عـشق الـجبـال (فصـليـة)

عشق الجبال ( فصلية )

عشق الجبال ( فصلية) البارت 22
.............................................. 
وصال .. دخل ليث غرفتي مثل الثور الهايج انتبهت بيدة مقص بداخلي شيريد يسوي هذا الخبل .. قفل الباب وتوجه علية بعصبية دفعني على الجرباية وصار فوكاية تهسترت من تصرفة وخرر انت شداسوي ااه ايدي مثل الثور الهايج گعد على بطني ولزم ايدي وبيدة مقص تخبلت هذا شيريد يسوي وايدي الثانية ثبتها بركبة رجلة تأذيت وضليت اصيح الكل اجة يدك بالباب ويصيح افتح الباب ليث يمعود شداسوي .. وليث ولامهتم واني ارفس جوا سحب ايدي بقوة وبالمقص يگص بأضافري اني هنا اطمنت بس متاذية لان دايس بكل ثقلة علية وعلى ايدي واني ارفس جوا ويگص باضافري مثل الخبل .. ليث ... ساق..طة بزون مربية اظافر ومخلة غلطة مغلطها كلت لازم احرك دمك اصبرلي .. وصال.. بابا شبيك اكو شي اسمة مقراضة اكو واحد يقرض بالمقص .. خررب دوخر مني شكبرك ولك فطستني انعل يومك ااه خررب سحب ايدي الثانية وصار يگص باظافري استغليت فرصة حل ايدي الي جان  كمل كص اظافرها والله لخلي بيك اثر ياليث الحيوان بس شنو اني مختنكة جواا وانوب شعري متناثر على وجهي گرصتة كرصة من خاصرتة يمكن شلت جلد خاصرتة ... ليث .. متهستر واني فوكاها وعطرها سطرني سطر وهي تكلي اكو شي اسمة مقراضة يابنت الكلب بس عوزج اجيبلج مبرد وابرد اظافرج .. واني مندمج اگص باظافرها احسها شالت خاصرتي بكرصة الا طلعت روحي .. ااخ يابنت الكلب اريد الكة وجها من شعرها المتناثر وخرت شعرها والكاها خربانة ضحك بنت الكلب بصراحة بهتت وبردت من شفتها خربانة من الضحك وخرت منها وهي كعدت توخر بشعرها وتتنفس بصعوبة واكتافها تهتز من الضحك مااعرف على شنو تضحك ولج بنت الكلب متعلمة على الكرص شكد مگرصة كواويد بحياتج .. وصال .. انت اول واحد .. ليث .. خررب بعمي ولج اني كواد بنت الكلب ..😡 .. وصال.. اني مكلت كواد انت سئلت واني جاوبتك بهل الاثناء كرار كسر الباب ودخل هو وعمة فرحة شافو ليث واكف وبيدة المقص واني على الجرباية افرك بايدي .. فرحة ... ولك ليث تسودنت شصارلك ولج يمة وصال بيج شي وكرار وجه اصفر .. اصاير يمعودين .. وصال.. ماكو شي. ليث ... 😡🔥 صاير نار وخلة وطلع .. وصال.. شكرأ سيادتة النقيب والله جنت متعاجزة اقرضهن لان اليوم صار بيهن بهارات .. وهي اصيح ورئ .. فرحة .. ولج يمكروصة اصاير .. وكرار صافن مايعرف شكو مخروش .. وصال.. ماكو شي عمة بس ليث قرض اضافري لان علمن على ايدة هههه والله جنت اريد اقرضهن بس تعاجزت 😂 فرحة .. ولج يمگروصة عبالي موتج .. وصال.. لاعمة شنو السالفة بس عمة ماعندج مبرد لان ليث ماعندة مبرد واني احجي واضحك .. كرار.. لاانتي ابد موصاحية عمي خبلتونا صدك جذب. وخلة وطلع ... فرحة .. يمة وصال بيج شي .. وصال.. لامابية شي عال العال .. فرحة .. لاصدك انتي خبلة هبطيني .. .. خلت وطلعت ... احس نار بصدري بس بردت من خليت اثر بيدة ورديت وختمتها  بكرصة طلعتة من دينا حيل يستاهل شايف نفسة شوفة من خفت لهل الشكول والله اظافري يسونك .. طلعت همزين الحية وبتها رايحين گلعة .. انتبهت ملابسة لازم اصعدهن اوووف يربي شراح يخلص اليوم .. خليت گلب على گلب واخذتهن وصعدت .. دكيت الباب ماكو رد فتحت الباب ماكو بالغرفة اي همزين خلي اعلكهن بكنتورة واطلع بسرعة. اسمع صوت مي بالحمام خوش ماطول دايسبح خلي استعجل .. ليث .. بعد الي صار ضليت متفاجئ من ردة فعل وصال .. فورت دمي بالزايد اكثر من ماهو فاير .. اخذت منشفة ودخلت للحمام حتئ ابرد من عصبيتي .. نزعت ملابسي وانتبهت على مكان الگرصة صايرة حمرة يابنت الكلب اليكول مو ايد مرة عبالك بلايسات 😡 .. وصال.. انفتح باب الحمام جمدت .. انتي شسوين بغرفتي .. التفتت علية وانصدمت طالع بس بالمنشفة لافها علية وشعرة مبلل رأسا صديت على الكنتور ماسوي بس ملابسك خلصتهم وجبتهم وهاي خلصت وطالعة ... وطلعت ركض بدون مااسمع اي كلمة منة .. ليث .. شافتني ورتبكت وطلعت تركض ههههه والله راح تخبلني هل البنت ساعة  اشوفها جبل وساعة جنها لبوة مجروحه وبنفسس الوقت تخجل لاهاي مخبلة موصاحية وراح تخبلني لبست ملابسي واني كبال المراية وجت عيني على الگرصة هزيت راسي واضحكت استغفرالله ياربي .. وصال.. كرار كررررررااار وينك. .. كرار .. هاا هااااا منو مات .. وصال.. اسم الله منو مات .. كرار اني داسئلج شكو .. وصال.. هسة اسوي الباب شلون ينقفل وانت كسرتة هااا شلون انام وباب غرفتي مفتوح 😡 .. كرار .. خرب بحضي جاية تعاركين على الباب واني عبالي ليث فطسج على العموم هسة اسوي لايضل بالج .. وصال.. عفية بالسبع سوي واني اروح اشوف عمة شنسوي عشا .. لكيت عمة فرحة وزهراء وفطومة بالمطبخ وصال .. هلو شلونكم .. فرحة هلا بالخبلة .. وصال. .. ههههه هاعمة شنو شوكت صرت خبلة ههه فرحة تعالي يابعد روحي خلي ابوسج خوفتيني عليج من سمعتج اصرخين .. وصال.. لاعمة ماكو شي ليضل بالج .. هسة شنسوي عشا .. فرحة منسوي شي شاكر راح يجيب جاهز من برة بس حضرو المقبلات .. فطومة اني هسة زوجي جاي بالطريق راح اروح بعد مااكدر اي غير للاربعين .. وصال.. لا ليش بعد وكت حبابة ابقي بعد كم يوم .. فطومة ياعمري مااكدر خطية هو دوام واني صارلي اسبوع هنا .. وصال.. هااا اذا هيج مااكدر اضغط عليج خطية زوجج .. فطومة .. اي والله والجهال متعلمين يردون ابوهم وهو هم متعلق بيهم .. وصال .. ياعمري الله يحفظكم لبعض ويسعدكم .. فطومة .. تسلمين يروحي.  صدك وصال ماوصيج بأمي وزهورة وديري بالج على نفسج من هاي الحية رحاب واكسبي ليث ترئ والله ليث طيب بس الصار مو هين علية تعرفين انتي وماوصيج بفرحة الحلوة هاي الروح والرية .. وصال.. صدك جذب كلهم احطهم بعيوني هم صارو اهلي واني من جيت لسة ماشفت منهم شي موزين .. فطومة .. هاا صدك الخميس راح تجي ملوكة خطيبة المرحوم 🥺 وصال ملاك اسم على مسمئ احتويها اذا بذر منها شي بجيتها اعذريها من راح تعرفين ملاك راح تحبيها يعني هي مو مثل رحاب رحاب خبيثة وحقيرة بس ملاك كلش طيبة وفقيرة وهي حيل مكسورة على غيث الله يرحمة وحقها حب طفولتها وخسرتة 🥺 .. وصال .. والله اخليها بعيوني ولاشيلين هم شمهما سمعت

منها واحاول احتويها .. فطومة اعرفج اصيلة وبنت اصول والي صار صح صعب بس هو قضاء وقدر واحنا مؤمنين بقضاء ربنا الحمدلله والشكر كلشي مكتوب .. وصال.. يستاهل الحمد ولايضل بالج .. كعدنة نسولف بين مايوصل شاكر .. وصال.. عمة انتي ليش مامزوجة لسة .. فرحة ضحكت لايمة اني مزوجة بس زوجي اتوفة الله يرحمة ومن توفة جابني اخوية ابو شاكر يمة وهو اتكفل بية وهاي صار سنين عدهم .. وصال .. ياعمري اسفة والله مجنت اعرف وحضنتها فرحة لايحبيبتي لاتتأسفين .. وصال.. زين عمة مصار عندج اطفال .. فرحة .. لا مصار واني ماطولت ويا اقل السنة وتوفة .. وصاال .. 🥺 اووف .. فرحة .. هواي ناس تقدمو لخطبتي بس اني رفضت كلت اخذت نصيبي من الدنيا وهاي هية وربيت ويلاد وبنيات اخوتي والكل يحبني ..ومحد مقصر وياي بشي .. زهراء .. وعلى فكرة وصال عمة اسمها فرح بس الولد يدلعوها فرحة .. وصال.. ياعمري يخبل فرح ووجودها فرح اني بالنسبة الي اصيحها بعد عمة فروحة .. فرحة.. ههههه يبو خجلتوني .. اجة شاكر وحضرنا العشا والتمو على السفرة وكوة جبروني عمي الشيخ وفروحة وام شاكر قسمو الااكعد وياهم كعدت خجلت منهم ونزل الخبل حتئ يتعشئ .. ام شاكر تعال يمة اكعد بصف مريتك .. اباوع علية معاجبة ورافع حاجبة ادنيت منة حتئ يكعد شكبرة شنو هاي المفروض الواحد يكطع منة الاكل شهر انوب عضلات وبلااوي .. بصراحة تشنجت ومااخذت راحتي احسة يراقب بية .. نزل راسة وهمس بدون محد يسمعة .. اكلي لضلين علساس  مستحية حتئ بيج حيل تكرصين بقوة بربوك اذا ماكرصتج من ط.....  وخليت بي اثر مااسمة ليث .. وصال.. 😲 اني سمعت هيج حجة وفشر غصيت ااحمم ااحمم..  فرحة اسم الله يمة هاج اشربي مي .. وصال.. اخذت من عمتي المي وشربت واني مصدومة من ليث .. الف عافية .. ام شاكر وين يمة شكلتي .. لاعمة الف عافية اني مااكل باليل هواي والله شبعت ...
شنو راح يصير بالبارتات القادمة لاتنسون التصويت والمتابعة لحسابي حتئ يوصلكم اي شي انشرة احبكم 😘
أنامل كاتبة

👇 ليث