عـشق الـجبـال (فصـليـة)

عـشق الــجبـال(فصـليـة)البارت(12)

وصال// الاسبوع يركض ركض واني الف شغلة براسي لازم لجمعة مخلصة كلشي اتصلت على اسماء .. وصال📞 الو هلو اسماء شلونج .. اسماء 📞هلو حبي الحمدلله انتي شلونج ..وصال📞 شلوني داركض اريد افض الاشياء الي براسي والاسبوع يركض اليوم ثلاثاء مابقالي غير يومين تدرين حتئ اغراضي ممجهزتهم .. اسماء📞 سودة علية تدرين كل مايقرب الوقت گلبي ينعصر بعد شبقالج. وصال📞 بعد عندي مشوار اهم من كلشي ولازم تجين وياي حتئ انتي هم تستلمي وراية .. اسماء 📞 اي كولي .. وصال📞 اني هسة راح اطلع من البيت واجي عليج اخذج ونطلع ..اسماء📞 تمام بين متوصلين بيدي اوراق اكملهم .. ونهو المكالمة
.....في مكان اخر.....
ليث// هامراد من السبت كلفتك بشغلة ومارديتلي خبر ..مراد// اصبر يخوي جايك بالحجي .. عرفت مكان بيتهم وعرفت مكان شغلهم والناس سمعتهم سابقتهم وخليت واحد يتبع البنية مشاويرها من البيت لشغل وكم مرة راحت للمحكمة وياها بنية تطلع من عمرها ..ليث// وهسة هذا الي مخلي يراقب  وين ..مراد//حاليا قريب على بيتهم .. ليث // اتصل بي وخلي يتابعها وين توصل ويدز الموقع حتئ نوصللها اريد اشوف بعيني مشاوير الخانم ... مراد// ماشي ياله كوم نطلع واخابرة بالطريق .. ليث// ياله. وفعلا مراد اتصل بالولد الي مخلي يتابعها ودز موقع الشركة لان كانت رايحة لشركة انطيت خبر للولد انو ينسحب اني اريد اكمل مراقبة .. انتضرنا اني ومراد تقريبا ربع ساعة وجان تطلع فصليتي هي وبنية هههه .. ليث// هاي مامحجبة لابسة بدي اسود وبنطرون اسود وشوز رياضي وضافرة شعرها ضفيرة بس ماشاء الله شعرها عابر خصرها واسود جنة ليل ولابسة نضارات شمسية الوجه جنة دورة گمر بس مغطية باقي ملامحها بالنظارة صعدت سيارة جيب اسود باوعت لمراد وابتسمت باستهزاء وكتلة هاي فصليتنا ...مراد// 😳 فصليتكم طاكة لستار ياليث ياخوية .. ليث// ههه امشي وراهم خلي نشوف الخاتون وين رايحة .. وصال// باعي اسماء اكو ناس اني عاينتهم بالسر اني متكفلة بيهم من حسابي الخاص هسة راح ادليج بيهم تبقين تتواصلين وياهم امانة اسماء حتئ لوتعوفين الشغل وتبقين وياهم ميخالف ..اسماء// لاتحجين هيج بعدين من شوكت انتي اسوين هذا الشي وليش مكايلتلي علية .. وصال// من زمان اساعدهم صدقة جارية لروح ماما وحسام محد يعرف بهذا الشي غير بس انتي ويبقئ بيناتنا ..اسماء// اوي ياروحي لااطمني ..وصال // اخذت مسواك متفقة وياابو مخضر انو كل اسبوع يجهزلي 5 علاليك مسواك كامل مخضر وفاكها لخمس عوائل حتئ وياالگصاب مريت اخذت المسواك وطلعت حتئ اوزعهن على العالم الي اني متكفلة بيهم وحتئ اسماء تندلهم وهي بعدي تتكفل بهذا الموضوع طبعا على حسابي ..
ليث// هاي شعدها عزيمة هلكد اخذت مسواك ..مراد// والله مااعرف .. ليث// تمشوري على كيفج والله لحول حياتج جحيم والله لخليج تتمنين الموت ..مراد// شنو ليث شتحجي انت ..ليث// مثل ماسمعت اني راح اخذها الفصلية واني راح انتقم منها ..مراد// اوكف اوكف ليث الصار هي مالها ذنب بي قضاء وقدر بعدين مو هذا كلامك ليث انت اكبر من هيج شي يعني شوف هي البنية هم نگلبت حياتها گلااب شوف من صاحبة شركات ومحامية معروفة الئ فصلية هم احلامها تحطمت ترجع انت تريد تنتقم منها .. ليث// لتكولولي قضاء وقدر الله لايضوگگ خسارة عزيز غيث تؤم روحي ولك جنا نجهز لعرسة كسر ظهري .. مراد// هذا قدرة .. ليث// لعد هذا هم قدرها انو تتعذب على ايدي ...ليث ومراد انصدمو من الي شافو كدامهم ... مراد// ولك ليث هاي توزع لناس فقرة شوف باله خلي نظل وراها ... ليث// طبعا تفاجئت من فعلها مجنت مصور هذيج البنية الشايفة نفسها تطلع فاتحة بيوت لناس فقرة وتساعدهم ضليت ساكت طول الطريق لاحد ماوصلت لبيت تعبان وجان اكو رجال جبير بالعمر كاعد على كرسي بالباب وجان تنزل علية وبوستة وباست ايدة وخلتها ع جبينها وكعدت مقابيلة وهو فرحان بيها ويمسح بايدة ع راسها هنا كرهت روحي وكلت لمراد يحرك السيارة ويوديني لبيتهم حتئ اندلة وبعدها رجعت لدوامي بس محجيت شي حتئ مراد يسئل بية بس اني بغير عالم ...وصال/// وزعت المسواك واخر شي وصلت لبيت عمو رحيم .. شفتة كاعد بالباب سلمت علية وبوستة عمو رحيم رجال مسن وحيد مريض كل اسبوع يغسل كلئ 😔 واني متكفلة بهذا الشي بعد مااطمنت علية ورجعت دليت  اسماء على بيوت الي اساعدهم وصيتها عليهم وبالاخص عمو رحيم وخلص هذا اليوم رغم تعبة بس كان احلا يوم بالنسبة الي .. رجعت للبيت عمة عفاف وابنها رائد وبنتها كانو موجودين وبيت عمو عزيز هم كلهم موجودين هاا وطبعا كملت شغلة علي وسلام بعد مااتنازلو بيت شبخ ابو شاكر من الدعوة كملتها وطلعتهم والكل موجود بس علي وسلام مايخلون عينهم بعيني ومنعزلين علي مدا يتقبل الموضوع ومشت الساعات ومابقئ غير يوم واحد والكل موجودين يريدون يقضون اكبر وقت وياي حاسة بيهم وبحزنهم رغم اني احس امشي جسد بلا روح الا احاول ماابين الهم واحجي واشاقة وياهم ...عمةعفاف// وصال بنتي.. وصال// نعم عمة .. عفاف// اليوم انريد انروح نتعشئ برئ وانتي تعشينا على حسابج ههه .. وصال// مو تدللين كم عمة عندي اختاري المكان الي يعجبج واني حاضرة ...عفاف// مو بس هاي صار اسبوع تركضين هنا وهنا وحتئ غراضج ما جمعتيهم ولااشتريتي المحتاجتهن .. وصال// ياعمري انتي مو ضروري ممحتاجة شي ..عفاف// مو بكيفج روحي ارتاحي ومن يجهزون نكعدج ياله روحي ارتاحي شوفي حتئ وجهج صاير اصفر .. وصال// ااااف خلي اخذ بوسة واروح 😘 افيشش مو بوسة عافية .. عفاف// اووف يايمة شكم دوب تتحملين كل هذا القهر الله يساعدج من وكت شلتي الضيم والقهر حتئ شبابج متهنيتي بي 🥺
نكمل الاحداث بالبارت القادم 😘
حبايبي لاتنسون التصويت احبكم