اسم الطالب .. غيث ليث عماد الحارث ... العمر 3 سنوات ونص .. ليث .. انصدمت من سمعت الاسم هذا ابني اي اي هذا ابني ومسميتة علئ اسم المرحوم غيث .. ماعرف شنو صارلي بهاي اللحظات شعور ماينوصف ... زين ست ممكن اشوفة .. المديرة .. اعتذر استاذ لان الروضة كلها كامرات والكامرات حتئ عد الاهالي ارجوك لاتسببلي مشكلة ... ليث .. تمام شكرا ماقصرتي واستاذنت منها وطلعت .. اتصلت بمراد .. ليث📱 الو مراد طلع ابني مراد قسورة طلع ابني وصال ضامتة علية
مراد 📱 ليث بس اهدئ انت وين ..
ليث 📱اني رايح علئ وصال اليوم الدنيا اكلبها عليها
مراد 📱ليث لاتتهور تعال لشقة خلي نتفاهم ونصرف بهدوء
ليث 📱هدوء مراد تكلي هدوء لك ضامة ابني مني تعرف عمرة 3 ونص
مراد📱 ليث اسمع كلام وتعال لشقة نتفاهم اكيد اكو سبب خلاها هيج اتسوي
ليث📱 تمام جاي جاي .. ونهو المكالمة ...
وصال .. اجتني رساله فتحتها لكيتها من خالد ... مكتوب 👈(( حضري نفسج وشوفي شلون راح تخلصين من ليث من يعرف ابنة ضامتة منة دبريلج عذر لان ليث اتوقع هسة عرف گلشي )) وصال .. انصدمت من الرساله معقولة توصل بي الحقارة لهاي الدرجة يحاربني بابني .. طلعت من البيت بسرعة ورحت لشركة جان ضياء موجود بالشركة .. شافني اجة يركض .. ضياء ... شبيج وصال صاير شي ليش هيج معصبة ... وصال .. وينة خالد الكواد ويننننة ..ضياء .. شنو اسوة ضياء تحجي وتمشي سريع متوجها لمكتب خالد .. تلكتنا السكرتيرة ... ممنوع ادخلين .. وصال .. انتي انجبي واكعدي بمكانج ماحافظة بس هاي الكلمة .. ضياء .. من حجت وصال هيج وياالسكرتيرة كوة لزمت نفسي من الضحكة .. وصال .. فتحت الباب بقوة ولك ياحيوان حتئ الطفل ماسلم من شرك واريد اتهجم علية بس لزمني ضياء ... وصال .. وخر ضياء خليني املخة بدية لك ياحيوووووان سااافل .. خالد واكف ورئ المكتب متفاجئ بوصال وشلون تهجمت علية .. ضياء ..  كوة لازم وصال تريد تهجم علئ خالد اخر شي واني لازمها رفعت رجلها ونزعت حذائها تكرمون بحركة سريعة وشمرتة علئ خالد .. مو وصال انكلبت لبوة بذيج اللحضة فاجئتني بالحركة الاخيرة من شمرت حذائها علية .. مادري شسوي اباوع علئ خالد بس فاتح عيونة مانطق حرف .. ضياء .. وصال دكافي عاد خلي افتهم شصاير ... وصال ... خلي يكلك هذا الحيوان شمسوي شوف ياخالد والله ثم والله الا اخليك تبوس قنادر وخليتك براسي ياابو المخ**درات وتجارة الاس**لحة. ضياء ... وصال تخبلتي .. وصال .. خلي يجيب حذائي.. شمر خالد الحذاء من بعيد اخذتة وصال ولبستة .. خالد.. هو ابو شكو ضامة الولد عن ابو ..  وصال ... من تفوووو عليك مااعديها الك بسيطة ... وطلعت .. ضياء .. تعالي بس اكعدي فهميني ..وصال .. انطيتة الرساله هاك شوف .. ضياء .. قرأ الرسالة شكد نذل .. وصال.. اخذت التلفون واتصلت بالروضة .. جاوبتني المديرة .. وصال📱 الو ست احلام راح اسئلج سؤال واحد لو اي لو لا بدون كذب ارجوج
ست احلام📱 بارتباك تفضلي ست وصال
وصال📱 اجة احد اليوم سئل عن معلومات غيث
ست احلام 📱 ست وصال. كالي ضابط وشوفني هويتة وخفت منة
وصال📱 يعني اجة
ست احلام 📱اي
وصال سديت التلفون وصال .. ضياء ليث رايح لروضة وسائل عن معلومات غيث .. ضياء .. ليش خايفة كومي خلي نروح نجيب غيث مو الروضة .. وصال .. ياله فدوة ...وصال.. طلعنا بسرعة تونا انريد نصعد السيارة مااحس غير صوت بريك قوي انتبهت سيارة ليث بلعت ريكي .. ضياء صار بصفي .. نزل ليث من سيارتة وركع الباب قوي واجة يمشي سريع .. ليث .. امشي اصعدي بالسيارة .. وصال.. ليش اصعد ومااصعد ..ليث.. وهو صاك سنونة امشي اصعدي لااسوي فضيحة هنا الها اول ماالها تالي ..ضياء .. اشو ماتصعد شنو ومنو انت حتئ تصعد وياك .. ليث ... حاطتلج بديكارد لو هذا حبيب القلب .. وصال .. احترم نفسك ليث واحجي عدل ..ليث .. صاير نار جريتها من ايدها بقوة داكلج لاتناقشين اصعدي لااسويلج فضيحة هنا ..ضياء ..من شفتة هيج اصرف وياوصال سحب سلاحي وجهتة علية نزل ايدك منها لااكسرها شنو انت محد بعينك .. وصال .. من شفت ضياء رفع سلاحة بوجه ليث عقل ماضل براسي ..وصال ... ضياء لا نزل سلاحك فدوة نزل سلاحك ... ليث.. هه تمشين لو لا .. وصال ... خلاص خلاص ضياء نزل سلاحك وانت روح للمشوار بوحدك وروح للبيت .. ضياء .. بس وصال..وصال ..قاطعتة ضياء من فضلك .. نزل سلاحة ضياء وليث اخذ وصال وصعدها بسيارتة وتحرك مثل المجنون من العصبية .. فجئة داس بريك اني اركع راسي بالدشبول .. وصحت اااااه .. ليث .. من دست بريك وانركعت وصال براسها وعاطت گلبي طار عليها ياربي رغم گلشي وبعدني اخاف عليها وبديت اصيح عليها ليشش مخليتي حزام الخرا هااا تقربت عليها صارت انفاسنا قريبة وخليتلها حزام الامان ..  وصال ... ليث بلا خبال لتمشي هيج بالشارع .. ليث ... انتي خليتي بية عقل ولج خليتي عقل .. طبعا يحجي بصياح وصاير نار ... وصال .. اني تهسترت من تصرفاتة اني كلت اليوم نهايتي علئ ايد ليث ...وبديت اصرخ كاافي كااافي وخالة ادية علئ اذاني واصرخ لتصرف هيج انت شنو تريد اسوي ... ليث .. انفعلت وبدت تصرخ .. صديت عليها اااششششش لاتصرخين وفري صراخج لمانوصل اااشششششش ..  وصال .. وصلنا لشقتة .. نزل ودار من جهتي وفتح الباب وخر الحزام وجرني من ايدي بقوة وصاح انزلي .. اخذني اجرجر لحد باب الشقة فتح الباب ودخلنا وسدة وقفلة .. اني هنا نقطة دم مابقت بية بلعت ريكي .. وصال ..انت شتريد ليش جايبني هنا .. اباوع علية عروكة باينة من العصبية عيونة دم وجه احمر بصراحة خفت منة ... ليث .. بس اريد اسلج ليشششش ولج ليشششش ليششش ضميتي علية ابني ولج گلبج مانكسر واني كدامج قبل اسبوعين اتوسل بيج حركتيني حررك هااا ليشششش حرمتيني من ابني ابني من صلبي بأي حق تحرميني منة وصاح بصوت عالي بحيث فزت وصال من الصوت  احجي جاوبي ... وصال .. هذا ابني اني انت تخليت عنا  لو نسيت لاتحاسبني حاسب نفسك ابنك انت كتلتة بيدك بسبب افعالك وعصبيتك الزايد وخليت حتئ رحمي يتضرر اني جان حتئ غيث خسرتة بسبب اصابتي الي بالرحم الي صارت بسببك بس رحمة الله ودعاء اهلي الله نجاني اني وابني اني ولدتة حتئ اشهرة مكاملة بسبب اذيتك هسة جاي تكلي ابني ..ليث ..صاير وراها مراية جبيرة تقربت عليها وهذا يمنع تكولين عندي ابن هااااا هذا كلة مايمنع ..وصال .. لايمنع هذا ابني انت تكدر تزوج وتخلف اكثر من طفل بس اني بعد مااكدر اخلف رحمئ بولادة غيث تضرر اكثر من الاول وانحرمت من الخلفة ..ليث .. طار عقلي ولج لوتدرين اني الطفل اريدة منج ماريدة من غيرج وضربت المراية الوراها كل قوتي وتفلشت بيدي .. خلت اديها علئ راسها وصرخت ااااااااااه .. ماخليت شي مافلشتة من العصبية ...واصرخ وهي بس مخلية اديها سادة اذانها وتبجي وتصيح كاافي ليث كااافي والله اني جنت راح اكولك انت ماتعرف اني من رجعت لبيت اهلي شلكيت كدامي ابوية مشلول شركتنا ضايعة خالد مدمرهم دمار .. ليث ... وشوكت جنتي ناوية تكوليلي هااا من تزوجينة تعزميني بعرسة ..وصال .. والله هاي الايام جنت ناوية احجيلك كلشي .. بس بس خالد انتقاما مني خلاك تعرف بهاي الطريقة ..ليث.. تقرب عليها وحصرها وياالحايط وصار كلش قريب اني مراح ارحمج اني ابني اخذة بالمحاكم بالعشاير  واحرمج منة مثل ماحرمتيني منة .. من حجة هيج اني تخبلت كمت اضرب علئ صدرة وادفع بي واضربة واحجي لامو بكيفك الحضانة من حق الام وعندي تقارير علئ اصابتي بالرحم بسبب ضربك الي واني اجهضت طفل قبل غيث .. اذا تريد محاكم اسويها محاكم تريدها بالعشائر هم اسويها بالعشائر لاعبالك اخليك تاخذ غيث مني .. ليث .. ضلت اضرب بية علئ صدري وادفع بية وتحجي .. خليت ايدي بشعرها ولزمت شعرها بقوة وسحبت راسها علية حيل بحيث انفاسنا اختلطت ضلت مرتبكة بس عيونها بعيوني .. حجت من وسط الصمت بصوت مبحوح اذا تريد تاخذ غيث وتحرمني منة موتني بيدك اضربني بمسدسك طلقة واخذة لان بس الموت يبعني من غيث ... ليث .. بعدنا قريبين من بعضنا وانفاسنا مختلطة ودموعها ماوكفن وحجت هذا الكلام .. احس شي صعد براسي اذاني كامت اتوش احس شي حار نزل من خشمي .. وصال.. هو بعدة ساحبني من شعري ومقربني علية ماحسيت غير دم ينزل من خشمة بغزارة تخبلت راسا خليت ايدي علئ خشمة د د دم ليث خشمك دينزل دم من ارتخت ايدة مني ركضت ادور كلينس منشفة جبت منشفة وضليت امسح بالدم مداينكطع كوم ليث فدوة كووم كووم اخذك للمستشفئ ليث كعد علئ الكرسي وارتجئ ماكو اي صوت اله اباوع ايدة تنزف .. اجر بي بس كوم فدوة غمض عيونة اني تخبلت .. ل لي ليث .. ليث فتح عيونك لا تغمض بس كوم فدوة كوووووم وضليت اصرخ علية ليث بداعة ابنا فتح عيونك وكوم خلي نروح للمستشفئ ايدك داتنزف وخشمك بداعت قسورة كووم .. ليث.. اسمع صراخها علية وتتوسل بية افتح عيوني واكوم بس اني كل حيل مابية حلفتني بأبنا مغمض واسمعها تحجي كوم حبيبي كوم يروحي لاتسوي بية هيج ..  وصال.. ركضت علئ تلفونة خليت اصبعة وفتحت البصمة انفتح الشاشة مخلي صورتي خلفية الشاشة ضلن دموعي يصبن ..دخلت علئ المكالمات شفت اخر اتصال جان ويا مراد اتصلت بسرعة .. مراد📱 ها حبيبي ليوثي
وصال📱 اخوية ممكن تجي لشقة ليث مو زين مااكدر اسوي شي بوحدي
مراد📱 شنو شبي ليث منو انتي
وصال📱 اني وصال زوجتة السابقة عفية فدوة تعال لايصير بي شي ..
مراد📱 جاي مسافة الطريق .. ونهئ المكالمة
وصال .. شديت ايد ليث .. بس هو مغمض مايدري بكلشي ليث ليث لتسوي هيج بية قسورة محتاجك. فدوة فتح فدوة فدوة اااااااه اكعد ااااكعد لاتعوفني وتغمض انترست ملابسي دم وادية ..صدك ماطول مراد وصل دك الباب ركض رحت فتحتلة شافني كلي دم يباوع الصالة متفلشة ..مراد .. هاي اصاير وين ليث ..وصال .. جوة فدوة خلي ناخذة لمستشفئ .. ركض مراد علئ ليث حاول ينهضة كومنا كوة يحرك رجلة بالشافعات ياله وصلنا ليث لسيارة وانطلقنا للمستشفئ ..وصلنا بسرعة دخلنا استلمو الممرضين ودكتورة ..الدكتورة همزين خشمة نزف دم لو نازف خشمة جان انجلط وايدة خيطنها عندة العافية .. وصال .. كعدت انهاريت من البجي .. مراد.. هسة ياخيتي ليش البجي مو اطمنا علية الحمدلله اجت سلامات ..وصال .. كلة بسببي اني السبب  جان انجلط بسببي انت ماشفتة شلون جان عصبي .. مراد .. حقة ماتعرفين شنو الي مر بي ليث بغيابج اني من الناس جنت اكلة ازوج وعيش حياتك وهو جان رافض .. وصال .. كمت دااريد اشوف ليث .. لكيت ممرضة يمة تخليلة الابرة بالمغذي .. الممرضة .. عندة العافية .. وصال .. الله يعافيج .. تقربت علية وهو مغمض مسحت جبينة وشعرة بيدي شكد مشتاقتلك ماجنت اتمنئ هيج يكون لقائنا تحجي بهمس وبصوت مبحوح ومراد واكف بالباب ويباوع عليهم ..رغم السويتة بس ماكرهتك بالعكس حبك زاد بعد مااجة غيث لدنيا غيث الي مصبرني علئ غيابك .. اعرف غلطت من ضميت غيث وماكتلك علية بس والله موبيدي ... ليث .. اني صاحي بس مغمض مسوي روحي نايم وسمعت كل حجيها اسمع تحجي وتشاهك .. ردتها تسكت لان هواي بجت من جنا بالشقة ولحد حسة اخاف علئ غاباتي من البجي سويت نفسي صحيت .. هي مسحت دموعها فتحت واول شي شفتة عيونها .. يموتن .. اشرت لمراد عود تعال اجة مراد هية صارت علئ صفحة .. ليث.. طلعني منا تدري اختنك من ريحة المستشفئ .. مراد .. اي بس خلي يخلص المغذي ونطلع ...
ضياء ... اخذت قسورة من الروضة ورحت للبيت .. عفاف .. لعد وين وصال .. ضياء .. ضليت ساكت .. عفاف.. ولك ضياء يمة وين وصال.. ضياء .. عمة وصال راحت وياليث .. عفاف.. شنوو .. ضياء .. اي عمة ليث عرف بابنة عن طريق خالد جنا طالعين اني وصال من الشركة واجانة لباب الشركة وهو معصب اخذ وصال وراح حاولت امنعة بس وصال وگفتني وراحت ويا .. عفاف .. ضربت علئ خدها صخام الصخمك خالد الله لايرضئ عليك .. ابو مازن .. اجيت علئ صوت عفاف شكو اصاير .. حجتلة عفاف .. ابو مازن .. لاحول الله يارب يعني ياخالد لهل الدرجة توصل نذالتك .. عفاف .. ليث شراح يسوي بوصال اتصل بيها ابو مازن خاف يأذيها .. ابو مازن .. لا ماياذيها هو المتأذي حاليا خلي يتفاهمون .. ضياء .. عمي ماشفتة شلون جان معصب وصاير نار .. ابو مازن .. حقة ياابني حقة .. خلي اتصل بيها .. اتصل ابو مازن علئ وصال ماكو رد اكثر من مرة اتصل ماكو رد ضياء اتصل هم ماكو رد صار توتر بالبيت .. ضياء .. مااعرف وين اخذها جان رحت .. اني صوجي ليش مالحكتهم .. وصال تاركة تلفونها بالشقة مالحكت تاخذه من الارتباك .. لهذا ماكو رد من يتصلون ....
مراد.. ياله ليث بيك حيل تكوم لو اجيبلك عربانة .. ليث .. يباوعلة صفح ليش شبية مكسر حتئ مابية امشي دمشي امشي من كدامي لاابتلي بيك .. مراد.. هههه شتبتلي هم غير مطلعين دمك طلعت وصالك موقليلة مشلفطتك اتشلفط هههه.... وصال ... سمعت مراد شيحجي تقربت علية لالا انت فاهم غلط ترئ هو شلفط روحة اني مدخلني باي شي.. مراد .. شبع ضحك علئ رد وصال ..  ياله انهض يخوي .. طلعنا من المستشفئ ورجعنا لشقة .. مراد .. باله بربك هاي الهوسة والكزاز منو راح ينظفها .. ليث .. هي تنظفة وياشر علئ وصال .. وصال .. واني شعلية حتئ انظفة .. ليث .. لان بسببج كل هذا صار .. وصال.. لا ليش متكول انت متهور وكلشي عندك بالعصبية والصياح والتكسير .. ليث .. ولحالي عصبت هااا لحالي احجي .. مراد .. الله اكبر الله اكبر انتو شبيكم مثل الديوكة متناكرين راح ترجعون تعيدون العركة ماكو شي بعد تكسرونة عمي اني انظفة بس اسكتو .. وصال .. التفتت  ادور تلفوني لكيت ابوية متصل وضياء .. اتصلت علئ ابوية ...
ابومازن 📱الو وصال وينج بنتي ليش متردين
وصال📱 اسفة يابة والله التلفون مجان يمي
ابو مازن 📱 انتي وين
وصال📱 يم ليث
ابو مازن 📱انتي زينة بنتي احجي لاتخوفيني
وصال📱 والله مابية شي بس خلي نتفاهم واجي
ابو مازن 📱 بنتي لاتتهورين وصلحي الامور غيث محتاجكم ثنينكم كبري عقلج
وصال📱 تمام لايضل بالك حبيبي بيباي .. ونهو المكالمة ...
وصال .. اباوع علئ ليث عاقج حواجبة والجكارة بيدة .. مراد .. ليث عندك بالثلاجة ليمون .. ليث .. مادري شوف .. وصال .. اني راح اشوف وين المطبخ .. اشرلها مراد علئ مكان المطبخ وراحت .. لكيت ليمون وبرتقال طلعتهم وبديت اسوي عصير لشيخ ليث .. مراد .. ليث .. ترئ مو هيج مابيها داعي هاي الاعصاب لو مأذيها جان اسويت .. ليث .. لو نيتي ائذيها ما فلشت الشقة جان هذا الضرب بيها اني مااكدر ائذيها اذيت نفسي حتئ ماائذيها.  مراد .. انت تحبها وهسة طلعت ام لابنك وابنك محتاجك مثل مامحتاجها كبر عقلك واوصلو لحل مايئذي هل الطفل .. ليث .. واذا هي عاندت تدري راسها يابس شسوي بهيج حالة كلي .. مراد .. راسها يابس وعنودية بس تعشقك لاحد الجنون اني شفت هذا الشي اليوم وتاكدت همزين ماسمعت كلامي واتزوجت .. ليث .. هو اليسمع كلامك يطيح حظة .. مراد .. مو دائما يول .. اجتي وصال جايبة عصير وقدمتة لـ ليث ومراد .. مراد .. تسلمين خوية .. وصال .. الف عافية .. مراد .. لعد انتي وين العصير مالتج .. هااا مسويت لان مكفة .. اني مو هلكد وياالعصير .. ليث .. اي هي سيدة اعمال ومن طبقة مخملية ماتشرب عصاير تشرب گهوة وهذا سبريسوو مدري شسمة .. وصال .. شنو هذا سبريسوو اول مرة اسمعة .. مراد .. العن يومك فضحتنة دلفظة عدل .. ههههه .. خوية اني اكوم اروح عندي شغل وهذا العصير انتي اشربي لان لازم تروق اعصابج اتركم وحدكم  وتفاهمو .. وصال .. وهاي الهوسة تبقيها هيج .. مراد .. خرب بحضي انتي هم عرفتي حضي مثل هذا الخبل عمي خاف تكسرون شي بعد علمود تنظيفة وحدة .. وصال .. هههه الله وياك .. ليث .. الله وياك عضيدي.. وصال .. اشرب عصيرك زين لضغط .. ليث .. شمدريني شحاطة بي تريدين تتخلصين مني ليث حجة هيج حتئ ينرفزها .. وصال .. مثل شنو احطلك .. ليث.. سوووم .. وصال .. ليش انت عندك سوووم علئ كولتك بالبيت .. ليث .. شسوي بي .. وصال .. اخذت الگلاص من گدامة وجان تشربة دفعة وحدة .. ااااحح انتعااش صدك جنت عطشانة .. تريد هذا الثاني لو اشربة هاا لا انت تخاف لابي سوووم .. توني اريد اخذ الكلاص الثاني اخذة قبلي وشربة .. وصال .. خاااف بي سوووم .. ليث.. حتئ لو بي سوووم اشربة لان سويتي مو عصير ااحح واحح.  وصال .. كوة لزمت نفسي من الضحكة .. ليث .. وصال اني راح ارفع عليج دعوة واخذ ابني ..وصال.. ماردت اجادلة لان صحتة ماتتحمل .. وصال.. وتحرمني منة وتحرمة مني .. ليث..  مو حرمتيني منة شو ماكلتي .. وصال.. والله انت ماتعرف شنو صار اني ائيست مالكيت اي حل كدامي غير انو اختفي حتئ ارجع حق اهلي من الكواد خالد اني محد جان يعرف بية انفصلت اني وياك حتئ اختي عرفت متاخر يعني خالد صار شهرين من عرف بية اني موجودة والله اضطريت يعني لو انت عارف بابنك جان گلشي ماكدرت اسوي اني من خفيت ابنك عليك مو متقصدة والله بسبب ضروفي وجنت ناوية اكولك بس خالد الكواد اتخذها سبب حتئ ينتقم مني .. ليث .. لعد برئيج شنو الحل هااا ابقي يمج ومايعرف عني شي .. وصال .. غيث گلشي يعرف عنك حتئ صورتك شايفها يعني اذا تتلاكون راح يعرفك انت ابو .. ليث .. اتفاجئت من كالت وصال غيث يعرفك ..ليث.. شلوووون شلون يعرف .. وصال .. اجيت گعدت بصفة .. وصال.  اني جنت احجيلة عنك ابد ماكرهتة بيك بالعكس هو بعدة ماملتقي بيك ويحبك بس اني كتلة انو انت مسافر .. هههه انو داتحارب الاعداء وكتلة ابو ضابط بطل .. هو حاليا معتبرك بطلة الخارق ومرة طلب انو يشوف صورتك وشوفتة صورك .. حتئ هو يكلي مامي اني اريد اصير مثل بابي ضابط و بطل ..  ليث.. عيوني  دمعن من كلامها يعني جانت تحجيلة عني ومحببتة بية رغم اني خذلتها وبدال متكول اله ابوك تركني كالتلة سافر يحارب الاعداء .. ليث .. اكو حل ثاني ماكو ثالثهن وصال ... وصال .. بلعت ريكي .. شنو هذا الحل ... ترجعين الي وبهاي الحالة راح يعيش ابنا  بيناتنا لاينحرم منج ولامني ... يعني لاتفكرين بغير شي يعني ننجمع علمود غيث بس لااكثر ..وصال .. اختنكت من كلمتة الاخيرة .. ليث.. فكري الج مهلة منا لباجر يا نرجع سوة علمود ابنا ياا بيناتنا المحاكم .. وصال .. ليث تهددني بالمحاكم تعرف هاي ساحتي .. ليث .. ساحتج واني رجل قانون حتئ لو كانت ساحتج .. وصال.. يعني عندك استعداد تسلك طرق اخرئ حتئ تاخذ ابني .. ليث .. واكثر من ماتصورين .. عندج مهلة لباجر لان مستعجل باجر انتظرج هنا تجيني وتخبريني بقرارج ولاتتاخرين لان شكان قرارج اني عندي رجعة لهلي وطريقي طويل .. وهسة تكدرين تاخذين راحتج روحي .. وصال.. اختنكت وغصة بگلبي .. زين خلي انظف هذا الكزاز واروح .. ليث.. گلشي لاتنظفين روحي هسة بالهم عليج .. وصال .. ماشي اخذت موبايلي ومفاتيح سيارتي وطلعت .. تايهة شسوي اذا يريد نرجع بس علمود ابنة اني كسرت كلبة واذيتة اليوم جان صار بي شي لوما ستر الله .. وصلت للبيت.  تلگوني ركضت علئ ابوية وحضنتة وضليت ابجي .. ابو مازن .. بنيتي شبيج اصاير وياج وشنو هاي ملابسج كلها دم ولج احجي راح يوكف گلبي .. وصال .. تشاهك وتحجي يابة جان مات ليث لو انجلط بسببي ااااهئ اااااهئ .. اذيتة اليوم تاذة بسببي .. ابو مازن .. ياروح ابوج بس اهدي واحجيلي .. وصال .. حجت لابوها گلشي وحجت علئ حلول ليث ..  ابو مازن .. لاحول ولاقوة الابالله .. بنتي زين منة انطاج الحل الثاني لو واحد غيرة جان يبس راسة وسواها محاكم وتعرفين هو گلشي يگدر يسوي من انطاج هذا الحل معناتها بعدة يريدج .. وصال .. بس هو كال علمود غيث مو علمود شي ثاني .. ابو مازن ...هههههه لعد شتريدينة يكول اني احبج وميت بيج ولكيت هاي حجة حتئ ارجعج الي .. استهدي بالرحمن يابنتي وفكري بمصلحة ابنج .. وصال .. ان شاء الله .. عفاف .. كومي حبيبتي كومي غسلي وغيري هاي ملابسج كلها يولي عبالي كتلتي الرجال هههه .. وصال .. من بين دموعي ضحكت علئ كلام عمتي.  هو ينجرع ياعمة حتئ واحد يكتلة .. غير فلش الشقة مالتة .. عفاف .. ابد ما مد ايدة عليج .. وصال .. لالا ابد كان يضرب بالاثاث والتحفيات اكلج فلش شقتة ..عفاف .. هذا يعشكج مو بس يحبج بحيث اذة نفسة حتئ ماياذيج رغم انو انتي غلطانة.  ياله كومي اسبحي وارتاحي جوعانة اصبلج اكل.. وصال .. لالا مالي نفس لكلشي ..  وصال.. صعدت لغرفتي لكيت غيوثي نايم گعدت بصفة مااحرمك من ابوك حتئ لو يرجعني لحياتة بس علمودك قابلة المهم ماانحرم منك .. كمت سبحت ونشفت شعري واجيت نمت بصفة والموقف مدايروح من بالي هوووووف شنو بعد مضموم الج ياوصال كلشي شفتي اااخ ياگلبي اااخ ..
****************************
لا ينتبهون حينَ يزدادون ضغطا علينا، لكنهم ينتبهون لأسلوبنا حينَ يتغير ... هم لا ينتبهون حينَ يجرحوننا وتنفد طاقتنا أمامهم ونصمت ... لكنهم ينتبهون فقط حينَ نغضب ... هم لا ينتبهون عندما نهتم بهم ونحاول إرضاءهم بشتّى الطرق، لكنهم ينتبهون حينَ نمِل ويخِف اهتمامنا ونتعب ...لا أحد ينتبه عندما يؤذي غيره ولا يُراعي مشاعرهُ، لكنه ينتبه فقط حينَ يتأذّى ....واقع قاسٍ ومؤلِم بشدة ... الجميع يريد منك ولا أحد يعطيك شيئا🍂🍂
---------------------------------------------
وتستمر الاحداث .. صباح يوم جديد ..
وصال .. لازم اروح وكلة علئ قراري وعندي شروط ماطول نطق هاي الكلمة مال علمود ابني بس اني راح ارجع علمود ابني بسس وصال بلغت ابوية بقرار الرجعة بس مكتلة على شروطي هاي الشروط بيني وبين ليث .. وطلعت من البيت متوجها لشقة ليث حتئ نحجي بموضوعنا .. تانقت كل حيلي لبست فستان اسود مشجر جوة الركبة بشبرين ضيق لحد الخصر وبي حزام ومن جوة كلش عريض گلوشة وحذاء تكرمون عالي .. وشعري شسورتة وسويتة ضفيرة صفح وكذلتي رتبتها وتعطرت وطلعت .. عمتي عفاف .. تلكتني ولج شطالعة ولج خطية الرجال ارحمي .. وصال.. هههه واني شمسوية اني دائما انيقة هههه وبست عمتي وطلعت .. وصلت لشقة .. گلبي كام يدك بالدقيقة الف .. مادري خوف لو شي ثاني .. بلعت ريگي ورحت دكيت الباب .. شوية وفتحلي الباب .. ليث .. جنت گاعد اشرب جاي وخابروني جماعتي كالو راح نجي نشوفك شوية واندكت الباب .. هذولة شنو كاعدين ورئ الباب مالحكو حتئ يشغلون السيارة .. رحت فتحت الباب .. وانصدمت شفت وصال الي علئ الباب .. اشتعلو عشيرتج شطالعة هاي تريد تموتني .. وصال .. فتحلي الباب وضل صافن علية يباوع علية من فوك ليجوة .. وصال .. راح اضل هواي واكفة بالباب ماخلصت تدقيق .. ليث.. هااا تفضلي بعدين بشنو ادقق واني شعلية .. وصال .. هممم هم صدك يجوز افتهمت غلط .. ليث.. تفضلي استريحي .. ليث .. جاي حار توني مسوي تشربين .. وصال .. انت متريك حتئ تشرب جاي .. ليث .. مااشتهي شربت جاي علمود الجكارة .. وصال .. هممم اني اصب خليك انت .. ليث .. براحتج .. وصال .. رحت صبيت جاي الي والة وقدمتة اله وكعدت اخذت كوب الجاي وبديت اشرب .. ليث .. فكرتي بالموضوع .. وصال .. انتبهت علية اي فكرت .. ليث .. هااا خوش وشنو قرارج .. وصال .. بعدني دااحجي وجان يندك باب الشقة .. وصال .. منو يجي هسة منتظر احد .. ليث .. منتظر صاحبتي .. وصال .. رفعت تك حاجب صاحبتك اي خوش روح افتحلها .. ليث .. دكومي ادخلي لذيج الغرفة هذولة جماعتي خابروني قبل متجين يريدون يشوفوني .. ماطيولون .. وصال .. تمام اخذت كوابة الجاي وديتهن للمطبخ ودخلت للغرفة الي گالي عليها .. غرفة نوم حلوة ونضيفة اباوع معلك صورتي اني ويا بعرس شاكر مگبرها كلش حلوة دمعن عيوني الله لايوفقج رحاب علئ السويتي بينا طشرتينا وخليتي واحدنا بحصرة يعيش علئ الثاني .. سمعت اصوات جماعتة يتحمدون لسلامتة ..  اني بديت اتفحص بالغرفة فتحت الكنتور ملابسة مرتبة هو طول عمرة مرتب وكلش يحب الترتيب والنظافة شفت عطورة رشيت منهن بالجو واستنشق عطرهن شكد عطورة طيبة كعدت علئ طرف الجرباية وصفنت علئ الصور الي معلكهن وحدة من الصور صورتة بالزي العسكري من جان نقيب .. ليث.. راحو جماعتي مااتأخرو .. رحت فتحت الباب شفتها كاعدة علئ طرف الجرباية وصافنة علئ الصور المعلكات بالحايط .. ليث.. احمم .. راوحو .. وصال .. انتبهت علية .. وكمت من مكاني صار مقابيلي .. ليث .. نرجع لموضوعنا شقررتي .. وصال .. ااحم قررت انو ارجع علمود ابني طفل لازم يعيش بيناتنا .. ليث .. هسة ياله عرفتي لازم يعيش بيناتنا... وصال .. فدوة ليث لاتفتح الموضوع مرة ثانية والله بعد مابية حيل مشاكل .. ليث.. تمام اني اليوم راجع لهلي وابلغهم وباجر احنا يمكم .. وصال .. لا ليث مو باجر ليش مستعجل .. ليث .. ليش مستعجل مو جاي اطلبج لزواج هاي اول مرة ... وصال .. لا مو هذا قصدي بس خليها بعد عرس علي ..ليث.. وشوكت عرس علي باله .. وصال .. هذا الخميس .. ليث.. اليوم جمعة من كل عقلج تحجين ماكو باجر نجي ونعقد عقد سيد وثاني يوم عقد المحكمة ماعندي كلام ثاني .. وصال .. اوك بس لتعصب .. وصال .. بس اني عندي شرط .. ليث.. والله انوب تشرط باله شنو شرطج .. وصال .. لعد شبية شناقصني مااشرط اذا وصال متشرط منو تشرط مثلاا .. ليث .. اموت بغرورها وعنادها ... لاعمي حقج تردين عرس وزفة .. وصال .. لا طبعا .. ليث .. لعد شنو .. وصال.. تقربت خطوتين عود داتحدا هسة دضلي بمكانج واحجي .. وصال .. اريد غرفتي بوحدي منعزلة عن غرفتك .. ليث .. لعد مابيها داعي نعقد .. وصال .. لاشنو اكعد ابيتكم بدون عقد مايصير .. ليث .. تقربت عليها سحبتها من خصرها انلزكت بصدري .. لعد ليش كل واحد بغرفة .. وصال.. ارتبكت من سوة هاي الحركة وصال.. لان انت تكول علمود ابنج نرجع ف اني هم علمود ابني وبناء علئ هذا الكلام لازم كل واحد يكون بغرفتة الخاصة ... ليث.. بسسسس .. وصال .. اي بسس لعد علئ شنو .. ليث .. يعني مولانو ماتكدرين تقاومين ليث بقربج .. وصال .. وهي تدفع بي تريد تبعده عنها .. اكيد لا.. ليث.. من شفتها تريد تحل نفسها مني ..ضغط علئ خصرها بقوة .. وصال.. اااه ليث داتوجعني شبيك .. ليث .. اشتعلو عشيرتج لاتكولين اااه لاابتلي بيج .. زين اني هم عندي شرط .. وصال.. شنو .. ليث ... شوكت ماريد ازوج لان اني هم رجال والي احتياجاتي .. وصال.. كمت اضرب علئ صدرة وادفع بي وخرر متزوج واني شعلية بيك حياتك وانت حر .. حلت نفسها منة .. ليث.. خلاص متفقين .. ابني اريد اشوفة .. وصال .. اي تعال هسة وياي وهم سلم علئ ابوية وكلة علئ جيتكم وشوف ابنك .. ليث ..تمام .. ياله لان وراية طريق طويل .. .. وتستمر الاحداث ..وفعلا راح ليث ويا وصال لبيتهم ورحبو بي وضل كاعد هو وابو مازن يحجون .. وصال راحت جهزت غيث حتئ يلتقي بابو .. ليث .. احجي وياابوها وبالي مشوش شلون راح اشوف ابني وراح اعرف اتصرف گ اب .. وصال ..تعرف منو اجة ..غيث.. منو .. وصال .. اخليها مفاجئة من تشوفة راح تعرفة .. غيث ... ياله ياله مامي .. وصال... خلي احطلك عطر ياروح مامي .. عطرتة نفس عطر ابو .. واخذتة ونزلت وكفت بالباب وغيث بيدي .. ليث .. التفتت شفت وصال وبيدها غيث .. احس كلبي يريد يطلع من مكانة .. هو شافني اجة يركض بابي بابي لان هو شايف ليث بالصور ف عرفة .. ليث .. من صاحلي بابي واجة يركض احساس ماينوصف احساس يخبل ربي لايحرم احد منة .. كمت بسرعة وشلتة باحضاني وابوس بي من كل مكان بوجها وابوس بأيدة .. وهو فرحان وحاضني ويكلي بابي البطل اجة قتلت الاعداء .. ليث .. ياروح ابوك كتلتهم كلهم واجيت حتئ اشوفك يروحي انت .. وصال.. من شفت ليث ولهفتة وغيث وفرحتة نزلن دموعي الموقف يقهر شلون جنت حارمتهم من بعض .. ابو مازن .. اخذ راحتك وليدي انت وابنك .. وتركنا وطلع بس هم علامات الحزن من الموقف جانت ظاهرة علئ ملامح ابوية .. ليث .. مخلي غيث بحضنة ويبوس بي وغيث مكيف بي وماادري شيحجي غيث نص سوالفة ماافهمهن اثاري كل احساس بشخص ينولد بالفطرة .. وصال .. كاعدة يمهم .. واشوف ليث ماسايعتة الكاع ولا كأنو نفسة الي البارحة فلش الدنيا .. غيث .. هاي شبيها ايدك بابي ... ليث .. هاي تعورت ياروح بابي .. غيث... توجعك .. ليث .. لا يروحي ماتوجعني .. غيث .. ابوسها حتئ اطيب .. ليث .. ياكلبي انت اني ابوسك وهي اطيب .. باوعت علئ وصال .. واخذت نفس قوي باباتي اني لازم اروح .. غيث.. ما ما اروح وياك .. ليث .. هو اني باجر اجي اخذك اني وجدو وبيبي عمو .. غيث .. صدك .. ليث .. اي والله اني راح اروح اجيبهم وباوع لوصال حتئ اخطب امك .. ورجع يبوس بغيث.. وصال.. ضحكت من كال يخطبون امك .. غيث.. انتظرك مو تتاخر .. ليث .. ابد والله اروح وارجع بسرعة لان اني ماشبعت منك ...
وتستمر الاحداث ادنااه ...
راح ليث وحجئ كلشي لأهلة تفاجئو بحجي ليث .. بس ليث ماانطئ بوصال كدامهم .. الاهل رغم تفاجئهم بس فرحو لان هم بالاساس يحبون وصال .. ام شاكر .. اي انروح ونخطبها واذا تريد حتئ عرس نسويلها وصال عزيزة وشافت ضيم يابو ضيم ..فرحة .. يابعد گلبي الله جبر بخاطرك ورح ترجع حبببتك وياها ابنك ..اتفقو ثاني يوم يروحون وياخذون شيخ حتئ يعقدلهم .. ليث .. بس يمة وصال ماخذة علئ خاطرها مني من حجاية حجيتها وشرطت تكون بغرفة وحدها .. ام شاكر .. شصخمت ولك .. ليث .. بعدين اكلج بس رتبو الغرفة المقابيل غرفتي الها والباقي اني احله اطيب خاطرها بس خلي تصير يمي .. ام شاكر .. اووف منك هاهية اعتبرها ترتبت ياله روح ارتاح ورانا طريق ... في مكان اخر ..وصال ..نظفت البيت ورتبت الصاله وصيت علئ ضيافة واتصلت بمنال وسارة حتئ يجن وصدك من الصبح اجن رتبت كلشي علئ حسب الاصول .. منال .. اليكول بعدج هسة راح تزوجين ههههه ومخبوصة .. سارة .. اي هي هم تعتبر اول مرة ههههه .. عاد تريدين وحدة تروح وياج من ترحين ..وصال ... انجبن باله .. وهن يضحكن عليها .. منال .. كافي امشي سبحي وجهزي نفسج .. وصال ..اي بس غيث سبحي ولبسي هذا الزي العربي .. منال اوي بعد روح خالتة راح يطلع شيخ روحي جهزي نفسج معليج بغيث ..مرالوقت .. وصال لبست گلابية لون ابيض وبيها شغل ذهبي كلش حلوة وشعري سرحتة وخليت مكياج زهري خفيق .. طلعت اخبش علئ كولة غيوثي ماما تخبشين هههه.. رن تلفوني المتصل ليث ..
وصال📱 الو
ليث📱 هلو شلونج
وصال📱 الحمدلله
ليث 📱ترئ احنا نص ساعة ونوصل
وصال📱 تمام هلا بيكم .. ونهو المكالمة .. كلبي كام يدك سريع مدري شبية .. نزلت جوة وبلغتهم انو هم بعد نص ساعة يوصلون طبعا كلهم موجودين مازن وعيالة علي رائد ..عمي عزيز وباقر .. صدك نص ساعة وصلو .. اربع سيارت من هاي العالية الحديثة ونزلو واهلي رحبو بيهم .. وياهم ام شاكر وعمتي فرحة ونورة وام ملاك .. استقبلتهم عمتي واسيل ومنال وسارة .. النسوان گعدو بالصالة الداخلية والزلم بالاستقبال .. اجيت اني وكايدة بيدي غيث ودخلت علئ النسوان .. طارن بية يبوسن بية وشافن غيث .. تخبلن عليه ام شاكر .. تعال يبعد گلبي .. اني بيبي .. غيث ... بيبي حلوة بيبي .. ام شاكر .. بعد روحي ولك جدك ماكايلي حلوة .. ويضحكن وغيث مانزل من اديهم مكيفين بي .. فرحة .. يالله حباية ومفشوكة من ليث .. وصال.. اي كلش يشبه ليث كلشي مماخذ مني ...ويمر الوقت وتصالحت العائلتين وعلي تعذر منهم وسلم عليهم والحمدلله النفوس تصافت وعقدنا عقد سيد .. واجة علي اخذ غيث ديشوف جدة وعمامة .. وهو لابس زي عربي بعد روحي طالع يخبل وليث هم لابس زي عربي فدوة طالعين يخبلون ثنينهم .. ودخلو ليث لصالة الكاعدين بيها النسوان لبسني ذهبي الي عفتة عندة ومشيت وضايف  علية سوارات ومحبس لبسنياهن وكعدو شوية وبعدها طلعو اهلة راح يرجعون بس هو باقي بشقتة لان باجر انروح نعقد محكمة .. غيث مجلب بي مايقبل يعوفة .. ليث.. راح اخذة وياي باليل اجيبة .. وصال .. دير بالك علية .. ليث.. رفع تك حاجبة لاتوصيني ترئ هذا ابني .. اخذة وراح ...
وتستمر الاحداث ..فعلا اخذ ابنة ويا وماخذة للمول وللملاعيب ممخلي مكان يعتب عليهم وجابة هلكان من التعب .. ثاني يوم اجة اخذني ليث ورحنا عقدنة عقد محكمة وتغدينا برة ورجعنا .. بعد بقينة نجهز لعرس علي مابقاله شي ... ليث راد ياخذني ونروح لبيت اهلة بس اني طلبت منة يخلص عرس علي واروح .. طبعا يومية هو وغيث كاضيها تخامة وهذا الكلاوجي مكيف وياابو ...وصار يوم زواج علي وضي .. ليث.. اجة اخذ غيث من الصبح .. وصال... وين رايحين .. ليث .. شعليج شباب وعدنا عرس وانريد نروح للحلاق ونسوي ترتيبات بلكي نحصلنا عروس اني وابني .. وصال .. لاباله .. ليث.. اي عندج اعتراض .. وصال.. لاعيني ماعندي ..ليث .. ياله لعد منريد نتاخر اني وابني بايو ... وصال ..بايو عيني ..غيث.. بايو ياحلوة ..وصال..اهاا هاي منو علمك عليها .. ليث.. والله هو علمني علئ بايو هههههه بعد ياحلوة مدري منين جابها ..وراحوو ... منال ..وصال الفستان يموت عليج اليوم ليث يتخبل ...وصال.. لعد اني شريد هههه..  منال.. اثاري انتي موقليلة هههه ..وصال..لعد شعبالج هههه ..منال.. وصال الفتحة الي بالفستان كارثة ..وصال... هو الاحلا .. وضحكن ههههه .. فستان وصال كان لون اسود وبي لمعة فضية ضيق وطويل صدرة خناكي وصدرة تول ..من ورئ فتحة ستر الله منها اليوم هههه مكياج سموكي اسود ولون الحمرة احمرر اول مرة وصال تخلي لون حمرة هيج قوي بين قوسين كانت متعمدة ..شعرها سرحتة علئ طولة وخلتة صفح وكعب عالي مشبك بحيث جف رجلها مبين  طلعت تجنن وملفتة لنظر .. اتصل ليث بيها وكال احنا جاهزين شوكت تطلعون كالتة علئ موعد الزفة ... صار موعد انطلاق الزفة وصال بالروحة صعدت ويا علي لان علي هو راح يسوق سيارة زفتة .. وصلنا لبيت ضي ... واخذنا العروس وطلعنا للقاعة الزفة صارت اجنن .. من توجهنا للقاعة صعدت وياليث .. وليث الطريق كلة گالب خلقتة وصال تعرف ليش گالب خلقتة ف مغلسة .. وهي وغيث يركصون بالسيارة .. وصلنا القاعة وصارت دخوليتهم اجنن واني اتمختر كدام ليث متعمدة انوب الفستان ضيق ومقسم جسمي تقسم .. وضلو يركصون .. فدوة غيث يركص بعرس خاله طالع يجنن هو وليث لابسين طقم اسود وعود مخليلة رباط فدوة طالع يجنن ومزينلة ومسويلة سبايكي ضليت ابوس وشم بي ..واركص اني ويا ..ليث.. ماشفت وصال شلابسة غير يم بيت العروس من نزلت من يم اخوها بت الاوادم والله ابوها مايستاهل الشتيمة خوش رجال بس هل البربوك تجيبلة الشتيمة كوة لابسة فستان ضيك والفتحة البي بس ادنك يطلع ط****ها استغفر الله ..وهي ولا مهتمة تركص وتفتر كدامي اشتعلت نار .. شفت منال.. ليث.. منال خوية .. منال .. عيوني ابو غيث كول .. ليث .. سالمة عيونج بعد اخوج بس اكلج ماعندج دنابيس رحمة لامج ..منال ..شسوي بيهن .. ليث .. اريدهن .. منال .. افتهمت كوة حبست ضحكتها..منال .. كم واحد تريد .. ليث.. شكد مدبرين ..منال .. هسة ادور واجيبلك .. ليث..رحم الله والديج ... وصدك منال افترت علئ البنات الي بالقاعة وجمعتلة  خمس دنابيس هههه .. منال .. تفضل هاي الدنابيس .. ليث ..فدوة لگلبج تعبتج ..منال ..لاادلل ..ليث .. اكلج علئ شي بعد ..منال .. كول ابو غيث ... كولي لوصال ليث ينتضرج بغرفة التصوير .. منال ..ماشي ... ليث..طلعت واني صاير نار ..  صدك دقايق واجتي وصال .. وصال.. ها ليث منال كالتلي تصيحلي .. ليث .. تقرب عليها وهو صاك سنونة لزمها من زندها كل قوتة وسد الباب بايدة الثانية ... وصال ... ااااه ليث ايدي شبيك ...ليث ... لتكولين اااه لااشعل عشيرتج.. شنو هذا فستانج هااا داتكدرين تتنفسين منة ..هااا احجي وهاي الفتحة عليمن طلعي ط***زج باقي علئ هل الشوية ... وصال ..  اوووي شنو هذا حجيك كلشي مابي فستاني هد ايدي داتأذيني .. ليث..  اذيج موو بعدين من شوكت تخلين حمرة لون احمر هاا ..وصال .. لا حتئ الحمرة حاط روحك بعدين هو الاحمر ويالبسي... ليث .. ولج وصال لاتخبليني اني گواد كدامج ..صدي صدي  بسرعة . وصال... شتريد تسوي ليث .. ليث ... اسكتي وصدي  .. ليث .. صدت وانطتني ظهرها  وياريت مااصدت .. الشعر عابر الخصر والجسم كلة يسحر ... طلعت الدنابيس وكمت ادنبس بالفتحة متت ياله خلصت .. صدت علية من كل عقلك .. ليث ..ليث.. اي من كل عقلي .. هاي حمرتج خففي منها .. وصال .. ماتتخفف هاي مات .. ليث .. هاي انوب شنو مات ..وصال..ااحم يعني متروح الامرطب... ليث .. عض شفتة الامرطب هاي سهلة .. سحبها من خصرها ..وصال.. ليث شداسوي .. ليث ... وكانو مايسمعها ايد محاوطة خصرها وايد خلاها ورئ راسها اخذ شفايفها هو يريد حجة واجتة الحجة .. وطلع بيهن ضيم واشتياق سنين حسها اختنكت وكامت تضرب بي علئ صدرة هد شفايفها ويتنفس بقوة .. وصال .. بصراحة احلا بوسة هههه وخر فاسد منحرف .. ليث... ليش باله فاسد ومنحرف .. اوكفي اوكفي بعد يرادلها تخفيف الحمرة ..وصال.. وخر وبدون مايسمعها .. ليث .. اني مشتهي گرز واخذ شفايفها مرة ثانية مثل العطشان ولگة الماي .. وصال.. ماحسيت علئ نفسي غير اجاوب ويا واديه حاوطت رقبتة وضمني لصدرة بقوة .. ثنينة رحنا بغير عالم .. دقايق مجنونة طلعت شكو مخفي بداخلنا من حب وشوق وحنين ولهفة من بين قبلاتنا المجنونة يطلع الكلام الصادق الي مامتفق علية مسبقا ..ليث..  مشتاقلج وطاك گلبي عليج ولج داموت بدونج.   وصال.. مو بكثر شوقي احبك ياروحي ياعمري انت ... بعد الدقائق المجنونة الي صارت بين الجبلين وعترافهم بشوقهم وحبهم لبعض .. تلاكت العيون ليث.. بعد مااتحمل وصال .. كافي بعد..وصال .. اي كافي بعد ..ليث.. اليوم نبات بالشقة ومن الصبح نطلع لبيت اهلي .. وصال .. ماشي .. ليث .. مد ايده علئ شفايفها يمسح بيهن لان الحمرة تخربطت بشفايفها ..ليث.. صارت حمرتج مثل حمرة ام كالي ميرو هههه ..وصال.. يااا كله من وراك وراحت للمراية ترتب بيها .. اجة ليث وحضنها من ورئ راح يموتني هذا الفستان شوكت تخلص الحفلة مو گلبي خلص.. وصال.. ههههه مراح اتحرك راح ابقئ كاعدة ..ليث.  تكعدين يمي اني وغيث ... وصال .. صار .. ليث .. خلي نطلع .. وطلعو وفعلا بقت وصال كاعدة يم ليث متحركت وغيوث يركص وليث يصور بي ويدز لهلة .. وصال.. ولك ماما كافي متعبت .. ليث .. خلي يتعب حتئ بسرعة ينام وغمزلها ..وصال... ههههه تفكيرك خطير ..وخلص العرس بخير وسلامة ... وليث اخذ وصال وغيث وراح لشقتة يباتون والصبح يروحون لبيت اهل ليث ... كانت اول ليلة لوصال وليث  بعد فرااق دام  اربع سنوات تخيلو نوع الاشتياق .. وخاصتا اذا كانو هل الاثنين يعشقون بعض بجنون اكيد كانت ليلتهم اكثر جنون منهم ... وثاني يوم توجهو لبيت العائلة والكل رحب بيهم وسولهم عزيمة بمناسبة رجعتهم .. شكد تعبو هل الاثنين بس بالاخير انجمعو ... رحاب ازوجت رجال اربعيني ارمل بس عندة اطفال  وعايشة ومهتمة باطفاله وهو زين عليها ... ضياء ازوج سارة بنت عمة عفاف .. انعجب بيها من شافها بعرس علي وصارت قسمتهم ..ورائد تقدم لملاك واهلها وافقو لان عمي ابو شاكر كلش يحب رائد والولد هم وتزوجو رائد وملاك .. واني راجعت دكتورة وصار عندي حمل توئم اسد وفهد .. وصارت عندي بنوتة بعد التوئم ليث سماها فرح ... علئ اسم عمة فرحة ..وفرحة تموت عليها .. علي وضي صار عدهم بنية ولد .. ضياء وسارة صار عدهم ولد ثنين وسارة كاتلة نفسها تريد بنية .. رائد وملاك صار عدهم بنات ثنين ورائد متخبل عليهم وملاك تغار علئ رائد منهن لان كلش متعلقات برائد ...شاكر وندئ صار عدهم ثلاث ولد وبنية وشاكر متخبل علئ البنية يحبها ...عمار ونور هم من قبل جان عدها ولد ثنين وانوب خلفت ولد وعمار يكمز يريد بنية .. وكرار ازوج شوق وخلفو ولد يشبه كرار فدوة .. الحلو بيهم مايفرقون بين الولد والبنية كلهم نفس المعزة العائلة كبرت بالاحفاد ولمتهم اجنن اما اني اتفقت اني وابوية شلون نقسم الحصص وزعنا الحصص بين اخواني وحتئ عمي عزيز ابوية انطا حصتة اما حصتي ف قسمتها  كلها علئ  اولادي مخليت شي باسمي ...
وحتئ شراكتي بخالد فضيتها وتنازلت بحصتي من الشركة وخليتلة الشركة اله لوحدة بس هو وكع بشر اعمالة القو القبض علية وعلئ سلمان ونحكمو حصدو شر افعالهم ... لهنا وتخلص رواينا اتمنئ تكون نالت اعجابكم ... الحكمة من الرواية انو شنو يصير بحياتك الله اله بي حكمة يعني لو مرايحة وصال فصلية جان بقت عايشة بذكريات الماضي .. ويمكن لو مارحاب فرقت بين وصال وليث  جان مكدرت وصال تعالج ابوها وترجع املاكها .. يعني كل شي يسوي النا رب العالمين كل اختبار كل شدة كل بلاء اله حكمة بي حتئ يخلينا ننتبه علئ الاشياء الي متغاضين النظر الها وبلاخير وليس اخرا تعلم انو لاتظلم احد لاتستغل الضعيف ولاتتقاوئ علية كون لصح سند وللغلط سيف بتار ولاتسوي اشياء تغضب ربك .. كل هاي الاشياء راح تخليك قوي بدون نقطة يستغلها احد ضدك ...
شكرا لحسن الاصغاء متابعيني اتمنئ تنطوني رئيكم بالرواية من كل النواحي من الاحداث لطريقة السرد للعبرة منها
نلتقي برواية جديدة ان شاء الله لاتنسون المتابعة+ التصويت+ تعليقاتكم الحلوة اااحبكم 😘

بقلمي انا لارين العامري
﮼أنامل ﮼گاتبه📒          الثلاثاء 2024/5/7

انتضرو روايتي الجديدة ((الـوحش)) بقلمي ✍️