عـشق الـجبـال (فصـليـة)

عشق الجبال(فصلية)

عشق الجبال(فصلية) البارت 48
--------------------------------------------
مرت الايام عادية نفس الروتين وصال وليث مايتقربون على بعض حتئ الكلام بينهم قليل وليث كوة متحمل هل الوضع بس حتئ تصرف نظر وصال عن موضوع الطلاك متاذي كلش بسبب برود العلاقة بينهم .. وكرار بلش امتحانات والحمدلله خلص وننتظر النتيجة ..
**************************
في مكان اخر ..
خالد .. ايمن بلشلي بالخطة الي كتلك عليها اريدة يتورط حتئ ألوي اسماء بأخوها ولو متحتاج واحد يلويها هي اصلا داتبوك بفلوس وصال بس اريد اسدها عليها من كل الاتجاهات .. ايمن .. تامر باشا اعتبرها بلشت .. مازن .. شلونك يابة اليوم ان شاء الله زين .. ابو مازن .. كلامة بطيء لان الرجال انظرب جلطتين بوقت واحد .. االحمدلله ابني .. اابني ماكو خبر من وصال .. مازن .. رائد يتواصل ويا اخو ليث الحمدلله زينة بس انت اهم شي صحتك .. ابو مازن .. شزينة ياابني بعيني شفتة شلون يضربها وهي عمرها كلة محد ماد ايدة عليها .. مازن .. يابة وصال قوية وحسب ماسمعت الكل بالبيت يحبها والشيخ يحبها ويحترمها .. ابو مازن .. بس هذا المايتسمة هو الي يأذيها .. مازن .. يابة هم هم غلطو مايصير يتصرفون بدون علمة .. هسة احنا المهم نعرف هية زينة واهم شي صحتك كلنا محتاجينك وصال هم محتاجتك .. ابو مازن .. الله كريم ابني الله كريم ..
بعد مرور ايام ...
خالد .. ست اسماء تفضلي لمكتبي .. اسماء .. حاضر استاذ خالد .. هسة هذا شيريد خلي نشوف شعندة داز علية .. رحت لمكتب خالد .. دكيت الباب .. خالد .. تفضل .. اسماء .. نعم استاذ خالد طلبتني .. خالد .. تفضلي استريحي ست اسماء ..اسماء .. كعدت مقابيلة تفضل استاذ .. خالد .. اي ست اسماء شخبار الشغل ... اسماء .. تمام كلشي ماشي تمام .. خالد .. همم تمام والعوائل الي كلفتج بيهم وصال شخبارهم .. اسماء .. بلعت ريكي عوائل ياعوائل استاذ خالد .. خالد .. تعرفين ياعوائل اسماء لتغشمين نفسج العوائل الي تسحبين من رصيد وصال مليون وتصرفين عليهم ربع عرفتيهم ياعوائل .. اسماء .. بارتباك .. شنو هذا الحجي منين جبتة اني الي داسحبة كلة اصرفة عليهم ... خالد .. ههههههااااي ضحكتيني والله شكد امينة وشكد وفية بألامارة هذا الشهر سحبتي 750 الف دينار وانتي حتئ ماوصلتيهم وهذا الرجال الي يغسل گلئ تدرين بي توفة حرتي تلغفين بفلوس وصال وحتئ الامانة الي امنتج عليها ماصنتيها .. اسماء .. من فضلك استاذ خالد مااسمحلك توجهلي هيج اتهام وكامت .. خالد .. عصب وصاح صوت بيها خرشها اكعدددددي اني لسة ماكملت كلامي وصوتج مايعلئ فهمتي لولا من اكول خلصت كلامي بذيج اللحضة تكومين وتنقلعين من المكتب .. اسماء .. انخرشت من صوتة وعصب بوجهي بلعت ريكي وكعدت .. خالد .. اي هيج اريدج مطيعة اني ماكو شي دايصير مااعرفة لتفكرين غشيم ومااعرف شدايصير .. وهسة راح اشوفج شي ثاني .. فتح الابتوب مالتة وجه شاشتة لأاسماء .. اسماء ... شنو هذا .. خالد .. وهو يضحك بتك خد بمكر .. ركزي زين وانتي راح تعرفين شنو هذا .. اسماء ... انصدمت صدمة عمري من شفت اخوية امير يتعاطئ ومصوري وحتئ يتاجر كل هذا مدون بفيديو بحاسبة خالد .. لالالا مستحيل انت ورئ هذا اكيد انت .. خالد .. اني مو اني موهذا المهم المهم اذا تقدم هذا الفيديو لشرطة شراح يصير بأخوج اقل شي مؤبد موو اني مااعرف بالقانون انتي محامية وتعرفين ... اسماء .. بارتباك .. شتريد خالد احجي من الاخير ... خالد .. عفية بديتي تفتهمين علية .. شوفي حبيبتي الي داتبوكي من وصال مالي علاقة بي انتن صديقات وبيناتجن تتفاصلن اما الي اريدة اني شكو شي قانوني يحتاج توقيعج وموافقتج بدون لف ودوران توقعين وتختمين وشكو شي مضموم مااعرفة داتشتغلون بي من وراية اريد اعرفة .. اسماء .. يعني تقصد ابيع وصال واخون الامانة ... خالد .. وبضحكة قوية هههههههااااي تبيعين انتي اصلا بايعة ياعمري بايعة ومخلصة .. هااا شكلتي ... اسماء ... الموضوع مو سهل استاذ خالد ... خالد .. كام من مكانة وتقرب على الكرسي الي كاعدة علية اسماء ومشئ ايدة على شعرها بجرئة اول شي  بيناتنا نشيل كلمة استاذ .. وثاني شي راح تشتغلين لصالحي محد يكدر يوصلج وثالث شي وصال انتهت مالها رجعة ورابعا وهذا الاهم بس نخلص من هاي الشركة اخذج وياي لشركتي مااتخلا عنج ف امني انتي بحمايتي وهيج راح تربحين اكثر كل مناقصة كل شراكة توقعيها تجيج حلاوة فوك الي داتاخذيهن من وصال واصيرين المميزة مال خالد .. اسماء .. تتنفس بقوة والفيديو مال اخوية .. خالد ... ينسي ماينذكر بس اذا لعبتي بذيلج اطلعة هو البقية العندي .. اسماء ..،شنو اليضمن مراح اسوي شي لاخوية .. خالد .. قرب وجه عليها كلمتي هي الضمان والضمان الثاني اخوج اخر همي الاهم عندي الي كتلج علية شكلتي وابتعد عناها .. اسماء .. تمام متفقين ... خالد .. حلو تعجبني المرة الماضيع فرصة .. اسماء .. اول شي الكادر الي يشتغل تحت ايد وصال كله تطردة لان دايشتغلون مثل  استخبارات عليك ويجمعون معلومات عنك حتئ بالامارة عندك شركة خاصة بيك هاي احد المعلومات .. خالد .. هههه يعني نكول بلشة شغل بهاي اللحضة .. اسماء .. اي بلشنة بس لازم هذا الكادر ينصرف .. خالد ... اعتبري انصرف ياروح خالد .. حضري للاجتماع بسرعة حتئ نصرف رواتبهم ونكنسلهم .. اسماء .. تمام استئذن استاذ خالد .. خالد .. تفضلي... خالد .. شكد واطية اذا صديقة عمرج بعتيها علمود الفلوس تريدين اني ائمن بيج .. لنشوف شراح اسوين .. وفعلا سوة اجتماع وصرف كادر وصال .. وبعدها خلة اسماء توقع علئ موافقة لدخول مناقصة وهاي المناقصة اصلا خطرة على الشركة مابيها اي فايدة بس هو خالد حب يخاطر بهذا الشي هو اصلا. قليل خبرة بحيث الشركة حاليا على هاوية الافلاس ....
****************************
وتمر الايام ...
اليوم اعلان نتائج الوزارية والكل مجمع بالبيت حتئ يشوفون نتيجة كرار وكرار يحوص وكاتلة القلق .. شاكر كاعد بصف عمار وعمار ديحاول يلكة موقع النتائج الكل مترقب .. كرار .. اي هسة غير ينزلوها ويفضونة والله هذا لعب بالاعصاب راح يوكف گلبي .. ام شاكر .. اسم الله يمة انطي عطوة .. ليث .. هو كل محافضة ينزلوها وحد هسة شبيك هي اول تالي نعرف بس اهدئ مو حولتني والله .. وصال .. كرار اهدئ هسة انت مو مجاوب بعد شكو .. كرار .. خوية وصال صار اسبوع يواعدون نزلت نزلت صعدت صعدت ادري مو تعبت اعصابي ... عمار .. يالله محافضة (*** ) مدرسة(***) خلي نشوف اسمك هسة حرف الكاف بتلفات الدنيا ... كرار .. ياالله ياالله هو صوجي لو صوج امك سمتني بحرف الكاف دخلي يايمة اسمي بحرف الالف ماحسبتي حساب هيج يوم .. ام شاكر .. يااا شمالك يمة تخبلت .. الكل يضحك على سوالف كرار .. عمار .. اي وصلنا حرفك .. البنات كلهن وكفن مخليات اديهن على گلوبهن وصال واكفة بس مبين عليها الهدوء .. عمار .. ماكو اسمك يول .. كرار .. هي بس هاي العايزة وصد علئ وصال .. وصال فدوة اتقربي وشوفي راح اتخربط والله .. عمار ... اي كرار عماد الحارث .. لالا عرفتك طبعا .. كرار .. هااا شنو راسب مو راسب هسة دحجي لخاطر الله .. عمار .. ولك ليش هيج كل هل القراية وهيج اضيع.. وصال .. عمار شكد معدلة .. عمار .. التفت لوصال .. عندج ثقة بنفسج مرت اخوية ولك والله عفية عليك 79% عشت .. كرار ... شنو منو شكد ناجح ولكم ناجح الله وكلها كامت تصرخ وتصفك كرار .. ركض على وصال من حلات روحة وشالها وضل يفتر بيها ولج نجحت جبتها كلة بفضل الله وفضلج .. وصال .. وهي تضحك لفرحة كرار انت سبع وجبتها ولك دخت نزلني هههه نزلها وركض على امة يبوس بيها وعلئ فرحة يحضن بيها ويبوسها وعلئ الكل يركض من واحد لواحد ويبوس ويحضن .. وصال .. عمار ممكن اشوف نتيجة اخوية .. عمار .. اي انطيني اسمة واسم المدرسة .. وصال .. علي عدنان ..... مدرسة (***) .. عمار .. دقيقة .. عمار .. هذا خلي اشوف ... وصال .. من ارتباكها كعدت .. عمار .. ماشاء الله 97% والله بطل .. وصال .. هوووووف الف الحمدلله والشكر ودموعها بينن بعيونها حبيبي ماخيبت ضني .. ليث .. اباوع عليها شلون عيونها تلمع من الدموع رغم كلشي مانست اخوها .. شاكر .. الف مبروك كرار .. كرار .. الله يبارك بيك .. شاكر .. شحاب تقدم شنو ابالك .. كرار .. كام ويعدل بنفسة وباوع لوصال وكال قاااانوون .. الكل واوا .. وصال .. ابتسمت تستاهل كرار تلوكلك .. كرار ... ولج وصال اني اموت على ربج .. ليث .. اااحمم كرار وين تريد هنا لو بعدة ممكمل .. كرار.. حبيبي ابو غيث يمك ابغداد اداوم مااريد اي مكان اخر .. ليث .. ههههه موتدلل واذا مطلعتلك جامعة ابغداد ادخل اهلي ابغداد ومن حسابي الخاص اتكفلك اربع سنوات بعد شتريد .. كرار .. لك فديت ابو غيث الكفو زين هاي اعتبرها هدية النجاح لو اكو هدية .. ام شاكر.. لصير طماع .. ليث .. لاعوفي يمة يستاهل اطلب شنو تريد هدية .. كرار .. لا الهدية تشتركون بيها انت وشاكر وعمار وابوية واجيبوها... شاكر .. اي ابشر شتريد .. كرار .. سيارة .. شاكر .. ادلل هاي سهلة .. تفرقو كل واحد راح لغرفتة بعد ماجانت اعصابهم مشدودة بسبب النتائج .. ليث .. وصال .. وصال .. نعم .. ليث .. اريد احجي وياج بموضوع مهم صار فترة مئجلة ... وصال .. اي تفضل .. ليث ..تعالي نحجي بالحديقة .. وصال .. تمام ياله .. ليث .. طلعنا للحديقة واكفين. باوعت علية .. وصال .. اي ليث اسمعك .. ليث .. مااعرف شلون ابدي بالموضوع .. وصال .. صاير شي بيك شي .. ليث .. لزم ايدها تعالي نكعد بالمرجوحة .. مشت ويا وكعدو بالمرجوحة .. وصال .. تباوع بوجه حسيتة مو طبيعي .. ليث ابوية بي شي احجي .. ليث .. لالاوالله مابي شي .. وصال .. لعد شكو .. ليث .. وصال الرجال الي جنتي متكفلة بي حالة حال العوائل البقية الرجال الي جان يغسل كلئ .. وصال .. عمي رحيم .. ليث .. اي هو .. وصال .. ش شب شبي شبي ليث احجي .. ليث .. انطاج عمرة .. وصال .. شنوووو شداتحجي شوكت هذا الحجي وشلون ليث عفية لضل ساكت .. ليث .. بس اهدي خلي افهمج ومسك اديها اول ماالتحقت اني مخلي ناس يديرون بالهم علية هم والعوائل الي جنتي متكفلتهم ف متخربط وناقلي للمستشفئ وبالمستشفئ متوفي ماملحكين علية .. وصال .. لااله الاالله لااله الاالله .. وهسة شنو اصار .. ليث .. قمت بالواجب كملت اجراءات المستشفئ واخذتة اني ومراد صديقي وكم واحد من جماعتنة وقمنا بالواجب دفنتة وسويتلة فاتحة وزعت على روحة القاسمة الله .. وصال .. صافنة على ليث وهو يحجي ودموعي تنزل كلش احبة عمو رحيم كلش جان انسان طيب عاش وحيد ومات وحيد .. ليث .. وصال لاتبجين فدوة هذا امر الله وهو رجال مريض تعبة المرض مسح دمعتها .. وصال .. اباوع. على ليث شلون متاثر معقولة خلف هاي العصبية والجبروت هيج قلب طيب .. وصال.. استوقفني شي لحضة ليث انت تكول الي جنت اساعدهم اني مازلت اساعدهم .. ليث .. بأستغراب وصال الي عرفتة منهم انو صار شهرين محد واصلهم بس اني جنت اواصلهم اني بصراحة مكايل هذا الشي لان مااتفاخر واكول اني دااساعد ناس جنتي اساعديهم بالاضافة لناس اخر ماتعرفيهم بس من شفتج مرة وانتي تساعديهم مشيت وراج بهذا الطريق .. وصال .. شلون صار شهرين محد واصلهم اني مكلفة صديقتي اسماء وحتئ بطاقتي مال البنك عدها وياالرمز يعني اساعدهم من حسابي بس مجرد هي توصللهم المساعدات .. ليث .. منو هاي صديقتج وشلون تأمنين بأحد وتنطي بطاقتج المصرفية .. وصال .. اخذت صفنة .. معقولة معقولة اسماء تخذلني .. ليث ..وصال  من كل عقلج هو الاخ يغدر اخو بهذا الزمن اتكوليلي صديقتي .. وصال .. ممكن اطلب طلب منك .. ليث .. انتي تأمريني ماطلبين .. وصال .. خجلت من ردة مايأمر عليك ظالم .. بس ممكن اشوف تلفوني .. ليث .. ماشي بس شراح اسوين .. وصال... هسة اشوف شنو اسوي .. ليث .. هسة اجيبة واجي .. وصال .. ليث ياريت اجيب تلفونك وياك .. ليث .. تمام هسة اجي ..
*************************
ياترئ شراح اسوي وصال وشراح تكشف بعد نعرف باالبارتات القادمة لاتنسون المتابعة والتصويت وتعليقاتكم الحلوة
ااااحبكم 😘

لارين العامري
                  أنامل كاتبة ✍️